Автоматқа күтім жасау және оны сақтау жөніндегі материал

Жалпы білім беретін №25 Б.Момышұлы атындағы орта мектебінің

Алғашқы әскери дайындық пәнінің мұғалімі

Мұқашев Берік Русланұлы

АӘД пәні 11 сынып

Сабақтың тақырыбы: Автоматқа (пулеметке) күтім жасау, оны сақтау және күтіп ұстау.

Сабақтың мақсаты: 1.Оқушыларға автоматты майлау және тазалау ретіне үйрету.

2.Дамытушылығы:

3. Көрнекілік құралдар: АӘД оқулығы,автомат,сабаққа сәйкес слайдтар

4. Сабақтың барысы:

а) Ұйымдастыру кезеңі

Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрінісін тексеру.

ә) Өтілген тақырыпты сұрау кезеңі

«Ой қозғау» стратегиясы бойынша оқушыларға өтілген сабақ бойынша сұрақтар қою.

1.Қазақ халқының ежелгі қару – жарақтары қандай?

2.Қазақтан шыққан қандай батырларды білесіңдер?

3.Бүгінгі Тәуелсіз Қазақстанның қарулы күштерінде қолданылатын қару-жарақтардың

қандай түрлерін білесіңдер?

б) Негізгі бөлім

Автоматқа (пулеметке) күтім жасау, оны сақтау және күтіп ұстау.

Автомат (пулемет) толық жарамды және әрекетке дайын болуы керек. Бұған оны дер кезінде тазалау, майлау және дұрыс сақтау арқылы қол жеткізіледі.

Автоматты (пулеметті) тазалау:

атысқа дайындық кезінде;

атыс аяқталғаннан соң; (ұңғы қорабы, ұңғы арнасы, газ камерасы, газ поршені, бекітпе жақтау, бекітпе тазартылып, майланады).

ұрыстық жағдайда, ұрыс тыншыған кезінде және ұзақ жаттығуларда үзіліс кезінде күн сайын жүргізіледі;

егер автомат (пулемет) қолданылмаса тазалау аптасына бір рет жүргізіледі.

Автоматты (пулеметті) тазалау мен майлау бөлім командирінің тікелей басшылығымен жүргізіледі.

Казармада немесе далада автоматты тазалау осы мақсатқа арналған үстелдерде, ал ұрыстық жағдайда - таза төсеніш, тақтай, фанера үстінде жүргізілуі тиіс.

Ату орындарында автоматты (пулеметті) атыс аяқталғаннан соң сұйық қару майымен тазалау офицерлер жетекшілігімен жүргізіледі.

Ату орындарында сұйық қару майымен тазаланған автомат (пулемет) казармаға оралғаннан соң ұңғы тазалау ерітіндісімен (ҰТЕ) қайта тазалануы керек.

Автоматты (пулеметті) тазалау мен майлауға қолданылатын майлар:

- суық қару майы автоматты (пулеметті) тазалау және оның бөлшектері мен механизмдерін +5С-тан +50С-қа дейінгі температурада майлау үшін;

қару майы: тазаланған соң +1С-тан +5С-қа дейінгі температурада майлау үшін;

ҰТЕ: тазалауға арналған;

шүберек немесе КВ-22 қағазы: сүрту мен тазалауға;

талшықтан тазартылған кендір: тек қана ұңғы арнасын тазалау үшін;

Автоматты (пулеметті) тазалау төмендегідей тәртіппен жүргізіледі:

1) Тазалау мен майлау құралдарын дайындау;

Автоматты (пулеметті) бөлшектеу;

Керек жарақтарды тексеріп, оны тазалауға қолдану үшін дайындау;

Ұңғы арнасын тазалау.

Автоматты тазалауды аяқтағаны туралы жауынгер бөлім командиріне баяндайды, содан соң оның рұқсатымен автоматты (пулеметті) майлап, жинауды жүргізеді.

Ұңғы арнасын сұйық қару майымен тазалау үшін сүрткіш ойығына кендір не шүберекті енгізу керек, кендірге (шүберекке) аз ғана сұйық қару майын құйып және оны аздап уқалау керек. Тазалағышты не кендірлі сүмбіні ұңғы арнасына кіргізеді.

Автоматты (пулеметті) сол қолмен ұстап тұрып, оң қолмен сүмбіні ұңғы арнасының бүкіл бойымен бірнеше рет баппен жүргізеді. Сүмбіні суырып алып, сүрткіні ауыстырып, оған мылтық майын сіңіріп, сол ретпен ұңғы арнасын таза, құрғақ сүрткімен мұқият сүртіп, одан кейін таза шүберекпен сүртеді. Шүберекті алып қарайды,…