Музыка арқылы рухани адамгершілік тәрбие қалыптастыру

«РУХАНИ - АДАМГЕРШІЛІК ТӘРБИЕ МУЗЫКА ІС- ӘРЕКЕТІ АРҚЫЛЫ ҚАЛЫПТАСТЫРУ»

КЕНЖЕБОЛАТОВА АҚЖҮНІС ОРЫНБАСАРҚЫЗЫ

Музыка жетекшісі

Ақтөбе қаласы МКҚК №17 «Шұғыла» бөбекжай-балабақшасы

«Бала әуен, екпін, ырғақ, сезім, айналадағы шындықты- табиғатты, адам сезімдерінің әлемін, тарихты, адамзаттың болашағын көрсететінін білу керек »

В.А.Сухомлинский

Педагогика ғылымында музыка балаға тәрбиелік әсер ететін маңызды және тиімді құрал болып табылады. Міне, осы керемет сиқырлы құралдың көмегімен балақандарды ғажайып музыка әлеміне жетелеп, сол арқылы бойларына рухани-адамгершілік қасиеттерді сіңірту – қайырымды, маңызды міндет. Музыкалық тәрбие — мектепке дейінгі жастағы балаларға эстетикалық, талғамдық тәрбие беру ісінің негізгі саласы болып саналады.Басты мақсат — біртіндеп түрлі музыкалық іс – шараларды (есту, қабылдау, орындау,шығармашылық, музыкалық біліктілік, сауаттылық) меңгерту арқылы баланың бойындағы өзіндік бағыттаушы, реттеуші болып табылатын эмоциялық сезімін ояту. Музыкалық эмоцияны дамыту барысында баланың музыка өнеріне деген қызығушылығы, ұнатушылығы, мәнері, музыкалық мәдениеті, эстетикалық сезім негізі қаланады.Баланың жан – жақты тұлға болып өсуінің басты мақсаты музыка тәрбиесіне байланысты.Оның бастапқы кірпіштері бала кезінен қаланады.Осыған орай балалар бақшасындағы музыка іс- әрекетіне көп көңіл бөлінеді.Ол таңертеңгілік жаттығудан бастап, музыка әрекетінде, жеке музыкалық жаттығуларда, мерекелер мен ойын – сауықтарда ойналады. Н.К.Крупская: «Балаға музыка арқылы өзінің ойлары мен сезімдерін тереңірек түсі

Музыкамен айналысу мектеп жасына дейінгі баланың жалпы мінез – құлқына, мәдениетіне септігін тигізеді.Түрлі тапсырмаларды, іс – қимыл түрлерін ән айту, музыка тыңдау, балалар аспаптарында ойнау, музыка ырғағына үйлесімді қимылдар жасау, алмастырып отыру балалардың ықылас қоюын, тапқырлық көрсетуін, тез қабылдап, тез қимыл жасауын,ұйымшыл болуын, жігерлі күш қимылды: әнді дер кезінде бастап аяқтауды; биде, ойындарда тезірек жүгіріп кеткісі, әлде кімдерден озып кеткісі келген ықтиярсыз тілекке берілмей, музыкаға бағынып, қимылдай білуді талап етеді, ерік- жігерді тәрбиелейді. Өнердің басқа түрлері сияқты музыканың танымалдықта маңызы бар. Музыка балалардың эстетикалық және ақыл – ой тұрғысынан жетілдіре отырып, оның қабылдау және көз алдына елестету қабілетін жандандырады. Музыкасыз, ойынсыз, ертегісіз баланың толық мәніндегі ақыл- ойы мен қиялын тәрбиелеуге болмайды.Баланың музыкалық мәдениетінің эстетикалық талғамының ұлттық сана-сезімінің қалыптасуына сөздің шамасы келмеген жерде неғұрлым ойынның…