Өмірді бағалауға тәрбиелеу бойынша тәрбие сағаты

Өмірді бағалауға тәрбиелеу сабағы

Сабақтың мақсаты: Оқушыларға «Өмір» және оның мәні туралы түсінік беру. Адамның өмірі өз қолында екенін түсіндіру.

Міндеттері: Өмірдің адам үшін маңыздылығын жан-жақты ашу. Дұрыс өмірлік ұстанымды таңдай білуге жол ашу.

Адамгершілік қасиеттерін дамыта отырып, рухани өсуге, мәнді де маңызды өмір сүруге ықпал ету.Өмірді бағалауға тәрбиелеу

Қолданылатын технология: Дамыта оқыту

Әдіс-тәсілдері: Түсіндіру, әңгімелесу.

Қолданылатын көрнекіліктер:Интерактивті тақта, үнтаспа, қобдиша, «Коллаж» жасауға арналған суреттер, желім, қайшы.

Сабақтың барысы:

Шаттық шеңбері:Оқушылар шеңберге тұрып бір-бірімен сәлемдеседі.

Ойланайық, пікірлесейік!

Адам баласы не үшін өмір сүреді?

Өмір адамға несімен қымбат?

Сенің өмірдегі мақсатың қандай?

Өмір мәнін түсінуге ұмтылу қаншалықты қажет?

Мәтінмен жұмыс

«Он жетінші қара сөз» Абай

Мәтінді мәнерлеп оқу, мазмұнын ашу, сұрақтарға жауап беру

Жаңа ақпарат «Өмірдің мәні» қобдишасынан құнды сөздер шығады, оқушылар әрқайсысының адам өмірінде алатын орнын сипаттап айтады.

Оқушылар өмірге қарым-қатынасын ашық жүректілік, ақыл-ой қаншалықты маңызды екендігін нықтай келе адами құндылықтардың адам өміріндегі мәнділігін айқындай түседі.

«Өзіммен-өзім» Баяу әуен ойнайды.

Балалар ыңғайланып отырыңыздар. Денелеріңді түзу ұстаңдар, терең тыныс алыңдар. Көздеріңді жұмсаңдар да болады. Көз алдарыңа елестетіңдер. Төбемізде жарқыраған күн бойымызға жылу сәулелерін төгіп тұр. Жылу бойымызға таралып, жылылық сезінеміз.Енді көз алдарыңа өздеріңнің бес жылдан кейінгі өмірлеріңді елестетіңдер. Біздің бойымызбен қоса, ойымыздың да таласып өскенін байқаймыз. Көзімізді ашамыз! (Оқушылар өздеріңнің болашақтағы өмірлерінің қалай елестегені туралы ой бөліседі)

Осындай өмірге жеткізген ата-аналарымызға, ұстаздарымызға және достарымызға алғысымызды айтамыз.

Тапсырма. Оқулықтағы тапсырма ретінде берілген мәтінді бір оқушыға мәнерлеп оқу тапсырылады. Слайд ашылады. «Кең дүние ғажайыптары» тақырыбында табиғат, әлем тіршілік жайлы суреттер көрсетіледі.

«Адам әлемді қаншалықты таныса, соншалықты өзін тани түседі.»

Оқушыларға міндеттерге лайықты болу үшін құндылықтар мен адамгершілік қасиеттерді сипаттап жазу тапсырылады.

Ойын «Ұяшықты таңдау» Мақал-мәтелдер немесе нақыл сөздер айту.

Шығармашылық жұмыс. «Коллаж» жасау

Топтық жұмыс:

1 топ- «Адамдардың қарым-қатынасы»

2 топ- «Табиғаттың адам өміріне маңызы»

Оқушылар жұмыстарын қорғайды.

Қорытындылау