Наурыз көктем мерекесіне арналған ертеңгілік жоспары

Білім беру саласы: Әлеуметтік. Қатынас.

Бөлімі: Қоршаған ортамен таныстыру.

Тақырыбы: Наурыз – көктем мерекесі.

Мақсаты: 1. Балаларды ұлттық Наурыз мерекесімен, қазақ халқының салт-дәстүрлерімен таныстыру.

2. Халқымыздың салт-дәстүрлерін әңгімелеп беру арқылы есте сақтау қабілеттерін дамыту.

3. Мейірімді, қонақжай болуға баулу.

Қолданылатын көрнекі құралдар: Наурыз мерекесі бейнеленген сурет, ойынға арналған тақия.

Сөздік жұмыс: Наурыз.

Билингвальды компониент: көктем – весна, Отан – Родина.

Оқу іс-әрекетінің кезеңдері

Педагогтің іс-әрекеті

Балалардың

іс-әрекеті

Мотивациялық-

қозғаушылық

1. Шаттық шеңберіне тұру.

Армысың, асыл Күн!

Армысың, ашық Күн!

Армысың, ұстазым,

Армысың, достарым,

Сендерді көргенде қуанамын!

Құрманғазы Сағырбайұлының «Сарыарқа» күйі тыңдатылады. Осыдан кейін қонаққа қуыршақ Әселдің келгенін, ол балаларға Наурыз мерекесі туралы әңгімелеп беретіндігі хабарланады.

Шаттық шеңберге тұрады.

Бір-біріне игі тілектерін айтады.

Күйді тыңдайды.

Ұйымдастырушылық-ізденістік

1. Білімді өзектендіру.

– Қазір қай жыл мезгілі?

– Көктем мезгілінде тойланатын ең үлкен қандай мереке?

2. Әңгіме.

– Балалар, Наурыз мерекесі жақындап келе жатыр. Наурыз – шығыс күнтізбесі бойынша жыл басы, көктемнің бірінші айы. Наурызда ағаштар бүр жарады, жапырақтар шығады, жасыл шөп жайқалып шыға бас­тайды. Бұл күні барлық адам реніштерін ұмытып, бір-бірімен төс қағыстырып амандасады. Әр үйде мерекелік дастарқан жа-йылады. Наурызкөже пісіріледі.

Мына суретте Наурыз мерекесін қалай тойлайтыны көрсетілген.

3. Билингвальды компониент: көктем – весна, Отан – Родина.

4. Қимылды-қозғалыс ойыны: «Тақия тастамақ».

Шарты: ойынға бірнеше бала қатысады. Бастапқыда барлық қатысушылар шеңбер жасап отырады, жүргізуші шеңберді сыртынан айналып, бір баланың артына білдіртпей тақияны тастайды да, ол жерден тез жүріп кетеді. Егер ойыншы артында жатқан тақияны байқап қалса, жүргізушіні қуып жетуі керек. Ал жүргізуші ұсталып қалса, сол ойыншының орнына отырады.

5. Үлестірмелі материалдармен жұмыс.

6. Жеке жұмыс өткізеді.

– Көктем мезгілі.

– Наурыз мерекесі.

Педагогті тыңдап, Наурыз мерекесі туралы білетін мәліметтерін айтады.

Қайталайды.

Қазақтың ұлттық ойынын ойнайды.

Тапсырманы орындайды.

Рефлексия-

лық-

түзетушілік

Сұрақ-жауап әдісі арқылы оқу іс-әрекетінде алған білімдері қорытындыланады.

«Қара жорға» биімен оқу іс-әрекетін аяқтайды.

Сұрақтарға жауап береді. Бір-бірінің жауаптарын тыңдайды.

Билейді.

Күтілетін нәтиже: