Наурыз жыл басы мерекесіне арналған тәрбие сценарийі

Тақырыбы: «Қош келдің,Әз-наурыз»

Жүргізушілер: Аманқұлов Мейірбек

Берден Мадина

1-жүргізуші: Құрметті ұстаздар, ата-аналар, қонақтар. Бәріміздің көптен күткен Наурыз мерекесі келіп қалды. Наурыз «Жаңа күн» деген сөз. Яғни бұл күні біздің ата-бабаларымыз, арғы тегіміз, мыңдаған жылдардан бері мерекелеп келе жатқан жыл басы мерекесі. Ұлыстың ұлы күні аталған наурызда еңбектеріңіз өнімді болып, тілектеріңіз қабыл болсын. Мерекелеріңіз құтты болсын!

2- жүргізуші: Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін! Наурыз келді, жайраң қақты таң күліп, Жап-жасыл болып кетті дүние жаңғырып. Жақсылыққа жаршы болған Наурызым! Сен өмірдің көктемісің мәңгілік!

1-2 жүргізуші: Дәстүрімізге айналған Ұлыстың Ұлы күні – Наурыз құтты болсын!

1-жүргізуші:

Олай болса, бүгінгі «Қош келдің,Әз-наурыз» атты мерекелік думанымызды ашып беру үшін сөз кезегі мектебіміздің директоры Тешебаев Ертай ағайға береміз.

2-жүргізуші:

Өнерпаз өрендерге тамсанайық

Наурыз думан биімен ортамызға

Бүлдіршін қыздармызды қарсы алайық

Наурыз думан биін тамашалайық

3-4 сынып оқушыларының биі

1-Жүргізуші:

Ана жақтан аттың дыбыры естілді, кім екен келе жатқан ?

Ұлыс күнгі ұлы тілек,Қыдыр атаның ақ батасын алатын болдық.Қыдыр ата батаңызды беріңіз.

Қыдыр ата:Армасың,Жамағат!

Ұлыс оң болсын,

Ақ мол болсын!

Ұлыс бақты болсын,

Төрт түлік ақты болсын!

Аман сақтап төл басын,

Еккен егін солмасын,

Орта толып ырысқа

Бейбіт өмір орнасын.

Бостандықтың ордасын

Періштелер қорғасын

Бесіктегі бөпенің

Бақайшығы тоңбасын.

Ұлыс күні ұл мен қыз

Тайпалдырсын жорғасын.

Көл жиналып тамшыдан

Теңізтолсын қансыған

Атамекен тазарып

Асыға түссін алшыдан.

Бақыт ашып қақпасын

Мәңгі-бақи жаппасын

Пәле-жала қазақты

Іздеседе таппасын.

Әумин! (Наурыз қыз келеді)

1-жүргізуші: Айтқаныңыз келсін, Қыдыр ата! Халыққа дәулет дарып, бақ қонса, сіздің шапағатыңыз деп білеміз.

Қыдыр ата: Қош келдің, Наурыз қыз!

Наурыз қыз:

Жер әлемді жайнатқан

Наурыз қызбын,

Ерітіп жіберейін өзін мұздың

Жылуымнан сескеніп тентекборан,

Өзімен ала кетер қыстың сызын.

Жан-жануар ойнақтап асыр салды

Елге бірлік-береке ала келдім

Қуанышпен қарсы алған жаңа таңды.

2-Жүргізуші:

Наурызда әндер шырқайық,

Өнер жасқа лайық.

Өлеңдеткен жастардың,

Әсем әнін тыңдайық

Ән «Әз-Наурыз» Оразбеков Жомарт Тастемирова Аселдің орындауында қабыл алыңыздар.