Нұрхан Жанаевтың Мұғалім өлеңіне ашық сабақ

Сабақтың тақырыбы: Мұғалім. Нұрхан Жанаев

Сабақтың мақсаты: өлең шумақтарындағы ақын ойына қарай тақырып тауып, түсінгендерін ашуға мүмкіндік беру.

Күтілетін нәтижелер:

Пәндік нәтиже: оқушылардың таным мүмкіндіктерін анықтау. Өлеңнің мазмұнын аша отырып, мәнерлеп оқуға жаттықтыру.

Жүйелі іс-әрекет нәтижесі: шығармашылық қиялы арқылы сезімдері мен ішкі ойларын жеткізу шеберліктерін шыңдау.

Тұлғалық нәтиже: ой-өрісін, есте сақтау қабілеттерін дамыту. Еңбек ете білуге баулу.

Сабақтың көрнекілігі: нақыл сөздер мен мақал-мәтелдер тізбегі, плакат, фломастер, түрлі түсті қарындаштар.

Сабақтың барысы:

Ұйымдастыру кезеңі.

Үй тапсырмасын қорытындылау.

Қызығушылықты арттыру.

Алдын ала мектеп психологының көмегіне сүйене отырып тренинг өткізуге болады. Мысалы, белгілі бір гүл түрін таңдау немесе сыйға тарту не мағына береді деген тренинг тест өткізу арқылы сынып оқушыларын топтарға бөліп алу. Тіпті болмаған жағдайда гүл түрін таңдап, ол ненің символы екенін анықтауға болады. Мысалы, қызыл раушан гүлі - махаббат белгісі, ақ раушан гүлі - құпиялық белгісі, лала гүлі - тазалық белгісі, т.б.

Мысалы: «Гүлдің қандай түсті болғанын қалайсыз?»

Қызыл - белсенділік пен өмірлік күш қуаттың белгісі. Бұл түсті батыл, табанды, ерік-жігерлі адамдар ұнатады. Олар қызба, әсершіл, қызуқанды келеді. Қызғылт - жалынның түсі, негізінен ол адамдар ыстық қанды келеді. Олар жарқын, айрықша адамдар. Көптің ішінде ерекшеленіп тұрады. Жұрттың назарын өзіне аударып алады. Сары - жылу мен жарықтың түсі. Бұл адамдар көпшіл, достыққа берік, еркіндікке талпынғыш. Көңіл күйі тез өзгергіш, оптимист адам.

Ал қызыл - нәзік жанды ұяң жандардың түсі. Аузын ашса жүрегі көрінетін, кіршіксіз, табиғи болмысты, биязы және әдемі заттар мен жайлылықты сүйетін адам. Оған сезімталдықтың сенімділік қасиеттері де тән.

Ақ - шаттықтың түсі. Ақ түсті ұнататындар өте әсершіл, қызба келеді, тез еліктегіш. Оларға өздерін демеп, бағыттап отыратын сенімді достар ауадай қажет.

Көк - адамдар арасындағы жақсы қарым-қатынасты жоғары бағалайтын адамдар. Олар достықты бағалап, ал махаббатты бәрінен жоғары қояды. Олар ақ тілекті жандар.

Ендеше осы гүлдеріңді кімдерге сыйлар едіңдер? Тізімін жаса.