Наурыз мерекелеріне арналған сынып сағаты, 5 бет

Мұғалім: Сәлеметсізбе, құрметті ата-аналар, балалар, қонақтар! Бүгінгі Наурыз мейрамына арналған «Наурыз –Ұлыстың ұлы күні» атты ашық сабағымызды бастауға рұқсат етіңіздер! - Балалар, міне Наурыз да келді. 22 наурыз жыл басы. Наурыз үлкен мейрам. Көптен күткен Наурыз тойы арайлы, Нұрға бөлеп міне жатыр манайды! Мал біткеннің бал татыған уызы, Қуат болып қанымызға тарайды. Төрт түлік мал халқымыздың сүйері, Көңілімнің күмбірлеген күйі еді. «Аман ба» деп мал жаның? Бірін-бірі құшақтасып сүйеді. Наурыз – Ұлыстың ұлы күні құтты болсын! Ақ мол болсын! Жаңа жыл бақ, береке, молшылық әкелсің!

1-жүргізуші: Құрметті асыл аналар, қадірлі ұстаздар,қыз-қызғалдақтар! Қар астынан қылтиып бәйшешек бой көрсеткенде көктемнің алғашқы хабаршысы болып Аналар мерекесі келді.

2-жүргізуші: Бәйшешек соншалықты нәзіктігіне қарамастан қалың қар астынан бүршік жарады. Біздің асыл аналарымыз да бәйшешектей барлық қиындыққа төзімді. Құрметті аналар, қыздар кеше ғана тойлап өткен «Халықаралық әйелдер күнімен» шын жүректен құттықтаймыз.

Аналар, көктемгі күндей жарқырап, гүлдей құлпырған гүл мерекелеріңіз құтты болсын!

Оқушы:

Ардақты ана, аяулы ана, қымбаттым,

Тәтті ұйқыңды бөліп талай түн қаттың.

Өміріме нәрін берді ақ сүтің,

Кең құшағың-аясындай гүл бақтың.

Оқушы:

Ана десем теңіз болам шалқыған,

Ана десем- алғыс алам халқымнан.

Ана десем-ашылады қабағым,

Ана десем-әділдікті ұғамын.

1-жүргізуші:

Халқымызға билік айтар даналар,

Даналардың өзі анадан жаралар.

Жүрегіңнің бір бөлшегі бала үшін

Сізден жақын адам бар ма, аналар?!

Балаға ең жақыны сіз ғой ана,

Сіздің ыстық құшағыңыз бізге пана.

Сіздерге теңестірер еш нәрсе жоқ,

Теңесе алар бір-ақ нәрсе-Отан ғана.

2-жүргізуші: Өте тамаша жазылған өлең екен, мен де өзімнің анама арнап әнімді жолдайын.

1-жүргізуші: Базарбаев Ержанның орындауында «Ана туралы жыр»

2-жүргізуші: _________көктемнің алғашқы айынан бастап гүл көктеммен бірге тойланатын тек әйел қауымының мерекесі, жергілікті тұрғын Маңғыстаулықтардың тойлайтын амал мерекесі бүкіл шығыс халқы тойлайтын 22-наурыз мерекесімен ұласатынын білемісің.

1-жүргізуші: Әрине білемін, дегенмен амал мерекесін қалай тойлайтынын біз оқушылардан сұрайық:

Оқушы:

1-оқушы: жаңа жылда қызыр баба үйге кірсе, ол үй ауру-сырқаудан, пәле-жаладан аман болады деген сеніммен наурызға дейін адамдар үйін қағып-сілкіп, тазартып қоятын болған.

Оқушы:

2-оқушы: ел арасында 21 наурыз түні даланы қызыр баба аралайды деген аңыз бар. Осыған сенген халық дәулет дарып, бақ қонсын деген мақсатпен есіктерін ашып қояды.

Оқушы:

3- оқушы: наурыз мейрамы негізінен адамдардың көрісуінен басталады. Жігіттер төңіректегі бұлақтардың көзін ашып, бұлақ басына тал еккен. Жаңа шыққа күнге иіліп сәлем берген. Ренжіскен ағайындар татуласқан.

Оқушы:

4- оқушы: ұлыстың ұлы күні кем дегенде жеті түрлі дәмнен тұратын наурыз көже дайындалады. Наурыз көжеге соғымнан қалған сүр ет, қойдың басы, қатық, сүт, бидай, тұз, су қосылады.

2- жүргізуші:

Дәстүрімізге айналған ұлыстың ұлы күні – наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, наурыз тойын тойлатып жаңа жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

Наурыз келді, жайраң қақты таң күліп,

Жап-жасыл болып кетті дүние жаңғырып.

Жақсылыққа жаршы болған наурызым!

Сен өмірдің көктемісің мәңгілік!

1-жүргізуші:

Уа, халайық, халайық!

Ақ сандықты ашайық,

Бұл мереке, бұл тойдың

Шашуларын шашайық!

Оқушы:

О, жараңдар, жараңдар,

Бәрің мұнда қараңдар!

Наурыз тойы басталды,

Текке қарап тұрмаңдар!

Әуелесін армандар,

Үміті от боп жаңғандар.

Бақ қонып, Қызыр дарысын,

Мерекеден қалмаңдар.

Оқушы:

Көп көжеден дәм татып,

Күшейтейік бірлікті,

Еңбек пенен тірлікті.

Салт-дәстүрмен жараса,

Қайта құрып жаңаша,

Жарыса өнер көрсетіп,

Той тойлайық тамаша!

Оқушы:

Жаңарғаны сананың,

Ұмытады мұны кім?

Ата салтын бабамның

Алып келді Ұлыс күн!

Бір анадан туғандай,

Бір ұядан ұшқандай,

Бір аспанның астында,

Бір дастарқан басында,

Береке-бірлік болсын деп.

Оқушы:

О, жараңдар, жараңдар,

Тамашадан қалмаңдар.

Құс қанатты көңілмен

Жыр әлемін шарлаңдар.

Оянып шың мен асқарды,

Ерітіп мұз бен ақ қарды,

Нұрландырған даланы

Наурыз-көктем басталды!

Мұғалім: Наурыз тойында ұлттық ойындар да ойналған. Қане, кім қандай ұлттық ойындар біледі? ( Қыз қуу, бәйге, көкпар, күрес, теңге алу, асық ойнау).- Олай болса, біз де бүгін тойымызда осы ойындарды ойнап көрейікші.1. «…