Наурыз мерекесіне арналған балабақша ертеңгілігі

Сценарий тақырыбы: Жыл басы - Наурыз!

Сценарий мақсаты: Балаларға ұлыстың ұлы күні туралы мағлұмат беру; Балаларды елін , Отанын сүюге, ұлттық салт-дәстүрін дәріптеуге тәрбиелеу; Имандылық, инабаттылық, ізеттілік қасиеттерін қалыптастыру.

Сценарий көрнекілігі: газеттер, нақыл сөздер, киіз үй керегесі, ұлттық бұйымдар. Сценарий барысы: І Кіріспе Мейрам өтетін жер салт –дәстүрге байланысты жабдықталады.Балалар ұлттық киімдерімен келеді. Киіз үй керегесінен сахна жасалынады. Ұлағатты сөздер: «Наурыз құтты болсын!» «Жыл басы - наурыз!» «Наурыз құт әкелсін!» «Құт береке мейрамы Наурыз жасасын!» Залда әсем әуен ойнап тұрады.

Тәрбиеші: Армысыздар құрметті қонақтар. Ұлыс күндеріңіз құтты болсын! Келе жатыр жылымыз, Мейрамдаймыз мұны біз. Халқы сүйген мейрамды Қарсы алайық Наурызды! (Әжесі мен Наурыз қыз ортаға келеді. Әжесі шашу шашады) Наурыз қыз: Наурыз тойы-береке, Наурыз тойы-жыр аңыз. Қызып дулы мереке Қызық думан құрамыз.

Оркестр: Шашу

Ән: Көктем

Балалардың тақпағы

Абзал: Қош келіпсің Наурыз! Арман тойы халықтың. Қуанышы халықтың, Құтты болсын қадамың!

Сұлтанбек: Би биледік бәріміз! Егін өңін толқытқан, Елдің көңілін шалқытқан. Бас иеміз- Наурыз!

Шыңғыс : Сені тойлап қарсы алып, Бар әлемге жар салып, Сәлем бердік, біз сізге!

Санжар: Көргенде қуанасың таза әуенге,

Құлаққа естілгендей жаз әуені,

Жыл сайын тойланатын мәңгі бақи

Наурызың құтты болсын қазақ елі!

Жансерік: О жарандар, жарандар!

Бәрің мында қараңдар.

Наурыз тойы басталды,

Текке қарап тұрмаңдар!

Әуелесін армандар,

Үміті от боп жанғандар,

Бақ дарып қыдыр қарасын

Мерекеден қалмаңдар!

Ақылбек: Уа,ағайын халайық,

Мұнда назар салайық,

Мерекесі халықтың

Наурыз тойын бастайық

Наурыз келді еліме

Наурыз келді жеріме,

Байлық, бақыт тілеймін,

Бүкіл қазақ еліне!

Әміржан: Жылдың басы – Наурыз,

Жердің басы – Наурыз.

Мерекеге арналсын

Бүгінгі жыр әніміз.

Наурызбен құттықтай

Алыс жақын қауышты.

Көктемдегі жарқын зат

Көңілдерге ауысты.

Өркен: Наурыз тойы тамаша

Наурыз тойы жаңаша

Табиғат та тамаша.

Тамылжып тұр жараса,

Наурыз келді сан құрап.

Нұрдәулет: Ашық болсын қас қабақ

Таспен атқанды аспен ат.

Бейтаныс жан, таныс та,

Бүгін төрде бас қонақ.

Малдар төлдеп, қой қоздап,

Сүтке бұлақ ағызған.

Жаңа жылдың сипаты

Молшылыққа аңыз боп,

Басталыпты Наурызда.

Саян: Жайдарымыз бәріміз,

Дастарханда дәніміз

Көжесі көп,қыры көк

Қандай жақсы наурыз!

Тамерлан:Қарды ерітіп жылғасы,

Наурыз келді – жылбасы.

Шуақты төкті жарық күн,

Мейрамында халықтың.

Қуаныш:Тақпақ айтам жылбасы

Құлағыңды сап тыңдашы.

Бар бөбекке өзімдей

Тыныш өмір сыйлашы.

Би: Домбыра

ІІ. Негізгі бөлім: Құрметті қонақтар, сіздерге арналған бақша бүлдіршіндерінің «Алтын сақа » ертегісінің желісімен қойылған «Жыл басы- Наурыз» атты ертеңгілігімізді тамашалауға шақырамыз. Көрініс. (Шал қолында қамшысы бар, қой жайып жүреді) Шал: Шек, шеку , ей кебенек! Мына…