Өмір әдебі өзін-өзі тану пәніне арналған баяндама

Өзiн-өзiтану сабағының жоспары

Мерзiм: 21. 09. 2018ж

Тақырыбы: Өмір әдебі

Құндылық: Дұрыс әрекет

Қасиеттер: Адалдық, сүйіспеншлік, шынайылық, қанағатшылдық

Топ: 201

Оқушылар саны: 24

Сабақ мақсаты: Білімгерлерге өмір, өмірдің мәні туралы түсіндіре отырып, дұрыс әрекет құндылығының мәнін ашу.

Міндеттері:

1.Адам атына лайықты өмір сүрудің мәнін түсіндіру.

2. Өмірге деген құштарлықтарын ояту, өмірді бағалай білуге үйрете отырып, сабырлылық, төзімділік қасиеттерін дамыту.

3. Адалдыққа, сүйіспеншлікке, шынайылыққа, қанағатшылдыққа тәрбиелеу.

Ресурстар:(құралдар, мәлiметтер) күнделік, дәптер, оқулық, пенал, бейджик.

Қосымша әдебиеттер:

Сабақ барысы:

Ұйымдастыру кезеңi.

«5Т»-ның сақталуын еске түсіру: Тәртіп, талап, тазалық, тыныштық, татулық.

Тыныштық сәтi.

Тыныс алуға зейін қою.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз...,арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)

Үй тапсырмасын тексеру.

«Өмір сүрудің ең жақсы жолы» аңыз әңгіменің мазмұныны түсініп, оқып келу.

Өмір сүрудің ең жақсы жолы.

Шағын ғана бір ауылда орта жастағы бір кісі дүкен ашып сауда жсаамақ болады. Сөйтіп алға қойған жоспарын бастап та жібереді. Ол ақ көңіл, жайдарлы болғандықтан, ауылдың адамдарының бәрі оны жақсы көретін. Оның дүкеніне барып сауда жасайтын. Ауылдың тұрғындары тамыр-таныстарын да сол адамнан сауда жасауға кеңес беретін. Шаруасын кішігірім дүкеннен бастаған адам, бір жылдың ішінде Американың түкпір-түкпірінен сондай шағын дүкендер ашып тастайды.

Бір күні ауыр науқастанып, бұл дүниеден өтерін сезген адам, артында қалған үш ұлын қасына шақырып:

- Үшеуіңнің біреуі барлық дүкендерімнің иесі болады. Мирасымды соған қалдырамын. Менің арттағы дүние-мүлкіме қайсысың лайықты екенін білу үшін үшеуіңе де бір-бір доллардан беремін. Осы долларға бір нәрселер алыңдар. Кешкісін келгенде алған нәрселерің менің осы бөлмемді толығымен толтыруы керек. Шартым осы.

Ұлдары үлкен компанияны басқару мүмкіндігінен айырылып қалуды ойлап, не істерлерін білмей қатты абыржиды. Қалаға барып үшеуі де долларын жаратты. Кешкісін әкелерінің қасына келген кезде, үлкен баласы:

- Досымның шаруашылығына барып екі қап сабан сатып алдым – деді де, қаптарды ашып сабанды әр тарапқа шаша бастады. Алайда көп ұзамай сабандар еденге түсіп, бөлмені толтыра алмады.

Екінші баласы:

- Дүкенге барып екі жастық алдым – деді де, жастықтарды сөгіп, ішіндегі жүнін бөлменің ішіне шашып тастады. Бірақ жүн де көп ұзамай жерге түсіп, бөлмені толтыра алмады.

Үшінші ұлы:

- Долларды ұсақтап, 50 центін мешітке бердім, 20 центін қайырымдылық қорға бердім, 20 центін де садақа ретінде тараттым. Қалған 10 центке екі нәрсе алдым – деді де, қалтасынан сіріңке мен шырақты шығарды. Бөлменің жарығын сөндіріп, шырақты жақты. Сабан мен жүнге толмаған бөлме аз уақыттың ішінде шырақтың нұрына бөленді.

Әке баласына риза болып:

- Мирасымды саған қалдырамын. Өйткені өмір сүрудің ең жақсы жолы – айналаңа жарық тарату!

Ф.Тайтелиев

Сұрақтар:

-Берілген шағын әңгімеден қандай ой түйдіңіздер?

- Өмір сүрудің ең жақсы жолы-айналаңа жылу тарату дегенді қалай түсінесіздер?

- Егер сіздер үшінші ұлының орнында болсаңыздар берілген қаражатты қайда жаратар едіңіздер?

- Айналасына жылу таратып жүретін адамдар деп- қандай адамдарды айтуға болады ?

Ескертулер

Сабақтың әр кезеңінде 5Т ережесін сақтау

Дәйексөз.

«Өзіңді танығың келсе, адамдарың існе қара, өміріңді танығың келсе өзіңнің жүрегіңе үңіл».

(Шиллер)

Сабағымыздың дәйексөзі туралы өз ойларыңызды түсіндіріңіздер, дәптерлеріңізге түсіріп алыңыздар.

Студенттердің айтқан ойларына сүйене отырып қорытындылау. (Өмір теңіз, жүзем онда демеңіз, ізгілікпен жасалмаса кемеңіз)

Рудаки

Өмір деген сөзді қалай түсінеміз?

Өмірдің мәні неде?

«Әрбір адам қандай да бір іс-үшін туады, жер басып жүрген әр адамның өмірде өз орны бар» деген тұжырымымен келісесіздер ме?

Әңгiмелеу

«Жұмбақ тастар»

Бірде бір данышпан өз шәкірттерін шақырып алып, қазір менің іс-әрекетіме қарап, менің нені меңзеп отырғанымды түсіндіріп беріңіздер деген екен. Сөйтіп, сөреден бір ыдысты алып, оған үлкен кесек тастарды сала бастайды, толды ма менің ыдысым-деп сұрақ қояды, шәкіттері иа толды деп жауап берді. Содан соң ұсақ тастарды салып тағы да толды ма менің ыдысым деп сұраған екен, шакірттері тағы да толды –деп жауап, қайтарады. Данышпан ендігі кезекте тастардың үстіне сар еткізіп, құмды құяды, құм ыдыстағы тастардың арасын толық бекітеді. Данышпан шәкіртерінен үшінші қайтара толды ма менің ыдысым дейді- шәкіртері бұл жолы да толды деп жауап қайтарады...

Сонда данышпан: Менің осы іс-әрекеттерім, ыдыстағы заттар жайында не айтасыздар деп- сұрақ қояды.