Мысық туралы сөйлеуді дамыту сабағы, мектепке дейінгі топ

Шағын топтағы ұйымдастырылған оқу қызметінің технологиялық картасы

Білім беру саласы: Коммуникация

Ұйымдастырылған оқу іс -әрекеті: сөйлеуді дамыту

Тақырыбы: «Мысық»

Мақсаты: Балаларды үй жануары – мысықпен таныстырып, оның қимыс іс – әрекеті, пайдасы жайында түсінік беру.Мысық туралы әңгімелей білуге үйрету,2-3 сөзден тұратын сөйлем құрату арқылы ауызекі сөйлеу тілдерін дамыту.Жануарларға деген қамқорлық сезімдерін ояту.

Көрнекілігі:слайд, үй жануарларының суреттері,сүт ішіп отырған мысықтың суреті, себеттегі жіптер, тышқан мен мысықтың суреттері.

Сөздік жұмыс: мысық

Ұйымдастыру кезеңі: Балалар, бүгін күн ерекше, бізге қонаққа апайлар келіп жатыр.Қане,бәріміз амандасайық.

Б: Балалар апайлармен амандасады.

Т: Табиғаттың өзі сендерді аялы алақанына салып еркелетпекші, кәне, бәріміз шеңберге тұрып, өлең шумақтарын айтайық.

Табиғатым тамаша,

Көз тоймайды қараса,

Табиғатты аялап,

Жүрейікші жараса.

Сәлем саған Жер ана!

Сәлем саған Нұрлы күн!

Аман – есен болайық,

Бейбітшілік қалайық

Енді орындарыңа отыра қойыңдар.. Бүгін үй жануарларының бірімен танысамыз, ол қандай жануар екені әзірге құпия, тек мен айтқан жұмбақты шешсеңдер ғана білетін боласыңдар

Өз құйрығын өзі қуып ойнайды, Допты көрсе домалатып қумайды. Беті қолын қайта – қайта жуады. Тышқандарды үйімізден қуады

Б: Балалар жұмбақты шешіп,жауабы мысық екенін айтады

Т: Жарайсыңдар,балалар.тақтадағы үй жануарларының ішінен мысықты кім көрсетеді?

Ендеше біз тақтада тек мысықтың суретін қалдырайық.

-Мынау мысық.Мысық не істеп отыр?

Б: -Мысық сүт ішіп отыр.

Т: Дұрыс,себебі мысық сүтті жақсы көреді ,оның пайдасы көп, ол жүрген жерді тышқан болмайды. Мысық еркелегіш, балалармен ойнағанды ұнатады. Өзіне жарасар дауысы бар, қандай?

Б: Балалар мысық туралы білуге талпынады,мұқият тыңдайды.Балалар мысықтың дыбысын салады

-Мияу,мияу

Т:Қазір,сендерге Е.Елубаевтың «Ала мысық» өлеңін оқып беремін.

Беті – қолын жуады.

Тышқандарды қуады,

Тазалықты сақтайды,

Апам оны мақтайды.

Б: Өлеңнің мазмұнын түсінуге тырысады.

Т:Мысық тазалықты жақсы көреді,оған қалай күтім жасайсыңдар?

Б: Мысыққа қалай күтім жасайтындарын айтады.

Жуындырамыз

Т: «Мысық» сөзін бірнеше рет қайталату.

Б: «Мысық» сөзін қайталайды.

Т:Балалар,тақтаға қарап мына екі мысықты салыстырып,ерекшелігін айтайық.

Енді мына суреттегі мысыққа қарайық,оған не жетіспейді?