Өнеге отбасынан сайыс сабағы 5 сынып

Сабақтың тақырыбы: «Өнеге отбасынан»

Мақсаты: Бала тәрбиесіндегі басының ата-ананың алатын орнының ерекше екендігін түсіндіру. Мектеп, ұстаз, ата-ана бірлігін нығайту.Отбасы мүшелері арасындағы бауырмалдық, қайырымдылық, достық қарым-қатынасты қалыптастыру, үлкенді сыйлауға,сыпайы, ілтипатты болуға тәрбиелеу.

Көрнекілігі: қанатты сөздер «Бала тәрбиесі — бесіктен» ,

«Ата – бәйтерек, бала - жапырағы», карточкалар.

Түрі: викториналық сұрақтар, жағдаятты шешу

І. Ұйымдастыру

II. Викториналық сұрақтар

III. «Бақытты отбасы» суретіIV. Жұмбақтар

V. «Сөз тапқанға- қолқа жоқ»

VI. Қорытындылау

Мұғалім: Құрметті ұстаздар, оқушылар! Бүгін біз «Өнеге отбасынан басталады» тақырыбындағы ашық сабақ бала тәрбиесі, оның жан-жақты дамуы бағытында өз ойымызды ортаға салмақпыз. Халқымыздың сан ғасырдан бергі даналығына құлақ ассақ, «Адамның бақыты — балада» деген екен. Біреу бақытын байлықтан тапқысы келсе, екінші біреуі даңқ пен атақтан, мансап пен қызметтен іздестіреді. Адамға нағыз бақытты тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек. Шыр етіп сәби дүниеге келген сәттен бастап ата - ана алдында нәзік те қиын, қыр - сыры мол үлкен қоғамдық міндет тұрады. Ол — бала тәрбиесі. Бала үшін үй ішінен, ата - анадан артық тәрбиеші жоқ. Тәртіпті де тәрбиелі ұрпақ тәрбиелеу – отбасы мен мектептен алған үлгі- өнеге жиынтығының жемісі. Ендеше, бүгінгі сайысымызды бастайық.

І бөлім Таныстыру.

І топ - «Алтын ұя»

ІІ топ - «Берекелі отбасы »

ІІ бөлім.

«Білімдіге дүние жарық» деп аталады. Мұнда топтың шапшандылығын, біліктілігін аңғарамыз. Ендеше викториналық сұрақтар беріледі.

І топ

1. Қ.Р. тәуелсіздікті қашан алды. (1991ж 16 желтоқсан)

2. Қандай ұлттық тағамдарды білесің? (қазы-қарта, жал-жая,бесбармақ, қымыз, шұбат)

3.Ұлттық киімдер қалай аталады? ( тақия, бешпет, қамзол, сәукеле, тон, кимешек т.б)

4.Қазақ халқының салт- дәстүрлерін ата? ( шілдехана, бесік той, тұсау кесу, құда түсу, келін түсіру, қыз ұзату. т.б.

5. Бес дұшпанды атаңдар? ( өсек, өтірік, мақтаншақ, еріншек , бекер мал шашпақ)

ІІ топ

1.«Өзін-өзі тану» бағдарламасының авторы кім? ( С.Назарбаева)

2.Бес асылды атаңыз (талап, еңбек, терең ой, қанағат, рақым)