Мың бір мақал тақырыбындағы ойындар мен сценарийлер

Мың бір мақал

Сабақтың мақсаты – мақал-мәтелдерді күнделікті өмірде қолдана білу, олардың сөздің көркі екенін ұқтыру.

Тақтада 3 оқушы

Мақал мәтел екеуіне ортақ сипат

1) ой ашық айтылады 1) ой тұспалдап жеткізіледі 1) ауыз әдебиет үлгісі

Осылайша негізгі ұғымдар анықталғаннан кейін сабақтың қалған бөлігі ойын түрінде өтеді. Ойын 5 турдан тұрады. Әрбір турдың жеңімпазы анықталып, келесі турға қатысу мүмкіндігіне ие болады. Тақтада оқушылардың аты-жөні жазылған плакатка дұрыс жауабына + белгісі қойылып отырады.

І тур. «Ешкім естімеген мақал» мақсаты оқушыларға сирек қолданылатын мақалды іздету. Олардың мағынасын түсінуге үйрету. Осы сабақта мынадай мақалдар «Ешкім естімеген мақал» деп танылды. «Мисыз бас-мұржасыз үй», «Малшының байлығы теріге ораулы», «Егін ексең тыңға ек, онан өнер өнім көп», «Бой жетпеген жерге ой жетеді», «Қыран жетпеген жерге қиял жетеді», т.б.

ІІ тур. Мақалды әңгіме. Көптеген тақырыптар ұсынылып, шағын әңгіме жазу тапсырылады. Қойылатын шарт әңгіменің ішінде мақалдардың болуы. Сондай әңгіме үлгісі.

«Білімсіз өмір- сөнген көмір» дегендей білімсіз өмірдің мәні жоқ. «Оқу инемен құдық қазғандай» қиын бола тұрса да, «Бейнет түбі – зейнет» екенін өмірден көріп жүрміз. Мен балаларға сыйлы болғың келсе білім ал дер едім. Өйткені «Оқыған ұл атасынан да үлкен» емес пе?

«Білімдіге дүние жарық, білімсіздің күні кәріп» екенін біле тұра білім алуға ұмтылмаған баланы кім сыйлайды? Олай болса, білім үйренейік, балалар!

ІІІ тур. Аталмыш сөзі бар мақалды айту: ақымақ, жіп, түтін, күн, дұшпан, тал, пәле. Ақымақ достан ақылды дұшпан артық. Бұдан басқа мақалдар да немесе олардың жауаптарының басқа варианттарын да алуға болады.

ІV тур. Берілген сұрақтың орнына керек сөзді қойып мақал-мәтелдерді толықтыр.

1. Күлме кімге? Келер басыңа. 6. Қандай үй базар?

2. Аз сөз не? Көп сөз не? 7. Қыз –өріс, ұл ше?

3. Талаптыға не жауар? 8. Білмеген не ішеді?

4. Атаң өлсе өлсін, кім өлмесін? 9. Жас келсе қайда?

5. Тіл не жарады? 10. Ат шаппайды, не шабады?

Vтур. Мақал-мәтелдердің сыңарларын тап.