Мұрағаттану және құжаттану мамандығының болашағы

БОЛАШАҚ МАМАНДЫҚ – БОЛАШАҚ МҮМКІНДІК: «IT АРХИВТАНУ ЖӘНЕ ҚҰЖАТТАНУ» МАМАНДЫҒЫНЫҢ ЖАҢА БЕЛЕСІ

Қазіргі таңда ақпарат ағыны секундына сансыз көлемде өңделіп, сақталып, таратылып жатыр. Мұндай заманда архив ісі мен құжаттану саласының маңыздылығы күн санап арта түсуде. Ал бұл саланың жаңа кезеңге аяқ басуы – ақпараттық технологиялармен тығыз байланысты. Әл-Фараби атындағы Қазақ ұлттық университетінің Тарих факультетінде ұсынылған “IT архивтану және құжаттану” мамандығы – осы заман талабына толық жауап беретін бірегей бағыттардың бірі.

Бүгінгі күні кез келген ұйым, мемлекеттік мекеме, білім беру не жеке компания болсын – барлығы сапалы құжат жүргізу мен деректерді қауіпсіз әрі жүйелі сақтауға мүдделі. Бұл міндетті тек кәсіби маман ғана орындай алады. “IT архивтану және құжаттану” мамандығы – архив ісінің дәстүрлі базасын заманауи ақпараттық технологиялармен ұштастыра отырып, еңбек нарығында сұранысқа ие жоғары деңгейдегі кадрларды даярлауға бағытталған.

ҚазҰУ-дағы бұл мамандықтың басты артықшылығы – білім берудің жаңашыл тәсілдері мен тәжірибеге басымдық берілуі. Студенттер теориямен қатар, заманауи бағдарламалармен – электронды құжат айналымы жүйелерімен, архивті цифрландыру платформаларымен, деректерді жүйелеу және ақпараттық қауіпсіздік негіздерімен танысып, нақты дағды қалыптастырады. Сонымен қатар, студенттер 1С: Документооборот, Excel, архивтік деректер базасымен жұмыс істеуді меңгереді. Бұл – болашақ түлектердің кез келген саланың құжат айналымын тиімді басқаруына жол ашады.

Университеттің ғылыми-оқу базасы мен кәсіби оқытушылары да – бұл бағыттың артықшылығы. Оқу үдерісінде студенттер Қазақстандағы және шетелдегі архив ісінің үздік тәжірибелерімен танысып, отандық архивтерде, мемлекеттік мекемелерде тәжірибеден өтеді. Бұл өз кезегінде, еңбек жолын университет қабырғасында жүріп-ақ бастап кетуге мүмкіндік береді.

“IT архивтану және құжаттану” мамандығы – бұл жай ғана құжаттарды реттеу емес, ақпаратпен сауатты жұмыс істей алатын, оны сақтау мен жүйелеудің, таратудың заманауи жолдарын меңгерген кәсіби маман болуға жасалған қадам. Цифрлық трансформация дәуірінде бұл бағыттың келешегі зор. Мемлекеттік қызмет, жеке сектор, ІТ-компаниялар, білім беру ұйымдары – барлығы осындай мамандарға мұқтаж.

Мамандықтың тағы бір маңызды артықшылығы – икемділік пен әмбебаптық. Түлектер тек архивтерде емес, сонымен қатар HR, PR, кеңсе-менеджмент, жобаларды басқару, ақпараттық…