Мұқағали Мақатаевтың өмірі мен шығармашылығы сабағы

Өлсе өлер Мұқағали Мақатаев,

Өлтіре алмас алайда өлеңді ешкім.

Мұқағали Мақатаевтың өмірі мен шығармашылығы

І. “Мағынаны ашу” кезеңі

Шерхан Мұртаза қай жылы,қай жерде дүниеге келген?

а) 1841 ж.Торғай өңірінде дүниеге келген ;

ә) 1942 ж.Қостанай облысында дүниеге келген;

б) 1932 ж. Жамбыл облысы, Жуалы ауданы, Мыңбұлақ ауылында дүниеге келген;

М.В.Ломоносов атындағы Мәскеу университетінің журналистика факультетін нешінші жылы бітіреді?

а)1946 жылы; ә) 1955 жылы; б) 1948 жылы;

Шерхан Мұртазаның “Ай мен Айша” романының тақырыбы

а) Ұлы Отан соғысы кезіндегі шырғалаң оқиғалар;

ә) ата-анасына қамқорлық жасаған перзентінің өмірі;

б) соғыс жылдарындағы балалар мен аналардың қиындыққа толы шерлі өмірлері;

Шығарманың басты кейіпкерлері кімдер?

а) Жақан,Ғинаят; ә) Қайыс,Жуанқұл; б) Ай, анасы Айша, Барысхан;

Шығарманың жағымсыз кейіпкерлері кімдер?

а) Тасбет,Жуанқұл; ә) Сәлмен,Жарасбай; б) Оспан би, Қалтай қажы;

ІІ. “Қызығушылықты ояту” кезеңі “Кең дүние төсіңді аш, мен келемін” ( ақынның өмірі туралы)

1931 жылы 9 ақпанда Алматы облысы, Райымбек ауданы, Қарасаз ауылында дүниеге келген.

1941 жылы әкесі Сүлеймен Ұлы Отан соғысында қаза табады.Ол кезде Мұқағали небәрі он жаста еді.

1948- 1949 жылдары ҚазМу-дың филология факультетінде оқуға түседі.

1948 жылы оқуын тастап, көрші ауылға ауылдық кеңестің хатшысы болып барады.

1949 жылы Лашынмен отау құрады.

1949 жылы аудандық “Советтік шекара” газетіне ал “Қырман басында” , “Қойшы бала- Әкітай” , “Әке” деген алғашқы өлеңдері жарияланады.

1950 жылы Алматыға келіп Шет тілдер институтына, неміс тілі факультетіне оқуға түседі, бірақ оны отбасылық жағдайына байланысты тастауға мәжбүр болады.

1954 жылы Қарасаздағы бастауыш мектепке орыс тілінен сабақ береді.

1957 жылы Республикалық радиоға диктор болып жұмысқа тұрады.

1960-1962 жылдары “Советтік шекара” газетінде бөлім меңгерушісі болып қызмет атқарады.

1962 жылы Алматыға көшіп келеді.

1962-72 жылдары “Социалистік Қазақстан” газетінде, “Мәдениет және Тұрмыс”, “Жұлдыз” журналдарында қызмет атқарады.

1964- 1975 жылдары “Ильич”, “Қарлығашым келдің бе?”, “Аққулар ұйықтағанда”, “Шуағым менің” кітаптары жарыққа шығады.

1966- 1976 жылдары “Армысыңдар,достарым!”, “Дариға жүрек”, “Өмірдастан” жинақтары жарыққа шығады.

1970 жылы Жазушылар одағына мүшелікке қабылданады.

1971 жылы “Райымбек!Райымбек!” поэмасын аяқтайды.

1973-1974 жылдары Жазушылар одағының жолдамасымен Мәскеудегі Әдебиет және өнер институтында оқиды.

1976 жылы 27 наурызда бауыр циррозы ауруынан дүние салды.

“Өлеңмен өрілген өмір” ( ақынның өлеңдері)

Мен туған жер- Қарасаз баурайындағы,

Жалғанда жер біткеннің балқаймағы.

Есім кетіп жүргенде ес білдірген,

Жаралған жұлдызым ғой маңдайдағы,

(“Қарасаз”)