Өнеге отбасынан тақырыбы, 3 сынып ашық сабақ

Тақырып: «Өнеге- отбасынан.»

Құндылық: Сүйіспеншілік Қасиеттер: жауапкершілік, қамқорлық, татулық.

Сабақ мақсаты: Балаларға отбасының адам өміріндегі маңыздылығын түсіндіру арқылы сүйіспеншілік құндылығының мәнін ашу .

Міндеттері: Оқушыларға отбасы ұғымының мәнін ұғындыра отырып, жауапкершілік қасиеті туралы түсінік беру;

Оқушыларды отбасы мүшелеріне сүйіспеншілікпен қарым-қатынас жасауға баулу арқылы татулық қасиетін дамыту;Оқушылыларды отбасын құрметтей отырып, жауапкершілікке, тәртіптілікке, татулыққа тәрбиелеу;

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесі

1. Тыныштық

2. Тәртіп

3. Талап

4. Тазалық

5. Татулық

Сабақ барысын талқылау:

2. Үй тапсырмасын тексеру.

«Менің отбасым» тақырыбына өз отбасыларыңның бейнесін салып келу.

1.Отбасы дегеніміз не?

2.Отбасы мүшелерінің қасиеттері қандай?

3.Дәйексөз.

«Ұяда не көрсең, ұшқанда соны ілерсің» Халық нақалы

Балалар дәйексөзді ұлдар боп 1 рет , қыздар боп 1 рет, хормен қайталау.

Балалар дәйексөздің мағынасын қалай түсінесіңдер?

Осы дәйексөзді дәптерге жазып алыңдар.

4. Әңгімелеу. Мұғалім сыйы

«Ата» (Константин Ушинский)

Атайды кәрілік әбден жеңді. Көзі нашар көретін болды, құлағы да естуден қалды, оның қартайғаны сондай, аяғы дірілдеп, аузына апарған қасықтағы сорпаны шайқап, төгіп алатын әдет шығарды. Мұнысы баласы мен келініне ұнамады, олар оны дастарқанға бірге отырғызбайтын болды, пештің артына тығып қойып, қыш табақпен тамақ берді. Бірде шалдың қолы дірілдеп, ұстап отырған табағы жерге түсіп кетіп, быт-шыты шықты. Бұл ісі баласы мен келінінің бұрынғыдан да жаман ашуын келтірді: олар енді қартты ескі ағаш тостағанмен тамақтандыратын болды. Шалдың баласының кішкентай ұлы бар-ды. Бір күні бала жерде отырып, ағаштың жаңқаларынан әлденені істеп жатты. Не істеп отырсың, құлыным?- деп сұрады шешесі баласынан. Астауша істеп отырмын. Кейін әкем мен екеуің қартайғандарыңда, мен сендерді осындай астаушамен тамақтандырамын, - деп жауап берді ол. Әкесі мен шешесі бір-біріне қарап қызарып кетті. Содан бастап шалды пештің артынан шығарып, ағаш ыдыспен тамақ берулерін доғарды.

Мәтінге сұрақ:

1.Мәтінен қандай ой түйдік?2.Бала неліктен астауша дайындап жатты?3.Балаға атасы пештің қуысында астаушамен тамақтанған ұнады ма?4.Үлкенді сыйлау,құрметтеу дегенді қалай түсінесіңдер?5.Өздерің баланың орнында болсаңдар не істер едіңдер?6.Сендер өз…