Ойыншықтармен танысайық, санайық сабақ жоспары мектепке дейінгі

Ересек жас тобы

Математика негіздері: Ойыншықтармен танысайық,

санайық

ҰЙЫМДАСТЫРЫЛҒАН ІС-ӘРЕКЕТТІҢ МАҚСАТЫ

Балаларға әртүрлі түстен, өлшемнен тұратын заттар жиынын үйрету, теңдік

және теңсіздік, бір саны туралы ұғымдарды қалыптастыру; ойыншықтар туралы

түсініктерді тиянақтау. Балалардың жиыны бір және екі, саны көп немесе аз

ойыншықтар топтамаларын салыстыру біліктерін қалыптастыру; зейін, ақыл-ой,

еске сақтау, ортақ қасиеті бойынша салыстыру, жалпылау, бөле қабілеттерін

дамыту. Ойыншықтар әлеміне балалардың сүйіспеншілігін арттыру, зеректікке,

байқампаздыққа, ұйымшылдыққа тәрбиелеу.

СӨЗДІК ЖҰМЫС

Жаттығуды орындау барысында: «биік», «аласа», «саны көп», «саны аз», «саны

тең», «жиыны бір», «жиыны екі» сияқты сөздерді айтқызу арқылы сөйлеу

қабілеттерін жетілдіру.

ӘДІС-ТӘСІЛДЕР

Аудиожазбаны тыңдау, ғажайып сәт, көркемсөз, математикалық сатыда зерттеу

жаттығуы, сергіту сәті, үстел басында іс-тәжірибе жаттығуы, дамытушы

жаттығу, кейіпкермен қоштасу, пысықтау, балалардың іс-әрекетін бағалау.

ҚҰРАЛ-ЖАБДЫҚТАР

1. Көрнекілік материалдар.

Алан мен Дананың суреті (ойыншықтары).

Ойыншықтар үшін көлемі бірдей қызыл және көк түсті екі қорап.

Математикалық саты (немесе көлденең екі жолақты қалташалы панно),

көрсеткіш.

Сандары бірдей биік және аласа пирамидалар (немесе көрнекілік суреттері).

Бір мен екі сандары басылған көрнекілік карточкалар.

Баяу ырғақты әуенжазба.

Сурет-сызбалар:

1) жоғарғы жолақтың сол жақ шетінде бір биік пирамида, төменде екі аласа

пирамида. Төмендегі бірінші аласа пирамида жоғарыдағы биік пирамиданың

тұсында орналасқан, екінші пирамиданың үстіндегі жоғары жолақта орын бос;

2) биік пирамида тұрған жоғарғы жолақтың оң жақ шетінде екі саны

орналасқан, төменгі жолақтың шетінде орын бос;

3) қалыптасқан сызбада өзгеріс бар, төменгі жолақтың шетінде екі саны

орналасқан.

2. Үлестірмелі материалдар.

Әр балаға екі тең көлденең жолаққа бөлінген карточка; жолақтың әрқайсында

алты шақпақ бар; жолақтардың оң жақтағы соңғы шақпақтары жеке жуан

жақтаумен қоршалған; соңғы шақпақтарда, жоғарыда «бір» саны, төменде «екі»

саны салынған.

Ыдыстарда шамасы екі түрлі (саны үштен) доптардың кескіндері, бір мен екі

сандары.

Сандары бір-бірден немесе екі-екіден салынған, түстері әртүрлі үлкен немесе

кішкентай доптардың сурет-карточкалары.

ҰЙЫМДАСТЫРЫЛҒАН ІС-ӘРЕКЕТТІҢ БАРЫСЫ

1. КІРІСПЕ БӨЛІМ

1.1. Ғажайып сәт.

Беті жабық қызыл түсті қорапты көрсету.

Педагог:

– Балалар, біреу қорап тастап кетті. Ішінде не болуы мүмкін?

Қорапты сілкіп көрсету.

– Ішінде бір нәрсе бар екен ..., көрейік ...

Дамытушы жаттығу. «Биік және аласа пирамидалар».

Педагог қораптан биіктігі екі түрлі пирамидалардың сақиналары мен діңгектерін

алады, оларды үстелдің үстіне шашып тастайды.

Педагог:

– Балалар, мынау ненің бөлшектері болуы мүмкін? Иә. Пирамидалардың

бөлшектері.

– Жәния мен Арман, бері келіңдер. Сол жаққа аласа, оң жаққа биік пирамиданы

жинап қойыңдар.

Шақырылған балалар сақиналарды діңгекке тізіп, екі аласа және биік

пирамиданы жинайды.

– Жарайсыңдар, балалар! Орындарыңа отырыңдар.

Педагог барлық балаларға сұрақ қояды:

– Балалар, сол жақтағы пирамиданың биіктігі, оң жақтағы пирамидаға

қарағанда қандай деп айтамыз? Жарайсың, Томирис! Сол жақтағы пирамида

аласа.

– Ал, оң жақтағы пирамиданың биіктігі қандай? Дұрыс айтасың, Ермек, оң

жақтағы пирамида биік. Тамаша!

Педагог көк түсті тағы бір қорапты көрсетеді.

– Балалар, осы қорапта тура мына сияқты пирамидалар жиналған.

– Біз биік пирамидаларды қызыл қорапқа, аласа пирамидаларды көк қорапқа

жинауымыз керек.

