Өмір – баға жетпес сый: өзін-өзі тану материалы

Өмір-баға жетпес сый

(семинар -тренинг)

Мақсаты: Өмір құндылықтарының мәнін ашу арқылы адам өмірінің сипаты мен тірлігі туралы ұғымдарын кеңейту.Өмірдің сырын түсіну, өмір сүру жолдары туралы өзіндік орнын, өмірлік бағдарын дамыту. Өз пікірін жеткізе білуге , шешім қабылдауға , әдептілікке тәрбиелеу .

Міндеті: оқушыларға өмір құндылығы туралы тереңірек білім беру, өмірге құштарлығын дамыту; өмірдің мәнін түсінуге тәрбиелеу.

Көрнекілік: фотосуреттер, аудиотаспалар,нақыл сөздер .

Барысы.

Шаттық шеңбері: Мұғалімнің басшылығымен оқушылар шеңберге жиналып, олар кезекпен бір-біріне " Мен сенің өміріңе.... тілеймін" деп жылы тілектерін айтады.

Өмір жыры

Өмір деген ойын да емес, той да емес,

Басқалардан биік тұрар бой да емес.

Өмір деген шахмат емес шатасқан,

Өмір деген ұта қояр дойбы емес.

Өмір оны келе жатыр дәлелдеп,

Өмір деген - еңбек, еңбек және еңбек.

Өмір деген бақыттың да құсы емес,

Қарап жатсаң қона қалар саған кеп.

Өмірдің мәні қысқаша былай тұжырымдалады: дүние жылжиды, жетіле береді, адам баласының міндеті оған бағына отырып және әрекет ету арқылы осы қозғалысқа қатысу.

Лев. Толстой.

Адам боп өтейік,

Адам боп туған соң,

Мақсатқа жетейік ,

Мақсатты қуған соң

Халқымыз өмірді ағып жатқан өзенге теңейді, өйткені, өмір өзен тәрізді тоқтаусыз ешкімге білінбей өтіп жатыр.Сол өзен ағынында кейбір жан өз арнасын тауып жатса, енді кейбіреулері бастарын тасқа да, жарға да ұрып өз жолын таба алмай жатады.

Ұлы ойшыл Шәкәрім Құдайбердіұлы атамыз

Дүние қу, бір ағын су

Түстік онда көп болып,

Сандаламыз

Бейнетіміз көп болып,

Кейде жасқа,

Кейде ағашқа

Соқтығамыз дөп келіп,-дейді.

Демек ,өмірде өз ағысымыз бен өз арнамызды табуымыз үшін өзімізді, өзгелерді қоршаған ортаны танып меңгеріп, адамгершілік қасиеттерді бойымызға дамытсақ ,мақсат -мұратымызға қол жеткізе аламыз.

1.Ойлануға арналған жаттығулар. сұрақтар қою арқылы оқушылармен ой бөлісу.

1. Өмір дегеніміз не, қалай түсінесің?

2. Өмір сүру жақсы ма, әлде жаман ба?

3. Сен бақыттысың ба?

4. Сені не қобалжытады, сондай кездерің болады ма?

5. Өз-өзіне қол жұмсау ерлік пе, әлде әлсіздік пе?

6. Егер саған біреу қатты дауыс көтеріп ұрысса сен не істейсің?

7. Сенің мінезіңнің жаман, жақсы жақтары қандай?

8. Келешекте сен өз өміріңді қалай құрар едің? 9. Өмір" туралы өз көзқарасың қандай?

10. Өмірдің құндылығы неде?

11. Адам өмірінде қиын кезеңдер қандай жағдайларда болады?

12 .Өмірдің қиындықтарын адам қандай қасиеттермен жеңе білуі керек?

13. Қиналған сәтте кімге сенуге болады?

14.Сен үшін өмірдің қиындығы не?

15.Қиналғанда не істейсің?

2. "Өмірге эксперимент" жаттығуы.

Шарты: банкаға тас, құм , бұршақ , су сыйғызу арқылы әр затты өмірдегі жағдайға қарай талдау.

Мысалы: Банка - өмір, құм - ұсақ-түйек, бұршақ - кедергілер, су - өмірдің ағысы.

3. "Ақ жүрек " кеңес беру.

Тапсырма: Тақтада тұрған үлкен ақ жүректе өмір жоқ, бұл өмірден түңілген, басына қиыншылық түскен адамның жүрегі. Сіздер қазір бұл жүрекке өмір беріп, жандандырасыздар. Қолдарыңызға таратылған кішкентай жүрекшелерге осындай өмірдің кедергілеріне кезіккен құрбыларыңа берер ақыл-кеңестеріңді жазып, ақ жүрекке жапсырыңыздар. Біздің жүрегіміз тірілді ме?

4.Топтық жұмыс

Кластер құру

1-топ: Өмір дегеніміз не?

2-топ: Жақсы өмір сүру үшін адамға қандай қасиеттер керек?

Мен әрқайсыларыңның өмірлерің күн сияқты ашық әрі жарқын болуын тілеймін. Әрине, Күнде де қара дақтар бар. Бірақ оның жылуы азаймайды, маңайға жарығын төгуге кедергі келтірмейді.

Сіздерді өмірде кездесетін сәтсіздіктер мен қиындықтар мойытпасын! Сіздерге тілек тілей отырып бүгінгі тәрбие сағатымызды әрі қарай жалғастырамыз.

Тамаша өмір сүрудің 10 кілті!

Әрбір халықтың данышпандары бар. Олардың ұлағатты сөздері - бүкіл адамзаттың асыл қазынасы. Филипп Хумберг деген атақты психиатр олардың арасынан онының айтқандарын іріктеп алып бақытқа жетудің жолы деп қарастырған.

1. Өзіңді таны.

2. Қалай болсаң сол қалпыңда көрін не сырттай қалай болсаң сол қалпыңды сақта. Шыншыл, әділ, бол да дұрыс ойла. Жүрегіңе құлақ сал да оны қорға. Өмірде бір нәрселерді қорғау үшін ат салыспасаң мәртебең түседі.

3. Ең жоғарыда ғашықтық бар. Дауысты ырғаққа айналдырған ғашықтық. Ғашықтық, сүйіспеншілік болмаса, өмірің солған гүлден еш айырмашылығы қалмайды.

4. Дүниені қиял-ойдың күші шыр көбелек айналдырады. Істеген амалдарыңның барлығы ең алдымен қиял-ойдан бастау алады. Өмір деген - барлық адамдар үшін ойлағандарын жүзеге асыру. Бобби Кеннеди айтқан " Адамдар дүниеге қарап: "Не үшін?" деп сұрайды. Мен басқа бір дүние жайлы ойлап " Неге ондай болмасын?" деп сұраймын.