Өзін-өзі тану пәніндегі рухани-адамгершілік тәрбие

«Өзін-өзі тану» пәні бойынша рухани-адамгершілік тәрбие беру

№1 Мектепке дейінгі

авторлық гимназия

Султанова Н.Д

Қазіргі бой жарыстыратын заман емес, ой жарстыратын заманда еліміздің өткенін танып, ертеңіне үлкен үмітпен қарап, келешегін сезінетін ұрпақ тәрбиелеу мәселесі –педагогтар қауымына өте күрделі мәселе болып отыр. Интеллектуалды дамып, адами құндылықты екінші кезеңге қойған мезгілде бізге «Өзін-өзі тану» пәні көмекке келді. «Өзін-өзі тану» пәні адами асыл қасиетке жетелейтін, адамның ішікі дүниесін байытатын аса құнды дүние. Осы мүмкіншілікті тиімді пайдалану-бұл пәнді жүргізетін әрбір ұстазға жүктелген міндет деп білемін.

Рухани – адамгершілік білім беру – бұл «Өзін – өзі тану» пәнінің негізінде арнайы ұйымдастырылған үдеріс. Мұнда 1) әлемге эмоционалдық-құндылықтық қатынасына негізделген адамзаттың әлеуметтік – мәдени тәжірибесін игеруі; 2) балалардың рухани-адамгершілік салада нақты білімділік деңгейге қол жеткізуде, танымдық және тұлғалық мәселелерді шешуде жеке тәжірибесін қалыптастыруы; 3) тұлғаны дамыту, оның жеке тәжірибесі мен мінез-құлқын байыту, әлеуметтік және жеке тәжірибенің өзара әрекеттестігі, әлеуметтік іс – әрекеттің көп қырлы түрлерінде тұлғаның шығармашылық мүмкіндіктерін ашу; 4) адамгершілік заңы тұлғаның өз заңы бола алатындай тұлғалық автономияны дамыту; 5) адамгершілік таңдау негізінде тұлға үшін маңызды мәселелерді шещу тәжірибесін қалыптастыру қарастырылады.

Адамгершілік-адамның рухани байлығы. Жас ұрпақ бойына адамгершілік құндылықты сіңіру ата-ана мен ұстаздың басты міндеті десек, адамгершіліктің қайнар бұлағы-халқында, отбасында, әдет-ғұрпында, тәрбие алып жатырған балабақшада елімізде жүргізіліп жатырған ізгілендіру үрдістері қоғамның мектепке дейінгі ұйымдарында қойылатын жаңа талапты анықтайды.

Сапалы білім алып, өскелең өмірімізге лайықты адам боп шығуы қазіргі өмір талабы, ал уақыт талабының күннен күнге күшейе түсуі және қоғам өміріндегі өзгерістер оқу-тәрбие процесіне жаңаша көзқараспен қарауды қажет етіп отыр. Міне осы үлкен миссияны орындау үшін біздің гимназиядағы «Өзін – өзі тану» пәні аптасына 1 сағат енгізіліп отыр және бұл пәннің қоғам алдындағы жауапкершілігі де, көтерер жүгі де жеңіл емес екендігін түсінеміз.

Өзін-өзі тану сабақтарын өткізуде тәрбиешінің шеберлігі ерекше орын алады. Себебі бұл пән өзге сабақтарға ұқсамайтын өзгеше сабақ екені бәрімізге мәлім.

Ауласынан кіргеннен тартымды жылылық ұялаған гимназияда балалар 2 тілде тәрбиеленуде . Аулада гүлдердің бірнеше түрлері өсіріліп, тазалығы көзді бірден тартады. Ойын алаңдарында ертегі кейіпкерлері, жануарлардың мүсіндері қойылған, тура балалар арасында “бірге жүр ме?” деп ойлап қаласың. Эстетикалық тәрбиенің балаға өзіне деген сенімділігін ғимаратқа кіргеннен әсер етуіне көңіл бөлеміз.

Топтағы қабылдау бөлмесінде ата-аналар бұрышы жасақталып: «Қауіпсіздік ережесі», инабаттылық, сүйіспеншілік, үлкендердің риясыз істері туралы ата-аналарға кеңестер беріліп отырады. Сонымен қатар, гимназия дәлізінде арнайы орнатылған «Өзін-өзі тану» стендісі осы пәннің барлық талаптарына жауап беретіндей кеңестер ілінеді.

Жер шарындағы алуан түрлі ұлттың балалары әртүрлі бесік жырын, әртүрлі ертегіні, сан түрлі әуенді тыңдап өседі. Бірақ олар қандай ұлттың өкілі болмасын, жер бетінің қай нүктесінде өмір сүрмесін, барша халық өз баласының ең алдымен өз Отанын сүйіп өсуіне, еңбексүйгіш азамат болып қалыптасуына көңіл бөледі, балаларының жоғары адамгершілік…