– Дария, көк қораптан барлық пирамидаларды алып шығамыз. Аласаның қасына

аласа пирамиданы, биіктің қасына биік пирамиданы тізіп қой. Жарайсың!

– Міне, балалар, пирамидалар биіктігіне қарай қатарға тізілді.

1.2. Ғажайып сәт.

Алан мен Дананың сурет көрсетіледі.

– Балалар, бүгін қонаққа достарымыз келді ... Таныдыңдар ма? Амандасайық.

– Дана мен Алан бір-бірімен дауласып қалыпты. Ойыншықтарды қалай жинау

керектігін түсінбей тұр. Сендердің ойыншықтарды қандай тәртіппен

жинайтындарыңды көрмепті.

– Балалар, біз Алан мен Данаға ойыншықтарды қалай санау және қалай

салыстыру керектігін көрсетейікші.

Көркемсөз.

Біз ойыншықтарды санаймыз,

Сандары қанша, қараймыз.

Қаншасы аз, қаншасы көп?

Тең бола ма екі топ?

2. НЕГІЗГІ БӨЛІМ

2.1. Математикалық сатыда зерттеу жаттығуы. «Биік пен аласа

пирамидаларды салыстырайық».

2.1.1. Жаттығуды орындауға математикалық саты, биіктігі екі түрлі

пирамидалардың екі топтамасы, бір және екі сандарын білдіретін

таңбалауыштар қолданылады. Егер математикалық саты емес екі жолақты

панно болса, пирамидалар мен сандардың тегістелген бейнелері ұсынылады.

Педагог биік пирамидалардың бірін математикалық сатының жоғарғы

жолағының сол жағына қояды.

Педагог:

– Жомарт, мен жоғарыға қандай пирамиданы қойдым? Қанша пирамида қойдым?

Бір биік пирамиданы қойдым. Жарайсың, Асылхан! Мунира, Асылхан не

деп жауап берді? Қайталашы. Жақсы.

Педагог төменгі жолаққа екі пирамиданы тізіп қояды.

– Ескендір, төменгі жолаққа қандай пирамидаларды тізіп қойдым? Дұрыс

айтасың, Ескендір, аласа пирамидаларды қойдым.

– Зарина, қандай пирамида көп? Қандай пирамида аз? Қалай ойлайсың? (Биік

пирамида аз, аласа пирамида көп.) Мансұр, қайталашы. Жарайсың!

– Биік пирамидалардың аз болғанын қалай білдіңдер? Иә. Биік пирамида біреу,

аласа пирамида көп (бірнеше балаға қайталату).

2.1.2. Педагог қолына көрсеткішті алып санаған кезде әрбір ойыншыққа сілтеп

отырады.

– Балалар, біз пирамидаларды тұстастырып көрдік. Біз осы пирамидаларды санау

арқылы жиынын және санын анықтай аламыз.

Педагог жоғарыдағы пирамидаға сілтейді.

– Бір биік пирамида. Қайталаймыз. Лаура, биік пирамиданың саны қанша? Айта

ғой. Дұрыс. 1 биік пирамида.

– Жиыны: 1 пирамида (көрсеткішпен айналдыру). Саны бір пирамида (жолақтың

оң жақ шетіне бір санын салу). Саны – 1. Қайталаймыз. Жарайсыңдар!

Педагог төменгі екі пирамидаға бөлек сілтейді.

– Бір .., екі аласа пирамида. Жиыны екі аласа пирамида (көрсеткішпен

айналдыру). Қайталаймыз. Жақсы. Санжар, аласа пирамиданың саны

қанша? Дұрыс, екі аласа пирамида.

– Балалар, жиыны – 2 пирамида (көрсеткішпен айналдыру), саны – 2 пирамида

(төменгі жолақтың оң жақ шетіне екі санын салу). Аласа пирамиданың саны – 2.

Қайталаймыз. Жарайсыңдар!

2.1.3. Балалардың көңілін «1» және «2» сандарына аудару. Көрсеткішті

пирамидалар қатарымен сол жақтан оң жаққа қарай жүргізіп, сәйкес санға

әкеліп тоқтату. Сілтеп көрсету.

– Саны – 1 биік пирамида. Саны – 2 аласа пирамида.

– Балалар, не көп? Не аз? Бір ме, екі ме? Иә. 1 саны – аз, 2 саны – көп.

– Балалар, қораптың қасында көптеген биік және аласа пирамидалар тұр.

Талаптан, биік пен аласа пирамидалардың сандарын бірдей етіп тізіп көр.

Бала биік және аласа пирамидалар тұрған қатарға керектісін қосып жатады.

Педагог 1 биік пирамиданың төменгі жағының тұсына 1 аласа пирамиданың

қойылып жатқанын қадағалайды, баланы мақтайды.

– Талаптан, пирамидалардың саны бірдей болды ма? Жарайсың, Талаптан! Биік

пирамидалар мен аласа пирамидалардың саны бірдей.

– Тамаша, біз биік және аласа пирамидаларды екі қорапқа тең бөліп саламыз.

2.2 Сергіту сәті. «Бір мен екі».

Балалар алаңға шеңбер құрып тұруға шақырылады.

– Балалар, біздің денемізде, бізді қоршаған ортада саны бір немесе екіден

саналатын көптеген заттар бар. Солардың үнемі бір немесе екі болғанын еске

сақтап алайық.

Баяу ырғақты әуенжазба қосылады.