Наурыз мерекесіне арналған балабақша материалы

Бекітемін _______________

Балабақша меңгерушісі:

Айтимова Қ . С.

Қош келдің әз – Наурыз!

Залда әсем әуен ойнап тұрады. Балалар билеп кіреді.

Жүргізуші: Күлшат күлімдеген шуақты көктеммен бірге қазақ даласына жаңа жыл келді. Ұлыстың ұлы күні наурыз мерекесімен құттықтай отырып, дендеріңізге саулық, еңбектеріңізге табыс тілейміз. Ұлы мереке сіздерге бақыт пен қуаныш сыйласын. Жүргізуші: Ақмарал армысыздар қонақтар! Ұлыстың ұлы күні құтты болсын! Жер шарын мекендеген ұлттар мен елдердің сан түрлі мейрамдары бар. Ал наурыз қазақ халқының төл мерекесі, ұлттық мейрамы. Бұл күні күн мен түн теңесетін күн. Сондықтанда халқымыз наурыз жыл басы, ұлыстың ұлы күні деп атайды. Келе жатыр жылымыз, Мейрамдаймыз мұны біз. Халық сүйген мейрамды, Қарсы алайық наурызды.

Жүргізуші: Күлшат Наурыз келсе құт келгені халайық!

Есік ашып, шашу шашып,

Ел боп қарсы алайық.

Әже: Сәлеметсіңдер ме балалар, бүгін мереке ұлыстың ұлы күні құтты болсын. Ақ мол босын. Жылдан жылға аман-есен жете берейік. ( шашу шашады).

Жүргізуші: Ақмарал қош келдіңіз әже төрлетіңіз, тілектеріңіз қабыл болсын. Балалар біздер қандай мерекені тойлап жатырмыз?

Балалар: Наурыз мерекесін тойлап жатырмыз.

Дұрыс айтасыңдар балалар, олай болса келесі кезекті мерекемізге арналған тақпақтарымызға береміз.

Ж. Анелья: Ой халайық, халайық,

Әсем әнге салайық.

Наурыз тойы көңілді,

Бірге қарсы алайық.

Ұлан: Құтты болсын наурыз,

Жалқаулық қос жауымыз.

Дала толы егіске,

Малға толы тауымыз.

Іңкәр: Күттіріп келген жыл басы,

Бізбен бірге жырлашы.

Дастарханға елімнің,

Береке ырыс сыйлашы.

Бекзат: Наурыз тойы береке,

Наурыз тойы жыр аңыз.

Қызып дулы мереке,

Қызық думан құрамыз.

Әмина: Жылдың басы- наурыз,

Жердің басы-наурыз.

Мерекеге арналған,

Бүгінгі жыр әніміз.

Жәния: Наурыз келді-жыл келді,

Тірілтуге гүлдерді.

Сәнденеді аналар,

Сәбилермен бірге енді.

Жүргізуші: Күлшат Ал халайық, тұрмайық,

Әндетейік жырлайық.

Ортамызды ашайық,

Ырыс тілеп бұл жылға,

Жырдан шашу шашайық – деп келесі кезекті әнге береміз.

Ән: «Көктем келді»

Наурыз жыл басы, наурыз қуаныш мерекесі. Наурыз көктем мерекесі. Наурыз мерекесінде

Үлкен әжелеріміз жеті түрлі тағам қосып дәмді көже пісіреді. Бүгін бізге келген үлкен әжелерімізден наурыз көжені қалай дайындалатынын сұрайықшы.

Әже: Қарақтарым наурыз көже наурыз мейрамыныңнегізгі тағамы. Оған жеті түрлі тағам қосылады. Олар қыстан қалған сүрленген ет,айран,сүт, бидай тары, т.б дәнді дақылдар қосылады. Жеті киелі сан ал наурыз көже тоқшылықтың белгісі.

Жүргізуші: Ақмарал әже, біздің балаларымыз осы наурыз көже туралы тақпақтарын айтқылары келіп отыр екен олай болса кезекті балалардың тақпақтарына берейік.

Айзере: Арпа,бидай, тары бар,

Қатық, малта тағы бар.

Ішілетін жейтінің,

Бұл көжеде тағы бар.

Шұғыла: Ұлы күні ұлыстың,

Күн мен түнді теңеген.

Тәтті дәмін ырыстың,

Таттық наурыз көжеден.

Нұрсая: Наурыз тойы әдемі,

Әжем еске түсірді.

Біздерге арнап әдемі,

Наурыз көже пісірді.

Елдар: Бата беріп атамыз,

Бата беріп әжеміз.

Тәтті болып жасалған,

Көжеден дәм татамыз.