Өмір қауіпсіздігі бойынша сабақ жоспары

«Бүлдіршін» ортаңғы тобының ұйымдастырылған оқу қызметінің технологиялық картасы.

Білім беру саласы: «Әлеумет»

Бөлімдер: Экология

Тақырыбы: Өмір қауіпсіздігі.

Білімділік мақсаты: өмір қауіпсіздігі ережелерін сақтауға, ұауіпті жағдайға кез бола қалған жағдайда өзін ұстай білуге үйрету.

Дамытушылық мақсаты: Қауіпті жағдай туғызуы мүмкін заттар мен құбылыстар туралы түсініктерін кеңейту.

Тәрбиелік мақсаты: Ұқыптылыққа, ептілікке, қырағырлыққа тәрбиелеу.

Көрнеліктер: қауіпті жағдай тудыратын заттар мен құбылыстар бейнеленген суреттер.

Қажетті құрал – жабдықтар: жұмыс дәптері, түрлі –түсті қарындаштар, доп, ермексаз.

Іс-әрекет кезеңдері

Тәрбиешінің әрекеті

Балалардың әрекеті

Мотивациялық қозғаушы

Шаттық шеңбері:

Ашық менің журегім,

Ылғи күліп жүремін.

Бірге ойнап, бір жүрген,

Достарым көп білемін.

Қонақтармен сәлемдесу:

Жалғайтын достастырып бар елменен,

Жолдардан тұрады ғой әлем деген.

Балалар шаттық шеңберін құрып, өлең жолдарын айтады.

Ұйымдастырушы-іздеуші.

«Жалғасын тап!» ойыны

Шарты: балалар шеңбер бойына тұрады. Педагог балаларға таныс өлеңнің бір жолын немесе бір шумағын айтып,допты кез келген балаға лақтырады. Допты қағып алған бала өлеңнің жалғасын тауып айту керек.

Мысалы:

-Өрт пен түтін айнала,

Қарап тұрма жай ғана.

Тез хабар бер...

Уақытты сен байлама

-Енді мына сиқырлы қорапшаға назар аударыңдар. Сиқырлы қорапшаның ішінде бірнеше заттар бар. Мен жұмбақ жасырамын, шешуін тапсаңдар ғана ол заттарды қорапшадан алуға болады. Егер шешуін таппасаңдар, онда қорапшадағы зат та алынбайды екен.

Жұмбақтар жасыру. Шешулері: пышақ, балға, ине, үтік, қайшы.

-Жарайсыңдар, міне, сеңдер шешуін тауып едіңдер, заттардың өзі де пайда болды. Енді мұқият қарап, осы заттардың ішінде қайсысы қауіпті деп ойлайсыңдар?

-Олар қандай жағдайда қауіпті болады?

- Мына заттардың ішінде қайсысын сендерге ұстауға немесе пайдалануға болмайды?

-Сендерге қай затты абайлап үлкендердің көмегімен қолдануға болады деп ойлайсыңдар?

-Үйде немесе балабақшада тағы қандай заттар қауіпті болуы мүмкін?

-Қай жер балалар үшін қауіпті болуы мүмкін?

-Олар не үшін қауіпті деп ойлайсыңдар?

- Ал біреу киім тігіп отырса, балғамен шеге қағып отырса немесе пышақпен нан турап, қайшымен бір затты қиып жатса, оған кедергі жасауға бола ма?

- Неге кедергі жасауға болмайды деп ойлайсыңдар?