Наурызым жаңа күнім мерекелік ертеңгілігі балабақшаға

Тақырыбы: «Наурызым-жаңа күнім»(Ертеңгілік)

Жүргізуші:Бүгін күн-теңелді,

Жер шуаққа кенелді.

Наурыз тойы салтымыз.

Кемелденсін халқымыз.

Құрметті қонақтар,ата-аналар,әріптестер,балабақша бүлдіршіндері!Ұлыстың Ұлы күні Наурыз мерекесі құтты болсын!Наурыз тек қана жақсылығын,жақсы жаңалығын әкелсін.Еліміз тыныш,жұртымыз,аман болсын!Ақ мол,халық тоқ болсын! «Балапан » ортаңғы тобы дайындаған ертеңгілікке қош келдіңіздер.

Наурызымыздың ертеңгілігін ашу үшін №10 Балабақша меңгерушісі Гүлжан апайға сөз береміз.

Шашу,шашу шашайық,

Ақ сандықты ашайық.

Бұл мереке,бұл тойдың,

Бастаңғысын жасайық!

Тәрбиеші:Әнім де саған биім де,

Құт қонақ өзің үйімде.

Қуаныш сыйлап үйіме,

Күлімде,Наурыз,күлімде.

Ән:Хор: «Құтты болсын-әз Наурыз » әні

Тәрбиеші.Балалар,қазақ халқы Наурызды игіліктің,жақсылық пен жаңарудың бастауы деп есептейді.Бұл күні ренжісіп жүрген адамдар бір-бірімен достасып,төс қағысып амандасады.Бір-біріне қонаққа барады.Келесі кезекті осынау мерекеге арналған тақпақтарға береміз.

Нұрбақыт: Уа,ағайын халайық.

Мұнда назар салайық.

Мерекесі халықтың

Наурыз тойын бастайық.

Шамиль:Ұлыс күні бар халық.

Бір-біріне жақындап,

Ізгі тілек тілейді.

Ниеттерін айқындап.

Тұрар : Наурыз тойым,

Құтты болсын халайық!

Қәне достар,

Шырқап әнге салайық- деп ортаға «Балдырған» әнімен

Даниял,Нұрбақыт,Баймырза,Ерасылды шақырамыз.

Мәди:Құрт-бауырсақ шашылсын

Наурыз тойы ашылсын

Бір-бірінен мынау жұрт

Өнерлерін асырсын.

Нұрдана:Наурыз тойын әдемі,

Әжем еске түсірді

Біздерге арнап әдейі

Наурыз көже пісірді.

Айғаным:Армысыздар халайық.

Әр кез аман болайық

Наурыз тойын қуанып

Жылда қарсы алайық.

Тәрбиеші:Шырқатып көңілім асқандай,

Биге бір жаным басқандай.

Бишілер билей жөнелсе,

Шаттықтың нұры тасқандай.

Би: «Жалқаубек»

Ұлдар:Нұрбақыт,Даниял,Баймырза,Мұхамеджан.

Қыздар:Инабат,Жансая,Айғаным,Әдемі

Нұрбол:Наурыз келді тамаша.

Ән айтамыз таласа

Әжем-атам той-тойлап

Қуанып жүр балаша.

Инабат:Күтіп келген жыл басы

Бізбенен бірге жырлашы

Дастарханын елімнің

Береке-ырыс сыйлашы.

Даниял:Наурызбенен құттықтап

Алыс-жақын қауышты

Көктемдегі жарқан сәт

Көңілдерге ауысты

Тәрбиеші:Міне,бір жыл да өтіп,Мерей қызымыз 1-жасқа келіп тұсаукесетін уақыты да жетті.Олай болса бүгін біз тұсау кесу дәстүрін көрсетеміз.Бүгінгі Наурыз мерекесінде біздің балабақшамыздың кішкентай бүлдіршінінің қазақы салт дәстүр бойынша тұсаукесер рәсімін кеш қонақтарына,яғни ата-аналарымыздың ішінен үлкен кісіге жасатқанды жөн коріп тұрмыз.Ортаға ата-аналар арасынан тұсау кесу рәсімін орындайтын бір кісі шығып,Мерей қызымыздың тұсау кесу рәсімімен таныстырады.

Қаз-қаз балам,қаз балам

Қадам бассаң мәз болам

Қадамыңа қарайын

Басқаныңды санайын.