Наурыз келді, алақай ертеңгілігінің ойындары мен сценарийі

Тақырыбы: «Наурыз келді, алақай!»

Мақсаты: Балаларды наурыз тойы мерекесімен таныстыру, ұлттық ойындарды ойнау, әсем-әуенмен көңілдерін көтеру, сурет көрмесін жасату.

Тәрбиеші: Армысыңдар, халайық!

Бармысыңдар, халайық!

Наурыз тойын жұп жазбай,

Жылда қарсы алайық!

Тәрбиеші: Наурыз-жыл басы, көктем мейрамы. Жыл басы мерекесі. Халық ет асып, бидай көже жасайды, дастархан жайылады. Адамдар атқа мініп, ауылдан ауылға қыдырады. Бірін-бірі құттықтайды. Асқан еттерін жеп, көжелерін ішеді. Наурызда алтыбақан құрылады, ән салынып, би биленеді. Сөйтіп, Наурыз күнін шаттық өткізеді.

Тақпақтар:

Хантөре

Наурыз тойы салтымыз,

Көгерсін деп халқымыз.

Мейрамы ежелден,

Қутты болсын Наурыз!

Ниара

Наурызда оюлы,

Ұлттық киім киеміз.

Бастап ән-күй, ойынды

Би билеуді сүйеміз.

Арсен

Наурызды халқымыз,

Жыл басы санайды.

Көнермес салтымыз,

Көктемдей арайлы.

Ән: «Наурыз-достық мерекесі» балалардың орындауында.

Ойын: «Тақия тастамақ» ұлттық ойыны.

Мақсаты: балаларды ұйымшылдыққа, бір-бірін сыйлауға, данышпандыққа, ақылдыққа тәрбиелеу.

Ойын: «Ормал тастау» ұлттық ойыны.

Мақсаты: балаларды мергендікке, ептілікке тәрбиелеу.

Сурет көрмесі «Наурыз келді, алақай!»

Мақсаты: балалар суреттерді тақырыпқа сай салып, ұқыптылыққа, әдемілікке тәрбиелеу.

Ән: «Әз Наурыз!» балалардың орындауында.

Тәрбиеші: Жарқын күнде той басталды,

Жастар жайнап той басқарды.

Тойға қыдыр ата келді,

Тойшыларға бата берді.

Қыдыр ата: Ұлыс оң болсын!

Ақ мол болсын!

Қайда барсаң жол болсын!

Ұлыс бақты болсын!

Төрт түлік ақты болсын!

Тәрбиеші: Ұлыстың ұлы күні Наурыз құтты болсын! Ұлыс мереке сіздерге тек жақсылық әкелсін. Сіздерді бүгін Наурыз мерекесімен құттықтап, «Наурыз келді, алақай!» атты сурет көрмесі аяқталды.