Наурыз думан тәрбие материалы 4 сынып

№18 М. Сатыбалдиев атындағы жалпы орта білім беретін мектеп

«Наурыз-думан»

3 «и» сынып

Еримбетова Дамебике Абдіғалиқызы

2016-2017 оқу жылы

Тақырыбы: «Наурыз-жыл басы»

Мақсаты: Оқушыларға Наурыз мерекесі туралы түсінік беру.

Көрнекілігі: мультимедия, компьютер, т. б.

Барысы:

Нұрхан: Той басталды!Наурыз тойы басталды!Наурыз құтты болсын!

Бүгін той, ағайын!

Айнагүл:Тыңдаңыздар, тыңдаңыздар!Босқа қарап тұрмаңыздар!Наурыз тойы басталды,Қызықтан тыс қалмаңыздар.Көрмегендер көріңдер,Естімегендер естіңдер.Ұлыстың ұлы күніне,Шақырамыз бәрінде!

Альбина:Армысыздар, халайық!Бармысыздар, халайық!Ақ қар кетіп, көктем жетіп,Наурызды қарсы алайық!

Сабина:Көктем келді, Наурыз келді,Жер көгеріп, жайнай берді.Дастарханы аққа толып,Жақсылық пен бақыт келді.

Альбина: Наурыз мерекесі Шығыс халықтарына ортақ мереке. Оның тарихы да өте тереңде жатыр. Күн мен түн теңеліп, күллі табиғат оянып, түрленіп, құстар сайрап, жан-жануарлар төлдеп, мал көкке шығып, адамзат аузы аққа жетіп, жер үстіне шаттық орнаған Наурыз айы — жыл басы деп саналады.

Сабина: Қазіргі таңда еркін жатқан, тәуелсіз елміз! Соның нәтижесінде ұмыт болып бара жатқан Наурыз мерекесі қайта жаңғырып, жалпы халықтық мерекеге айналып отыр. Ол әр адамның ертеңгі күнге деген сенімділігін, әрқайсымыздың бойымызға патриоттық рух, елге деген сүйіспеншілік сезімдерімізді арттырады.

Альбина: Иә, қазақ елі Наурызды қалай қарсы алған екен? Қызыр түні Жаңа жыл табалдырық аттап үйге енгенде, «жалғыз шала сәуле болмас» деп төрге қос шырақ жағылып қойылады. «Жаңа жыл мұнтаздай таза үйге кірсе, ол үй ауру-сырқаудан, пәле-жаладан аман болады» деген сеніммен Наурызға шейін үй ішіндегі жиһаз мүліктің шаңы қағылып, жуылып тазартылады.

Сабина: Міне,күлімдеген көктем де келіп жетті. Табиғаттың осы бір мезгілін барша қауым асыға күтеді десек те болады. Ұлыс оң болсын, ақ мол болсын!

Альбина: «Жыл басы қалай басталса, аяғы да жақсы болады», «Жыл бойы жақсы хабар көп болсын, ақ мол болсын, жауын-шашын көл болсын» деп ыдыстардың барлығын аққа және таза, кәусар бұлақ суына толтырып қояды екен.

Сабина: Бұл жыл бәрімізге бақыт жылы,бейбіт жылы болсын!

Альбина: Ал халайық тұрмайық,Әндетейік, жырлайық.Ырыс тілеп бұл жылға!Ортамызды ашайық, (шашу шашылады)

Нұрисламның орындауында «Қазақ елім» әні.

Наурыз мерекесіне арналған жыр шумақтары:

Ақтілеу:Аманбысың, армысың, халқым менің!Ақтарған кең даламның алтын кенін,Мереке басы болсын берекелі,Ардақты Наурыз тойы, салтым менің.

А. Әсем: Наурыз келді құт болып,Мына бізге сүт болып,Аққа аузымыз толады,Бар жақсылық болады.

Кенжебек: Наурыз тойы құтты болсын,Жер көгеріп, малға толсын,Ырыс тасып берекелі,Елім менің бақытты болсын.

Р: Әсем: Бәйшешек гүл ашады,Мұздар сайға қашады.Суға толы өзен-көл,Кемерінен асады.