Ойнайық та, ойлайық тапқырлар сайысы, 6-сынып

Күні: 6.12.2019ж Сыныбы: 7 «Ә» Тәрбие сағатының тақырыбы: «Ойнайық та, ойлайық!» Тәрбие сағатының мақсаты: Білімділік: Ойындар арқылы оқушының ой - өрістерін кеңейту, өз ойын көркем толық жеткізе

алатын толыққанды жеке тұлға ретінде қалыптастыру; Дамытушылық: ой-өрісін, ойлау қабілеттерін дамыту,шығармашылыққа балалардың тіл

туралы танымдық деңгейін көтеру. Тәрбиелік: Оқушыларды шығармашылыққа, шапшаңдіққа баулу,балаларды озық ойлы оқушы

болуға, әр сөздің мағынасын түсініп, ойлай білуге, саналылыққа, зейінділікке, ықыластылыққа

тәрбиелеу Сабақ көрнекіліктері:Мақал-мәтелдер, сөздер, жұмбақтар суреттер, слайд. Сабақ барысы: 1.Ұйымдастыру 2.Кіріспе бөлім 3.Негізгі бөлім 4.Қорытынды бөлім Сабақтың барысы: 1.Ұйымдастыру: оқушыларды түгелдеу, жаңа сабаққа назарын аудару, ҚР гимн орындау.

2.Кіріспе бөлім Ширату 1. Қандай ыдыстан тамақ жеуге болмайды? (бос) 2. Қандай сұраққа «иә» деп жауап бере алмайсың? (Ұйықтап жатырсың ба?) 3. Ақ доп Қара теңізге түссе не болады? (су болады) 4. Жұмылған көзбен не көруге болады? (түс) 5. Кішкентай сұр пілден аумайды. Ол не? (Пілдің баласы) Негізгі бөлім -Балалар,бүгін біздің тәрбие сағатымызға қонақ келіпті. -Сәлеметсіңдер ме,балалар? -Мен кітапханашы Жанайым апаймын. Сендерге бүгін арнайы келіп отырмын.

Сендер не істегенді жақсы көресіңдер? -Ендеше мен сендерге «Ойындар әлеміне» жолдама беремін. Онда сендерді көптеген қызық

ойындар күтіп тұр. Қане,тезірек жолға шығыңдар. Жолдарың болсын. -Ол жерге қандай көлікпен барғыларың келеді? -Ендеше поезд әнін орындайық. (интернеттен) -Балалар,қараңдаршы «Ойындар әлемі» қандай ғажап!.Мұнда сиқырлы әріптер және әр түрлі

сандықшалар бар екен. Олай болса көк сандықшаны ашып көрейік. -Ой, мына сандық ашылмайды ғой, енді не істейміз? Мына сандықшаның бетінде тапсырмалар

бар екен, сол тапсырмаларды орындасақ, сандығымыз ашылатын шығар. Көк сандықшаның тапсырмалары: Сөз ойла,тез ойла! Тура оқысаң да сол сөз, кері оқысаң да сол сөз. (балалар ойланып айтады) ала- кесек-

аса- қалақ- шаш- қырық- ауа- қазақ- еле- қызық- ыссы- қысық- керек- ата т.б. -Балалар,тапсырманы дұрыс орындадыңдар. Міне, ашылды. -Ішінде не бар екен,көрейік?(«Қызықты грамматика» кітабы шығады) Қызыл сандықшаның тапсырмалары: Кім жылдам? Тура оқылуы мен кері оқылуы әр түрлі мағна беретін сөздер: (балалар ойланып айтады) Ит-ти лас-сал кеш-шек Сүт-түс көш-шөк қас-сақ Қыс-сық лақ-қал қос-соқ Шала-алаш есек-кесе қына-анық -Балалар, тапсырманы дұрыс орындадыңдар, міне сандықша да ашылды. Ішінде не бар екен

қөрейік. (ішінен «Қазақ ертегілері» кітабы шығады.) -Балалар, бұл кітапты кезекпен алып, үйден оқитын боламыз. Сергіту сәті (көңілді әуенге қимыл-қозғалыс жасау) Жасыл сандықшаның тапсырмалары: Тездет, бірақ қателеспе! Әріп санын өзгертпей, орындарын өзгерту арқылы берілген сөздерден жаңа сөздер тудыру.

Ақын-қына, анық- ақын, отан-тона, сақа-оқас, суық-қуыс -Бұл сандықшаның ішінен не шығар екен, көрейік. Әр түрлі жұлдызшалар шығады.

