Музыка сабағы арқылы адамгершілікке баулу туралы мақала

БАЛАБАҚШАДА МУЗЫКА САБАҒЫ АРҚЫЛЫ БАЛАЛАРДЫ АДАМГЕРШІЛІК ҚАСИЕТТЕРГЕ БАУЛУ

Оразова Қарлығаш Мейрамбекқызы

ШҚО, Семей қаласы

ЖШС «Бөбек» мектепке дейінгі шағын орталық

Лауазымы: музыка жетекшісі

«Музыканы тыңдай және оны түсіне білу – эстетикалық мәдениеттің қарапайым ғана белгісі, бұл болмаса сапалы тәрбие беруді елестету мүмкін де емес»

В.А.Сухомлинский.

Балабақшадағы сәбилік шағынан тәрбиеленіп келе жатқан балаларда музыканы тыңдау, оны түсіну, есте сақтау, ажырата білу, ән салу, би билеу, аспаптарды тану қабілеттері бірте - бірте қалыптасады. Балабақшада музыка жетекшісінің алдына баланың бойына қысқа мерзім ішінде аталған білім дағдыларын қалыптастыру болып табылады. Балабақшада музыкалық тәрбие жұмысын ұйымдастырудың түрлері: ән сабағы, баланың жеке музыкамен шұғылдануы, мерекелік ертеңгіліктер т.б.

Балабақшада музыкалық тәрбиені жүзеге асырудың сан алуан әдістерін қалыптастыруға мүмкіндігі мол. Соның ішінде музыка сабағының мәні зор. Музыкалық сабақты топтағы балалармен тұтас күйде және әр баламен жеке жүргізу арқылы оларды адамгершілік қасиеттерге баулуға болады. Мұндай сабақтар бүлдіршіндерді жалпы ортақ қуанышқа, эстетикалық әсерге бөлеуге ықпал етеді, сондай-ақ мәдениеттілікке, бірлесіп іс-әрекет жасауға баулиды. Сабақты ұйымдастыру барысында музыка жетекшісі балалардың зердесін музыкаға бағыттауға және еңбектенуге қабілетін ашуға баса назар аударуы тиіс. Музыка әлемімен танысу, оны сезіну арқылы бүлдіршіннің эстетикалық талғамы болады. Музыкалық тәрбие беруді дұрыс ұйымдастыру нысаналы оқытуды талап етеді. Балдырғандарды жан-жақты және үйлесімді дамыту олардың жас ерешеліктеріне қарай жүргізіледі. Балаларға музыкалық тәрбие берудегі мақсатымыз бен міндетіміз: музыкалық қабылдауын, таныс шығармаларды әуенінен тану және есте сақтауын дамыту; музыка тыңдауға, ән үйренуге ынталық қалыптастыру; музыкалық шығармаларды тыңдату арқылы олардың балдырғандарға әсерін арттыру; балалардың музыка туралы ең қарапайым ұғымдарын қалыптастыру.

Музыка сабағы баланың жеке басының көптеген жақсы қасиеттерін қалыптастыруға ықпал етеді. Ол бүлдіршіндерді қуаныш, эстетикалық толғаныс үстінде біріктіреді, жұмыла әрекет жасауға баулиды, байыпты көзқарасын қалыптастыруға, ойлау қабілетінің жетілуіне септігін тигізеді.узыканың құдіретті күшін бала бойына дарыту, сіңіру мақсатында музыка, сазды әуен баланың күнделікті өмірінде орын алуы қажет. Музыкалық оқу іс - әрекетінің музыка тыңдау бөлімі бойынша ән, күй, халық әуендерін, басқа ұлттық шығармаларды қолдана отырып,…