Өлкетану курсының тақырыптық жоспары, 7 сынып

Жалпы орта білім беретін мектептердің 7 сынып

оқушыларына арналған

«Өлкетану» курсының

оқу бағдарламасы

«Өлкетану» курсының оқу бағдарламасы.

Жалпы білім беретін мектептердің 7 сынып оқушыларына арналған «Өлкетану» курсы білім алушылардың туған өлкенің қалыптасуы мен дамуын кешенді сипаттайтын географиялық, тарихи, табиғи және басқа да факторлар туралы білімдерін қалыптастыруға, туған өлкенің табиғатын аялауға бағытталған.

1.Түсіндірме жазба

Жалпы білім беретін мектептердің 7 сынып оқушыларына арналған «Өлкетану» курсын құрастыру барысында Қазақстан Республикасының Президенті Н.Ә. Назарбаевтың «Болашаққа бағдар: рухани жаңғыру» бағдарламалық мақаласы, Қазақстан Республикасында білім беруді және ғылымды дамытудың 2016- 2019 жылдарға арналған Мемлекеттік бағдарламасы, «2017- 2018 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы» әдістемелік нұсқау хат басшылыққа алынды.

Курстың мақсаты – оқушылардың туған өлкенің қалыптасуы мен дамуын кешенді сипаттайтын географиялық, тарихи, табиғи және басқа да факторлар туралы білімдерін қалыптастыру, туған елге деген сүйіспеншілік сезімге, қоршаған табиғи ортаны аялауға тәрбиелеу. «Өлкетану» курсының оқу жүктемесі аптасына бір сағат, жылына 34 сағат.

Оқу курсының міндеттері: - география, Қазақстан тарихы, биология пәндері сабақтарында алынған білімдері мен дағдыларын кеңейту, тереңдету;

- оқушылардың эстетикалық талғамдарын, танымдық және тарихи қызығушылықтарын арттыру;

- туған өлкенің табиғи байлықтары, тарихи ескерткіштері туралы білімдерін кеңейту;

- жалпы білім беретін мектеп оқушыларының зерттеушілік дағдыларын қалыптастыру.

Күтілетін нәтиже: - жергілікті жер, қалалар, өзендер, көлдер, таулардың атаулары нені білдіретінін білу;

- туған өлке халқының қалыптасу тарихын білу; - туған жеріндегі ұлттардың салт-дәстүрін білу және құрметпен қабылдау;

- туған өлке тарихының тірі куәгерлерін саралау категорияларын білу: Ұлы Отан соғысы ардагерлері, тыл ардагерлері, еңбек ардагерлері, ауған-әскерилері, құрметті тұрғындар, еңбегі сіңген педагогтар мен дәрігерлер және т.б.;

- туристік маршрут дегеннің не екенін білу және туристік маршруттар құрастырудың алғашқы дағдыларын меңгеру;

- өлкенің өсімдік жамылғысын, жануарлар дүниесін білу; - Қызыл кітап деген не екенін және өңірдің Қызыл кітабына кірген жануарларды білу;

- өлке туралы негізгі анықтамалық мәліметтерді қамтитын түрлі форматтағы ақпараттық материалдарды әзірлеу.

2. «Өлкетану» курсының тақырыптық жоспары № Мазмұны Сағат саны

1 Кіріспе 1

І. Туған өлкем (16 сағат) 2 Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» бағдарламалық мақаласының басым бағыттары

3 Туған өлкенің аңыз-ертегілері 1 4 Топонимдер – өткен заманның куәгерлері (өлке тарихы атауларында)

5 Генеология – шежіре туралы ғылым 1 6 Өлкенің тарихи тұлғалары: билер, батырлар мен палуандар

7 Туған жердің таланттары 1 8 Туристік маршруттар. Туристік маршруттарды құрастырудың жолдары

9 Тарихи - археологиялық ескерткіштер 1 10 Көне Тараз тарихи ескерткіштерінің туризмді дамытудағы маңызы

11 Өлкедегі ұлттар мен ұлыстар 1 12 Туған өлкенің әдет-ғұрыптары 1 13 Менің туған өлкем өлеңдер мен прозада 1 14 Өлкені сипаттау өнері 2 ІІ. Туған жердің табиғаты (15 сағат) 15 Туған өлкенің географиялық орны, көлемі, елді мекендердің маңызы

16 Туған өлкемнің ерекшеліктері 1 17 Өлке аумағының жер бедері, шығу тарихы 2 18 Өлкенің табиғи ресурстары 1 19 Туған өлкенің флорасы мен фаунасы 1 20 Аумақтық экологиясы 2 21 Өлке топырағының түрлері, маңызы, құнарлылығы 2 22 Өлке ауа-райының өзгерістерін болжау 2 23 Өлкенің сулары және оларды пайдалану. 1 24 Табиғатты қорғау . Топсеруен 1