Ойынның бала өміріндегі маңызы туралы балабақша мақаласы

«Ойын бала – өмірінің ажырамас бөлігі.»

Халқымыздың «Баланы ойын өсіреді» деген даналық сөзі тегін айтылмаса керек. Бала ойнап жүріп ойланады, жүйкесі тынығады, көңілі өсіп ойы сергиді, денесі шымырланады. Ойын арқылы тұрмыс-салт, әдет- ғұрып, ұлттық ерекшелік, дәстүр жайлы таным-түйсігі қалыптасады. Өздерінің құрбы – құрдастарымен қарым – қатынас жасауға үйренеді. Ойындар сабақ мазмұнына сәйкес алынып, жеке және топтық жұмыстар жүргізуге алға қойған мақсатқа жеткізіп нақты қорытынды алуға көмектеседі.

Сан алуан ұлттық ойындар баланың дене тәрбиесін дамытып, жас жеткіншектің бойына адамгершілік, сүйіспеншілік, кішіге көмек, үлкенге құрмет көрсете білуге, қиыншылықтан қорықпауға, мақсатқа жетуде күш – жігерін жұмсай білетін төзімділікке тәрбиелеуде ерекше мәні бар.

Заман өзгерген сайын адам баласының басынан өткендері баланың ойынында көрініс табатынына ешкім де шек келтірмес. Ең бастысы ойын барысында баланы жан-жақты ойлануға, өзгелердің пікірімен санасуға, ортақ тіл табысып, тез арада шешім қабылдауға, ойынды шыншыл ойнауға, адал болуға, жалған сөйлемеуге, жанашырлыққа, кешірімді болуға баулу қажет. Тәрбиеші балалардың физиологиялық, психологиялық ерекшеліктерін есте ұстап, ұлттық қозғалыс ойындарын балабақша өмірінде жас ерекшеліктеріне сай ұйымдастыра білгені жөн. Ойын жас ерекшеліктеріне сай келмесе, кері әсерін тигізуі мүмкін. Сонымен қатар ойындар баланың белсенділігін арттырып, тәртібіне де оң әсерін тигізеді, өзіне де баға бере алады. Әрбір ойын – балалардың адамгершілік жолындағы бір көтерілер баспалдағы секілді.

Ойын бала өмірінің ажырамас бөлігі дей келе мен өз сөзімді оыстың ұлы педагогы В.А. Сухомлинскидің « Ойынсыз ақыл –ойдың қалыпты дамуы да жоқ, және болуы да мүмкін емес. Ойын дүниеге қарай ашылған үлкен жарық, терезе іспетті ол арқылы баланың рухани сезімі жасампаз өмірмен ұштасып, өзің қоршаған дүние туралы түсінік алады.Адамды тапқырлыққа, өжеттікке, батылдыққа, шапшадыққа, ептіліке, байсалдылыққа үйрететің де- осы ойын», - деген даналық сөзімен түйіндегім келеді.

«Балдырған» балалар бақшасының тәрбиеші.

Асенова Гүлнұр Муратқызы