Олимпиадаға саяхат мектепке дейінгі балаларға арналған ойын

Қазақтың кемеңгер ақыны, ұлтының бақыты үшін өз бойындағы бар дарыны мен білгенін аямай, дене тәрбиесіне зор көңіл бөлген Мағжан Жұмабаев: «Дене тәрбиесіне жеңіл қарауға болмайды. Дене жанның қабы. Қап берік болса ішіндегі заты берік болмақ. Дене жанның құралы. Құралы мықты болса иесі де мықты. Сау жан – сау денеде ғана болады» — деген. Сондықтан да бүлдіршіндер ағзасының қызметін жетілдіру, денсаулығын жақсарту, жүйкенің жұмысын дұрыс қалыптастырып, ширақ, жігерлі, икемді, сымбатты етіп өсіру, міне, осының барлығын ғылыми негізде тәрбиенің басқа түрлерімен ұштастыра жүргізу – балабақшамыздың негізгі мақсаты мен алға қойған үлкен міндетінің бірі.

Балабақшамызда балаларға дене тәрбиесі сабағын үйретуден мақсатымыз:

Балалардың денсаулығын нығайту, дене тәрбиесін дамыту және шапшаңдық, икемділік, қайраттылық қабілеттерін дамыту.

Ұлттық ойындар арқылы – ұлттық болмысын таныта білу, ұлттық сана сезімді бойына дарыта білу.

Балалардың қозғалыстық кеңістігін үйлестіру, уақыт және күш, тепе-теңдік, ырғақ дыбыстарға дәл және тез жауап қайтару, кеңістікке бағдар ұстау қабілетін дамыту.

Балабақшада денешынықтыру сабағында қолданатын әдіс- тәсілдері:

Барлық сабақтарда ритмика сабағымен байланыстыру.

Деңгейлеп-саралап оқыту технологиясы.

Сабақтарда барлық спорт құралдарын пайдалана білу.

Дене тәрбиесі сабағында сын тұрғысынан ойлау технологиясын тиімді пайдалану.

Топпен, жұппен жұмыс жүргізу.

Әр түрлі қимыл әрекетті ойындарды сабақтарда пайдалану.

1.Балалар өлеңге сай қимыл қозғалыс жасау. Мысалы:

Тік ұстада бойыңды,

Жоғары оз қолыңды.

Бүйір таяп қос қолмен,

Көтер аяқ оң жақтан.

Көтер аяқ сол жақтан,

Құлап кетпе сәл сақтан.

Күнде жасап жаттығу,

Қан жүгіртіп алайық.

- Деңгейлеп оқыту әдіс-элементтернінен пайдалану тиімділігі: Бала өз деңгейіне лайықты тапсырманы орындап және жоғары деңгейдегі тапсырманы орындауға әрекеттенеді. Мысалы:

- Балаларға жеңілдеп тапсырмалар беруге болады- жеңіл логикалық сұрақтар,

- Сәл күрделі жаттығулар беріледі. Практикалық түрде орындату, жаттығуларды жасату.

- Сабақтың қиын сатысына көрсетілген сұрақтар беру арқылы жаттығуларды орындату, сұрақтарды бере отырып, балаға практикалық түрде орындату

Деңгейлеп оқыту- ойындар арқылы балалардың дене тәрбиесі сабағына деген қызығушылығы артады. Балалар шығармашылығы өзін-өзі басқару, құрметі, эстетикалық талғамы артады.

Дене шынықтыру сабағында спорт құралдарын дұрыс пайдаланауы: Мысалы: Дротик. Жеңіл атлетика сабақтарында пайдаланылып әр түрлі заттарды нысанаға дәлдеуге үйретеді.

Кегли. Марафондық жарыстарда, эстафетлық жарыстарда пайдалануға болады.

Кіші доптар. Жеңіл атлетикада пайдалануға болады. Баскетбол, валейбол спорт ойындарда доппен ойнауды үйренеді. Эстафеталық ойындарда, қимыл-қозғалысты ойындарда пайдалнуға болады.

Кілем. Гимнастика ойындарында пайдалануға болады.