Өмірбаян жазу үлгісі және оны рәсімдеу жөніндегі материал

ӨМІРБАЯН

Мен, Айдарбек Абай Ғабитұлы, 1997 жылы 14 қыркүйекте Жамбыл облысы, Қордай ауданы, Өтеген батыр ауылында дүниеге келдім. Менің ұлтым - қазақ.

2003 - 2013 жылдар аралығында Қордай ауданы, Өтеген батыр ауылында № 8 Өтеген батыр атындағы орта мектепте оқыдым. Мектепте оқып жүрген кезде әр түрлі қоғамдық жұмыстарға белсене қатыстым, сонымен қатар спортпен шұғылдандым.

2013 - 2017 жылдар аралығында Алматы облысы, Еңбекшіқазақ ауданы, Есік қаласындағы Есік гуманитарлық - экономикалық колледжіне "Дене шынықтыру және спорт" мамандығында оқыдым, колледж қабырғасында оқып жүре қоғамдық жұмыстарға да белсене араластым 2017 жылы Жігіт сұлтаны болдым, колледж қабырғасында каратэ-до спорт түрімен айналысып 2016 жылы Қазақстан чемпионатында III орын алдым, ал 2017 жылы өзіме жеңуді мақсат қойып Қазақстан чемпионы болдым және оқу орнын қызыл дипломмен аяқтадым.

2017 - 2020 жылдар аралығында Жамбыл облысы, Тараз қаласындағы Тазар инновациялық- гуманитарлық университетінде "Дене шынықтыру және спорт" мамандығын тамамдадым.

2018 жылдан бастап Қордай ауданы, Өтеген батыр ауылында жастар мен жасөспірімдерге ақысыз каратэ-до спорт түрінен жаттықтырудамын және еңбегімнің арқасында шәкірттерім аудандық, облыстық, республикалық деңгейдегі жарыстарға шығып жүлделі орындарға иеленді. Оның ішінде ерекше атап айтсам Замадун Нұрсәт Ерболұлы 2019 жылы Нұрсұлтан қаласында өткен Қазақстан чемпионатында жүлделі II орын алды және Қырғызстан мемлекетінде өткен Халықаралық жарыста жүлделі II орын иеленді.

Әкем Анаркулов Ғабит Айдарбекұлы жеке мал шаруашылығымен айналысады. Анам Анаркулова Лариса Мухтарқызы мектепте ұстаз болған, өкінішке орай өмірден озған. Жұбайым Бекболат Жанерке Уалиханқызы қазіргі таңда Алматы технологиялық университетінің 4 курс студенті.

2017 жылдан бастап Қордай ауданы, Өтеген батыр ауылында № 8 Өтеген батыр атындағы орта мектебінде дене шынықтыру пәнінің мұғалімі болып жұмыс істеймін.

2017-2020 жылдар аралығында өзімнің жан-жақты екенімді көрсеті білдім, оның ішінде ерекеше атап айтсам " Nur Otan" партиясының Төрағасы Н.Ә.Назарбаевтың бастамасымен Қазақстанда жалпы ұлттық деңгейде тұңғыш рет өткен партия сайлау алды іріктеуіне қатысып өз бағымды сынадым.

«Тәуелсіз елдің ұлағатты ұстаздары» атты педагогикалық ұжымдардың көркем өнерпаздық шығармашылық VII фестиваліне белсене қатысып, жоғары ұйымдастырушылық орындау шеберлігі және сахналық көрінісінің ерекшелігі үшін марапатталды.

Алматы қаласы «Мейбукан Годзю - рю каратэ - додан» Қазақстан Республикасының чемпионатында III орын алғаны үшін марапатталды.

«Мейбукан Годзю - рю каратэ - додан» тренерлік қызмет атқаруға сертификаты берілді.

Астана қаласы «Жастардың Отанға деген сүйіспеншілігін дамыту бағытында айбарлы» атқарған еңбегі үшін алғыс хатпен марапатталды.

«THE WORLD MIXED JITCU UNION» шығыс жекпе-жектен II-DAN сертификаты берілді.