Мұқағали және табиғат ашық сабағы бастауыш сыныпқа

Мұқағали және табиғат Өлді деуге бола ма,ойлаңдаршы, Өлмейтұғын артына сөз қалдырған. Абай Мақсаты:Ақиық ақын Мұқағали Мақатаев поэзиясына қызығушылығын арттыру; Ақын жырлаған табиғат, туған жерге деген сүйіспеншілігін көре білуге, түсіне білуге үйрету; Оқушының табиғатқа деген сүйіспеншілігін ояту; Табиғатты жырлауға, аялауға тәрбиелеу; Ақын жанының жұмбақ әлеміне үңілу, оның табиғатпен үндестігін түсіне білуге баулу. Түрі:Кіріктірілген (тарих-география) тәрбие сағаты. Көрнекіліктер: суреттер, газет, тест, «Сен білесің бе?», Мұқағали туралы мәліметтер. Жоспар: 1.Ақынның жұмбақ әлеміне үңілу. 2.«Поэзия менімен егіз бе едің?»Ақын сөздері жанына нұр құяды.(өлең оқу) 3.Білгенге маржан. Ақын өмірі, шығармашылығынан тест, топтық сұрақ-жауап. 4.Қорытындылау. 1-жүргізуші: -Туған халқым! Жамандық көре алмайсың сен менен, Өзіңнің қалыбыңмен өлшенген ем, Жалынам, жамандықты жеңсем деп ем Аманат бір өзіңе, өлсем денем. Аманат бір өзіңе, жырым-сырым, Аманат Асан-жүрек жырым-жырым. Жолсызбен жортамын деп орта жолда Жете алмай жетеріне жығылды ұлың. О,менің, Желпілдеген туырлығым! Желпілдеп, жетіле бер туым бүгін! 2-жүргізуші: -Қазынам бар Біреуге берсем бе екен?! Өкпелейді-ау, бермесем, Берсем

Бір өзім иемденіп, жисам ба екен? Қазынам бар, Қисапсыз шектеледі. Қызғанады біреулер, жек көреді, Бермеймін де сатпаймын, көрсетпеймін. Алам десең, Алдымен зертте мені. 1-жүргізуші:-Ақиық ақын Мұқағалидің өзі жырлағандай, біздерге қалдырған мол мұра сырын-жырын, зор қазынасын зерттеу, оқу, түсінуді бүгінгі ұрпақ біздерге аманат етіп кеткендей. 2-жүргізуші:-Ендеше,бүгінгі кіріктірілген тәрбие сағаты ұлы ақынның-ғасыр ақынының шығармашылығына арналады. 1-жүргізуші:-Бұл тәрбие сағатында сіздерді құрметті қонақтар, ұстаздар, оқушылар ақын жанының табиғатпен үндестігіне, оның ғасырларындағы табиғат тақырыбына және ақынның жұмбақ әлеміне үңіліп, оның жырларындағы әлеуметтік, көрегендік, данышпандықты сезе білуге шақырамыз. 2-жүргізуші:Мың-сан бұлағы сылдырап аққан, ақ қар, көк мұзды Хан Тәңірінің түлегіне, Құдай бәрін де үйіп бере салған десе де болғандай. 1-жүргізуші: Ақын деген табиғат қой, қысы, күзі, жазы бар. Көктемі бар шуақты-деп жырлайды ақын. Мына бір өлеңін тыңдап көрелік. 1 оқушы: -Батар күн, Келер түн Атар таң Шығар күн, Бәріне, бәріне, біріне құмармын. Осы мен осылай мәңгілік тұрармын! Сірә, өлмейтін шығармын! Жақындық сеземін- Жерден де аспаннан, Жылылық сезінем- Мұздардан

2-жүргізуші:-Ақын жаны табиғатпен үндесіп,жұмбақ бір дүние оған қайта өлеңдері арқылы тірілер қатарында болатынын, мәңгі өлмейтінін әулиелікпен жырлап тұрған жоқ па? Философиялық ой қозғайды. Сәл ғана мызғып ап, қайтадан тұрғанына бәріміз де куәміз. 1-жүргізуші:-Мұқағали табиғатқа терең бойлаған, оның әр құбылысын жүрегімен сезе, көре, ести білген, ән жаза білген ақын «Менің өлең шумақтарым жасыл кілемдей жазира жеріме, мына тұрған аршаларына, анау тұрған шыршаларына арналады» дейді. 2-оқушы: -Жазым бар жалынмен жандырған, Қысым бар аязға қандырған. Көктемі-балауса балдырған, Ал күзі-алып бір ақ қырман, Ақ дәннен ақ нөсер жаудырған, Күрең нан жаңа алған таңдырдан. 2-жүргізуші:-Туған табиғатын-мың сан өсімдік жұпар иісін аңқытатын «Бозқараған» өлеңіне назар аударсақ. 3-оқушы: Сирень иісі аңқиды боздаладан, Бозқараған-тікенік, тікенге өскен. Сирень гүлін ешкім де қозғамаған, Соның аты біздіңше, бозқараған. Қара судың жағасы бозқараған, Бозқараған бұтағын қозғама адам. Бозқараған ішінде бойжеткенге, Бозбалалар бозарып көз қадаған. 1-жүргізуші:-Сұлу табиғаттың қазіргі күні хайуандықпен пайдаланылатынын, оны күтудің орнына тоздыратынын өз көзімен көріп тұрғандай тірі кезінде дәл суретте