Өмір қандай керемет психология материалы

Тренинг сабақтың тақырыбы: «Өмір қандай керемет»

Мақсаты: «Өмір» ұғымына терең үңілуге ықпал жасау.Болашағына жағымды көңіл-күйді тудыру.Өзінде бар құндылықты бағалай білуге баулу.

Ұйымдастыру кезеңі: Сәлеметсіздер ме! Көңіл күйлеріңіз қалай? Бүгінгі тақырыбымыз: «Өмір құндылықтары».

Біз тренингі бастамас бұрын

Тренингтің ережесін бекітіп алайық:

1. Өз ойын ашық бүкпесіз айту;

2. Өзгенің пікірін құрметтеу;

3. Шынайылық;

4. Белсенділік;

5. Өз сезімін басқара алу;

6. Уақытпен санасу.

1. « Сәлемдесу» жаттығуы.

Ортаға шеңбер болып тұрамыз, әр екі бала өздерінің салемдесу түрлерін көрсетеді.

Психолог сөзі : Өмір – ол адамға бір – ақ рет берілетін баға жетпес қымбат сый . Осындай сыйды саған сыйлаған кім ?...

Әрине саған осындай баға жетпес сый сыйлаған ең қымбат адамдарың, ол сенің ата – анаң .Сондықтан оларды ренжітпеуіміз керек , айтады – ғой, “Анаңды үш рет Меккеге арқалап апарсаң да борышыңды өтей алмайсың” -деп. Себебі , біріншіден ол саған “өмір” сыйлады, саған жарық дүние көрсетті, сені өсірді, сенің ыстығыңа күйді, суығыңа тоңды, түн ұйқысын төрт бөліп сені аялады, тәрбиелеп өсірді .

Егер саған анаң осындай баға жетпес сый сыйласа, сен соған лайықты өмір сүруге тиіссің.

Өз өмірің, өз әлемің өз қолыңда! Біреуге ренжіп, біреуді кінәлап, мін тағу дұрыс емес. Өмірдегі қайғыны, қиындықты, сәтсіздікті көтере білу керек. Жаңа , жақсы ойлар ойлау керек.

Адам өмірі жеңіс пен жеңілістен, сәттілік пен сәтсіздіктен, қайғы мен қуаныштан құралады . Міне өмірдің өзі біле – білсең сонысымен қымбат.

Енді осы өмір туралы ойларымызды тренинг – жаттығу жасау арқылы жалғастырайық .

2. Топтық жұмыс.

- Адам – ұжымдық жан. Ол өзі және қоғам үшін өмір сүреді. Бұл өмір сәтті болу үшін адам қоршаған ортамен қарым-қатынас жасай білуі, басқалармен өзара әрекет жасауды және татулық пен үйлесімділік жағдайда өмір сүре білуі керек. Олай болса өмір туралы сендердің пікірлеріңді білсек.

1 топ: «Өмір құндылықтары» дегеніміз не?

2 топ: Жақсы өмір сүру үшін адамға қандай қасиеттер керек?

(Топтарға жұмыс орындауға 5-7 минут уақыт беріледі және орындаған жұмыстарын ортаға шығып қорғайды. Басқа топтар өз ойларын білдіреді.)