Ондық бөлшектерді көбейтуге арналған ашық сабақ, 5 сынып

Аманбаева Мархабат Салгариевна

№62 мектеп-лицейі

математика пәнінің мұғалімі

Астана қаласы

Сабақтың тақырыбы: Ондық бөлшектерді натурал санға көбейту.

Сабақтың мақсаты:

Білімділілік: оқушыларды ондық бөлшекті натурал санға көбейту алгоритімін айта білуге үйрету және оны пайдалана білуге дағдыландыру. Ондық бөлшекті разряд бірліктеріне көбейтуді үйрету.

Тәрбиелік: оқушының пәнге деген қызығушылығын арттыру, математикалық мәдениетке тәрбиелеу, жүйелі түрде жұмыс істеуге, өз ойын дәл, тианақты айта білуге үйрету.

Дамытушылық: оқушыны ұқыпты тыңдауға, практикамен ұштастыруға, тез шешім қабылдай білу мақсатында өз білімін нақты көрсете алуға дағдыландыру.

Сабақтың түрі: Жаңа тақырыпты меңгеру сабағы.

Сабақтың әдісі:Түсіндіру, сұрақ – жауап, модульдік технология элементтерін қолдану

Сабақтың типі: Аралас сабақ.

Сабақтың көрнекілігі:слайдтар, бағалау парағы

Сабақтың барысы:

Ұйымдастыру.

Үй тапсырмасын тексеру.

Бөлімі 10, 100, 1000 және т.с.с. жай бөлшектерді бөлімсіз қалай жазуға болады?

Ондық бөлшектің жазылуында үтір қайда қойылады?

Ондық бөлшектің, мысалы, 7,126 ондық бөлшегінің, бөлшек бөлігінің разрядтарын ата.

Ондық бөлшектер координаталық сәуледе қалай салыстырылады?

Ондық бөлшектерді разрядтары бойынша қалай салыстырады?

Оңдық бөлшектерді натурал санға айналдырып қалай салыстырамыз?

Ондық бөлшектерді қалай қосамыз?

Натурал санды ондық бөлшекке қалай қосамыз?

Ондық бөлшектерді қалай азайтамыз?

Натурал саннан ондық бөлшекті қалай азайтады?

Жаңа сабақ.

Біз бұдан бұрын натурал сандарды көбейтуді уйренгенбіз. Енді ондық бөлшектерді натурал санға көбейтуді қарастырайық.

Ондық бөлшекті натурал санды көбейтуді қосылғыштардың әрқайсысы осы ондық бөлшекке тең, ал олардың саны натурал санға тең қосынды ретінде қарастыруға болады.

1-мысал.4,23∙5=4,23+4,23+4,23+4,23+4,23=21,15

Енді осы ондық бөлшекті аралас сан түрінде жазып, оны натурал санға көбейтіп, көбейтіндіні табайық:

4,23∙5=21,15 көбейтіндісін басқашада табуға болады. Үтірге назар аудармай, 4,23-тің орнына423-ті алып, натурал сандарды көбейткендей көбейтейік. 4,23 ондық бөлшегінде қанша ондық таңба болса, шыққан көбейтіндіде (2115-те) оң жақтан сонша цифрды үтірмен айыру керек.

Осы жағдайды ескеріп қорытындыласақ, ондық бөлшекті натурал көбейту үшін:

Үтірге назар аудармай, натурал сандарды көбейткендей көбейту керек;

Шыққан көбейтіндіде оң жақтан ондық бөлшекте үтірден кейін неше ондық таңба болса, сонша цифрды үтірмен айыру керек;

2-мысыл. 25,85∙7=180,95 (баған түрінде). 8,9∙6=53,4(баған түрінде).

0,009∙7=0,063 (баған түрінде).

Ондық бөлшекті 10,100,1000 және т.с.с. разрядтар бірліктеріне көбейту.

3-мысал. 7,465 ондық бөлшегінің 10-ға,100-ге көбейтіндісін табайық: