Мұқағали – қазақ поэзиясының хантәңірі кеш сценарийі

Түркістан облысы,Төлеби ауданы. «Балдәурен- Шымкент»Республикалық оқу-сауықтыру орталығы. Кітапханашы:Тугискенова Мақпал Жұмаділләқызы

«Мұқағали-қазақ поэзиясының Хантәңірі» атты кеш

«Арыз жазып кетейін!» Әбубәкір Әли 1-жүр: Қайырлы күн, қымбатты ұстаздар мен оқушы өрендер! Жыл керуені алға жылжыған сайын Мұқағали Мақатаевтың артына қалдырған өшпес мұрасы жарық жұлдызыдың қараңғы түн қойнауына құпия сәулесін шашқандай жарқырап, айқындала түскендей. 2-жүр: Бүгінгі кеште іңкәр жүрекпен, сезімтал тілекпен, өмірді жырлау үшін келген, өлең атты мұхиттың кемел кемесінің желкеніндей, жұртына жырымен жалау болған ақиық ақын Мұқағалидың 88 жылдығын атағалы отырмыз. 1-жүр:Мұқағали өлең бағына туған, өлең жолына өмірін де, шабытын да,қасиеті мен қажырын, арман мен мұңдарын арнаған ақын. Өмірін өлеңмен өрнектеді, өлеңнен бақытын тапты. 2-жүр: Жазылар естеліктер мен туралы,

Біреулер жан еді дер өр тұлғалы.

Біреулер тұлпар еді дер де мүмкін,

Бүтінделмей кеткен бір ер тұрманы, - деп өзі жырға қосқанай, ақын өмірден өткелі қаншама естеліктер жазылып, еске алу сәттері мен поэзия кештері толасыз өткізілуде.

1-жүр:Ия, ақын өлеңдерін оқыған сайын ақиқат бейнелі рух, сезім мен сананың бірлігі көңілге нұр сәулесін құяды.

2-жүр: Аламан жыр бәйгесінде шашасына шаң жұқтырмай, өлең өнерінің бағын ашқан ақын шеберлігі мен талантына қалай тәнті болмайсың? Ендеше, Мұқағали ақынның өлеңдеріне кезек берейік.

(« О, Поэзия»Мақсұт Дәулет, , «пай-пай,өмір!»- Мұқаш Ақмади, «Өкінбеймін» Байқадамова Жаңылсын, «Афтограф» -Бақтыгериев Жасұлан, «Қап-қара ғажап сиқырлы» Кемелбек Нұрман, «1941Ақпан»Бақтыгериева Іңкәр)

1-жүр: Мұқағали өлең жазуды он жасынан бастаған.алғашқы балауса жырларын майданға кеткен әкесіне арнаған.темірқанат жырлары Нарынқол аудандық «Советтік шекара» газетінде жарық көрді.

2-жүр:Ақын халық даналығынан нәр алып, болмысты сезімталдықпен жырлай келе, балғын қаламның қуатын, табиғатының тазалығын өлеңімен өрнектейді. Ойымызды осы тұнық табиғат тылсымын анық таныған Мұқағали жырларымен сабақтастырамыз!

(«Шыда» Әділбай Аяулым, «Күн ұшып келе жатыр» Ахмет Ислам, «Мен баулықпын» Жетпісбай Дамир, «Бабаларым, рахмет сендерге!» Өсербай Еркеназ, «Ей, өмір» Арынова Сара, «Тіл»Аманжан Ақжолтай)

1-жүр:Ол бізге көрінбейтін сиқыр бояулардан, бізге естілмейтін құпия дыбыстардан қуат алған жұмбақ ақын. Абай ақынның поэзиясын үлгі тұтатынын өлеңдерінде айтып өтеді.

2-Жүр:Дұрыс айтасың, Мұқағали поэзия әлеміне жасқанбай кіріп, Абайша жырлауды жөн көрді. Қуат алып Абайдың тіл күшінен, Жыр жазамын Абайдың үлгісімен, Абай болып табынсам бір кісіге, Абай болып түңілем бір кісіден.

(Мұқағалидің сөзіне жазылған ән тыңдалады)

1-жүр:Мұқағали поэзиясы таңғы шықтай мөлдір, сырлы, мұңды поэзия. Оның жырлары ел арасында ақылман Абайдай,алдаспан Махамбеттей,қажырлы Қасым жырларындай әсем кестесімен сіңісе білді.Туындылары жарық көрген бойда қалың оқырман жүрегіне жол таба білді.Жұрт оны алмастай қиып түсер өткерлігі үшін жақсы көрді. « Райымбек!» Поэмадан үзінді » Улпан Шұғыла

2-жүр: Соғыстан кейінгі жылдары кез келген үйден кітап кездестіру өте қиын болатын. Ал Мұқағали әкесінің жинаған кітаптары көп болған екен. Ол бала кезінен жырларды жаттап, көне әңгімелерге құлақ түріп өседі. Туған жеріне деген махаббатты мен сағынышы шабытына қанат біттіріп, тынысын ашты.

1-жүр: Табиғатына тартып туған ақынның асқар таулардай биіктігі, Шалкөде жайлауындай кеңдігі, Қарсаз шалғынынындай шалқыма көңілі туған жердің қасиеттілігінен ба деп қаласыз.