Мұқағали Мақатаевтың Сүйемін, өскен Отаным өлеңі, 4 сынып

Ашық сабақ

Мұқағали Мақатаев «Сүйемін, өскен Отаным»

Жусипбекова Умида Молдашқызы

ОҚО, Созақ ауданы, Созақ ауылы Әлішер Науайы атындағы жалпы орта мектебі

Заман талабы, біліктілік пен ерен еңбек жас талғамайтыны белгілі. Сондықтан әрқашан ізденіп, ұстаз ретінде оқушыларымды сапалы біліммен, ұлттық тәрбие құндылықтарымен сусындатқым келеді. Осы орайда өз тәжірибемдегі әдебиеттік оқу пәнінен бір сабақ жоспарымды ұсынғым келеді.

Әдебиеттік оқу

4-сынып

Сабақтың тақырыбы: Мұқағали Мақатаев «Сүйемін, өскен Отаным»

Сабақтың мақсаты:

Білімділігі: оқущыларға Мұқағали Мақатаевтың өмір жолы, шығармашылық әлемі туралы

түсінік беру. «Сүйемін, өскен Отаным» өлеңін мәнерлеп оқыту арқылы мән-

мағынасын түсіндіру, кешенді талдау жасауды үйрету;

Дамытушылық: оқушылардың шығармашылық қабілеттерін, ой-қиялдарын дамытып,

поэзияға деген сүйіспеншілігін, ақын, жазушыларға олардың

туындыларына деген құрмет сезімдерін арттыру;

Тәрбиелігі:оқушыларды Отансүйгіштікке, азаматтық борышын сезіне білуге, өз ана тілін,

ұлттық салт-дәстүрін құрметтеп, қастерлеуге, сүйіп өскен Отаны үшін қызмет

қылып, әлемге танылуына өз үлесін қосуға тәрбиелеу.

Түрі: жаңа білім беру

Әдіс-тәсілдері: түсіндіру, сұрақ-жауап, мағынаны тану, топқа бөлу, ой қозғау, ойын, поэзия минуты, сергіту.

Көрнекілігі: сюжеттік суреттер, слайд, портрет, үлестірмелер.

Сабақтың барысы: І.Ұйымдастыру кезеңі:

1.Психологиялық жағдаят: «Сен менің адал досымсың...» деп бастау арқылы шеңбер бойына тұрып, бір-біріне жылы лебіздерін білдіреді.

2.Топқа бөлу. Нөмірлі асықтарды таңдайды. Тақ сандар бір топқа, Жұп сандар бір топқа жиналады. 2 топқа топбасшы сайлау.

3.Назарларын сабаққа аудару.

ІІ. Үй тапсырмасын тексеру:

Үйге Қасым Аманжоловтың «Туған жер» өлеңін жатқа мәнерлеп оқу, мағынасын талдау берілген болатын.

Үй тапсырманы пысықтау.

1.Ақынның туған жерге деген құрметі, ризашылық сезімі өлеңінің қай жолдарында берілген?

2.Өлеңнің соңғы жолдарынан автордың қандай ой-пікірін аңғаруға болады?

3. Өлеңнің қай шумағы саған ерекше әсер қалдырды?

4.Ақынның өлеңі неше шумақтан және неше тармақтан тұрады?

Тапсырманы орындау:

5. Орны ауыстырылған буындардан мақал шығады. Шыққан мақалдың мәнін түсіндір:

О от да ыс тан тық тан

Отан оттан да ыстық.

«Мақал-сөздің мәйегі» сайысы: Қане балалар 2 топ Отан, туған жер туралы мақал-мәтел айтып көрейікші. Ең көп мақал-мәтелдерді айтқан топқа балл қосылып отырады.

Жаңа сабақ

Лирика дегеніміз көркем әдебиет жанрының бір түрі. Лириканың басты ерекшелігі – адамның көңіл-күйін, сезімін, ішкі сырын сөзбен бейнелеп көрсетеді.

-Балалар осындай әдемі көңіл-күймен, сабаққа зер салып, белсенді қатысайық. Бүгінгі өтетін тақырыбымыз ақиық ақын Мұқағали Мақатаевтың «Сүйемін, өскен Отаным» атты өлеңімен кеңінен танысатын боламыз.

М.Мақатаев туралы бейнежазба көрсетіліп, слайд қойылады.