Музыка арқылы балаларды тәрбиелеу материалы

Музыка арқылы балаларды тәрбиелеу

Калиева Алия Батырбековна

Музыка жетекшісі

«Жұлдыз» бөбек жәй-бала бақшасы

Көксу ауданы, Балпық би ауылы

Баланың музыкалық мәдениетін, эстетикалық талғамын, ұлттық сана сезімін қалыптастыруда сөзбен жеткізе алмайтын әсемдікті музыка тілімен жеткізуге болады. Музыкалық тәрбиенің негізгі мақсаты- баланың жас ерекшеліктерін, мүмкіншіліктерін ескеріп репертуарды біртіндеп түрлендіре отырып сіңіру. Музыкаға бейімдеу сәби кезден бастап, мектепке келгенде жалғастырылып отыру керек. Сондықтан да, музыкалық тәрбиені балабақшадан бастаған дұрыс. Бүлдіршінімізді жан-жақты етіп тәрбиелеуге, отансүйгіштікке, мейірімділікке, әсемдікті сүюге тәрбиелеуде музыканың алар орны ерекше.

Музыка жетекшісі ән айту, музыка тыңдау, музыка сауатын меңгеру тәрізді оқу қызметінің дәстүрлі бөлімі шеңберінің құрсауында қалмай, оны нақтылы өмір шындығымен, қоршаған орта туралы түсініктермен ұштастыра білуі тиіс. Музыка жетекшілерінің музыка өнері заңдылықтарын терең түсіндірумен бірге, оның өмірмен әдет-ғұрып, этика, эстетика және басқа да өнер салаларымен тығыз байланысты жүргізілуіне, музыканы тыңдау, оны қабылдауда тәрбиеленушілерімен тепе-тең бірлікте, бір деңгейдегі өз ара сенімдік ара-қатынас жағдайында өткізуіне назар аударады. Музыкаға тәрбиелеуде музыкалық шығармаларды тыңдау арқылы балалардың еркін қиялына қанат бітіріп, өзіндік шығармашылық әрекет жасауына ықпал етіп, оның қызығушылық ынта жігерін арттыруына жағдай тудырып, жетелеп отыру қажет. Мектепке дейінгі жастағы балалар әр нәрсеге бейім, ересектер не үйретсе соны қабылдап алады және көп нәрсе күтеді.Үлкендердің айтқанын тез қабылдайды. Олардың жандары сондай нәзік және өте сезімтал болып келеді. Балабақшаға келген балалардың үлкен өмірге деген іргетасын біз қалаймыз. Яғни, балалардың болашақта тәрбиелі, мәдениетті болып өсуіне біздің қосар үлесіміз зор. Баланың ішкі жан дүниесінің бай болуы, ой-өрісінің дам

Қазіргі таңда өтіп жатқан әр-түрлі балалар шығармашылық өнер байқауларына тәрбиеленушілер белсене қатысуда, бәрі де, жүлделі орындарға ие болды. Заманауи технологиялардың дамыған кезінде, заман ағымынан қалмай, білімдерін үздіксіз көтеріп, шығармашылығын дамыта отырып, шәкірт алдындағы парызды адал өтеуден жалықпайық.