-Балалар, бұл жұлдызшаларға тілек жазып бір-бірімізге ұсынайық. Дәптермен жұмыс Сары сандықшаның тапсырмалары: Ұйқас тауып ойнайық ! 1.Қағазға қайшы өтпеді Соғанда Балнұр ........... 2.Жоғалды қара қарындаш Ондайы енді............... 3.Атам кеше құс атты Біреуін маған............ 4.Аппақ қағаз – ақ қағаз,

Ондай қағаз ................... 5. Бестік алсаң жарайсың Білмесең жерге ........... 6.Көрші ауылдан жолшыбай, Бұрылдық біз ..................... 7.Тосқауылдан қат-қабат Енді қалай ...................... 8.Келе жатса сұраншақ Бала біткен ................. -Ал, балалар, Жанайым апайдың бізге әкелген ойындары бітті. Соңғы сандықшаның ішінде не

бар екен, көрейік. (Ішінен «Диплом» қағаздары шығады)

Осы диплом қағаздары арқылы балаларды марапаттау. Күні: 15.12.2017ж Сыныбы: 5 «В» Тәрбие сағатының тақырыбы: «Желтоқсан жаңғырығы» Тәрбие сағатының мақсаты: Білімділік1986 жылы желтоқсан оқиғасын оқушыларға таныстыру.Желтоқсан оқиғасының неден бастау алып,оның не себепті қанды оқиғаға ұласқанын ашып көрсету.

Дамытушылық: Еліміздің тәуелсіздік алғаны Желтоқсан оқиғасында күрескен құрбандарды еске түсіру.

Тәрбиелік: Өз отанын, туған жеріне деген сүйіспеншілігін арттыра отырып, отаншылдыққа, елжандылыққа, еліміздің рәміздерін қастерлеуге тәрбиелеу.

Сабақ көрнекіліктері:суреттер, бейнероликтер, слайд. Сабақ барысы: 1.Ұйымдастыру 2.Кіріспе бөлім 3.Негізгі бөлім 4.Қорытынды бөлім Сабақтың барысы: 1.Ұйымдастыру: оқушыларды түгелдеу, жаңа сабаққа назарын аудару, ҚР гимн орындау.

2.Кіріспе бөлім Саламатсындар ма балалар. Бүгінгі тақырыбымыз тәуелсіздігіміздің 26 жылдығына арналады

Олай болса оқушылар мен сіздерге сұрақ берейін: 1.Бұл айда қандай мерекелер өтті? 2. Биыл желтоқсан оқиғасына қанша жыл? 3. Желтоқсан оқиғасының басталу себебі неде? 4.Біз тәуелсіздікті қай жылы алдық? 5. Біздің мемлекет қалай аталады? 6. Желтоқсан оқиғасына кімдер қатысты? Негізгі бөлім: Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті

мемлекеттерінің қатарына қоса алдық. 23 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз.

Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.

1986ж желтоқсанда тар жол, тайғақ кешуден өтті. қазақтың басы бірігіп, бір жұдырықтай жұмылған әрі қайғылы, әрі бақытты күн сол еді. Ұлттың жанарудың, елдігімізбен есендігіміздің басы болған деп тілеген еді қалың жұрт.

Желтоқсан жаңғырығы көзден де, көңілден де кетпейді. Ұлттық намысымызды оятып, салт - санамызға қозғау салған тәуелсіздігімізді бір табан жақындатқан қуанышты да, қайғылы күн – «желтоқсан оқиғасы».

Осы оқиғаға байланысты елімізде 8515 адам ұсталып, прокуратура 5324, мемлекеттік қауіпсіздік комитеті 550 адамды тергеуге алды. Жарақат алған 1283 адам медицина мекемелеріне барды.

(Видеофильмнен үзінді көрсетіледі) Ән: Желтоқсан желі -Оқушылар осы Желтоқсан оқиғасына ақын-жазушыларымыздың өлең- шумақтарына кезек берейік.

