Ойлайық та ойнайық сыныптан тыс жұмыс

Тақырыбы: Ойлайық та, ойнайық

Мақсаты: Балалардың танымдық белсенділігін арттыру, табиғатт қорғауға баулу. Мақал- мәтелдер, жұмбақтар арқылы оқушылардың ойлау қабілетін арттыру. Балалардың еркін сөйлей білу мүмкіндігін дамыту. Өздеріне сұрақ бере отырып ой-өрісін дамыту.

Көрнекілігі: шар, сандар, әріптер, үй жануарлары, жабайы аңдар, ойыншықтар.

Мұғалім: Құрметті Ұстаздар, оқушылар бүгінгі біздің МАД тобынң «Ойлайық та, ойнайық» сайыс ойыны өткелі тұр. Бұл сайысқа 2 топ қатысады.

1. Бүлдіршін 2. Балдырған

Ал енді оқушылар шаттық шеңберін жасап жіберейік.

Қуанамын менде Қуанасын сенде Қуанайық достарым Арайлап атқан күнге

Балалар бізге хат келді.

Қымбатты Оқушылар!

Балалар,бізге көмектесіңіздерші. Мына тапсырмаларды бірге орындайықшы. Көмектесеміз бе балалар! - Я Ендеше кеттік

Мұғалім: Құрметті ұстаздар ортамыздан әділ қазы мүшелерін тағайындап алайық.

Сайыстың барысы:

Ал тыңдаңдар, тыңдаңдар

Асығыстық қылмаңдар

Асықпайық дегенге,

Бөгеліп, көп тұрмаңдар.

Бұл сайыс 3 пән бойынша алынған:

1.Тіл дамыту 2.Математика 3.Сауат ашу

І – бөлім. Тіл дамыту пәні бойынша

1- топ « Бүлдіршін»

1. Неше жыл мезгілі бар? 2. Үй жануарларын ата? 3. Отбасы мүшелерін атаңдар? 4. Қай тілде сөйлейміз?

2-топ «Балдырған»

1.Қазір жылдың қай мезгілі? 2.Жабайы аңдарға нелер жатады? 3.Астанамыз қай қала? 4.Тудың түсі кандай?

ІІ –бөлім. Математика пәні бойынша

Екі топқа бірдей тапсырма беріледі.

1.«Адасқан цифрлар» Шарты: балалар сандар қатарын

ретімен орналастырады. 1 2 3 4 5 сандарын кері санату.

2.«Жануарларды үйшігіне апар» Шарты: үйшіктерге жануарларды тауып апару. Мысалы: оң жақтағы жоғарғы үйшікке күшікті орналастыр?

Балалар енді сергіту сәтін жасап жіберейік.

3. «Жұбын тап» Шарты: мультфильм кейіпкерлерінің жұбын тауып, сызықпен қосу керек. Неше жұп болғанын санап,анықтайды

4.«Цифрды танисың ба?» Шарты: суретті санда белгіленген түспен

сәйкестендіріп бояу керек.