Музыка арқылы балалар денсаулығын нығайту баяндамасы

Жангелдин ауданы әкімдігі білім бөлімінің «Балдырған» бөбекжай– балабақшасы МКҚК

Тақырыбы:

Дайындаған: Стамкулова А.Ж.

Торғай селосы

Музыка арқылы балалардың денсаулығын нығайту

Музыканың бала тәрбиесіндегі алар орны ерекше. Музыкасыз, ойынсыз, ертегісіз баланың толық мәніндегі ақыл- ой мен қиялын дамыту мүмкін емес.

Музыкалық тәрбие, эстетикалық тәрбие ол сұлулықты, көркемдікті сезінуге баулу, сезініп қана қоймай, оны өз бойына қалыптастыра білудің әдет- дағдыларын меңгеру. Бала музыканы тыңдап, әнді, ойынды, биді көз алдына елестете отырып, өзінше қабылдайды. Мысалы, бала салтанатты адымдап келе жатқан сарбаздарға, маң- маң басқан аюға, үркек қоянға тағы да басқаға тән бейнелі қимылды іздейді және оны өзі орындайды. Музыка баланың сезімдеріне тікелей әсер етеді. Олардың музыкаға деген көзқарасы қалыптасып, есту қабілеті жетіле түседі. Шығармашылық, елестету сезімі пайда болады. Музыканың ықпалы кейде үгіттеуден, нұсқаудан анағұрлым күшті болады. Музыканы қабылдау ақыл- ой үрдісімен де тығыз байланысты, яғни музыка арқылы балалардың дыбыс үніне зейіні, байқағыштығы, тапқырлығы жетіледі.

Баланы эстетикалық және ақыл- ой тұрғысынан жетілдіре отырып, оның қабылдау және көз алдына елестету қабілетін, қиялын жандандырып барынша демеп, қолдап отыру керек. Баланың эстетикалық тәрбиесі олардың қабылдаулық, байқағыштығының, сөзінің, қоршаған орта туралы түсініктерінің кеңеюінің дамуымен тығыз байланысты. Егер сәби шақтан бастап, оларды қоршаған орта жағдайының әдемілігіне, табиғатқа, іс- әрекетке, сүйіспеншілікке дұрыс тәрбиелеген жағдайда, өмірінің екінші жартысындағы балалар әдемілікті одан да күшті түсініп, сұлулықты сезінетін болады. Оларға өлең, күлдіргі сөз, музыка тыңдау және қайталау ұнайды. Олар жақсы көйлекке, бантикке, гүлдерге қызығады.

Сәбилік шақтағы балаларға эстетикалық құралдардың бірі- музыка болып табылады. Ол 3-4 айлық кездің өзінде- ақ бала тарапынан эмоциялық қостау туғызып, өнердің басқа түрлерінен бұрын қабылданады. Қарапайым сазды музыка баланың музыкалық қабылдауын оятып, оны тамаша дүниеге жетелейді. Музыкалық тәрбиенің негізгі міндеттері- балаларға қуаныш әкелу, музыкаға деген сүйіспеншілік егу, оның қабылдау қабілетін (есту, есте сақтау, ырғақ сезімі) дамыту мен оған белсенді үн қосуға ынталандыру, музыкамен қимылды, биді және ойынды байланыстыру.

Ән сабағы- ән тыңдау, ән айту, музыкалық- ырғақты қозғалыс, балалар музыкалық аспабында ойнау, әуенді ойын бөлімдерінен тұрады. Түрлі де қызықты…