Рауан: Желтоқсанда шындық жырын шырқаймын деп шарқ ұрдың, Желтоқсанда егеменді ел болсақ деп талпындың. Кеудеңде әлі сызы жатыр сол кездегі салқынның, Айналайын, айналайын жас қайраты халқымның. Темір қолдар қуатты еді алқымыңды қаусырған Намысыңды жықпай өттің нәубе, дүлей маусымнан. Жалғыз қалған шақтарымда жігер алдым бойыма Түрме торын жарып шыққан сенің қайсар даусыңнан. Өсер елдің қай сәтте де бірлік болмақ қалауы, Лаула, лаула, желтоқсанның мұзға жаққан алауы. Өздеріндей ер намысты жас өркені бар елдің, Ешқашанда еңкеюге тиісті емес жалауы! Сұлтан: Намысымның шырағы да – Желтоқсан, Сұрқай өмір сынағы да – Желтоқсан. Жігіттердің ұраны да - Желтоқсан, Жаңа күннің шуағы да – Желтоқсан. Нариман: Тәуелсіздік оңайлықпен келмейді, Бізге оны ешкім аяп бермейді. Тәуелсіздік – Қайрат, Ляззат, Ерболдың, Тас көшеде тас-талқан боп өлгені. Исламбек: Тұрса да биік өр басын, Қазаққа бақыт орнасын. Сексен алтыншы жылғыдай, Желтоқсан желі болмасын! Күн кешіп лапылдаған жастарым, Дүрліктірді желтоқсанның аспанын. Жерді, дінді, тілді баба дәстүрін Қорғау үшін көтерді олар бастарын.

Олай болса оқушылардың өлең-шумақтарың тыңдадық. Енді көрініске кезек берейік.

Көрініс: «Қайраттың тұтқындалуы» ( Үй іші қалаша жиналған.Дастархан басында Қайрат,нағашысы,жеңгесі отырды.)

Нағашысы:Қайрат-ау тамақ алсаңшы. Студент болам деп бір ішек болып қалыпсың-ау өзің. .

Қайрат: Жә, бұйырғанын жеп отырмын ғой нағашы. Ән: «Желтоқсан желі» әуені тыңдалады. Нағашы:Астан алыңқыра.Қайрат өзіңнің ептеп өлең жазатының болушы еді ғой.Жаңа жылға арналған, мына маған арналған өлеңің бар шығар, жаман жиен.Айта отыр көңілдене түсейік.

Қайрат:Иә, нағашы,бар ғой бар. (Осы кезде есік қағылып,үш-төрт милициа үйге кіріп келеді.) Милиция:Біз органнан келдік.Қайрат Рұсқұлбеков деген азаматты тұтқындаймыз.Прокурордың санкциясы бар,Міне,

Екі жігіт Қайратқа:Тез жинал,бізбен бірге кетесің. Жеңгесі;Ойбай-ау,бұларың не?Жұдырықтай баланың не жазығы бар еді? Әке-шешесіне не бетімізді айтамыз?

Милиция:Жеңеше сабыр етіңіз. Бұл жігіт бір төбелеске қатысыпты.Анық- қанығын тексерген соң, қайтарып жібереміз.

Қайрат:Жалалы боп, қатты батты жаныма, Жазалаушы қағаз алдым қолыма Жігіттер-ай,айтып-айтпай не керек, Жазған екен маңдайыма сорыма. Біріншіден, мен анамды сағындым Екіншіден, бұл құдайға не қылдым ? Бостандықта еркін жүрген жан едім Енді ,міне, абақтыға жабылдым. Кез болдық мұнау заманға деп жасқанбай жырлаған желтоқсанның аққан жұлдызы жас сұңқар жас қыршың ҚайратРысқұлбековті ең соңғы рет ату жазасына кесті. Суреттермен жұмыс (желтоқсан оқиғасынан)

Қорытынды бөлім. Желтоқсан оқиғасына ат салысқан студенттер Асанова Ләззат Алтынайқызы (27.07.70, Алматы облысы Панфилов ауданы Ақжазық ауылы. — 25.12.86, Алматы)1986 жылғы 17-18 желтоқсанда Алматы қ- нда болған оқиғаларға түпкілікті баға беру жөнінде республика Жоғарғы Кеңесінің Төралқасы құрған комиссия мүшесі Ф.Игнатовтың мәліметтеріне қарағанда, Ләззаттың мәйіті бірнеше күннен кейін музыкалық уч-ще жатақханасынан табылған да, ол туралы жатақхананың бесінші қабатынан құлап өлген деген қауесет таратылған. Осыған қарамастан мәйітті Алматы облысы Панфилов ауданындағы Ақжазық кентіне Ішкі істер министрлігі мен Мемл. қауіпсіздік комитетінің қызметкерлері арнайы қарауылдап апарған.

Осымен Желтоқсан құрбаңдарың еске алып, олардың рухына тағзым етіп, құрмет көрсетіп, мақтан тұту біздің міндетіміз. Біз сол міндетті орындадық деп ойлаймыз. Сондықтан тәуелсіздігімізді көзімнің қарашығындай сақтап әрқашан да Отанымызды қорғауға, гүлдендіруге үлес қосайық.

Хор. Атамекен