Өнегелі өмір туралы кездесу кешінің жоспары

«Бейсенбек Тайшапұлы атындағы

орта мектебі» коммуналдық мемлекеттік мекемесі

Бейсенбек атаға 105 жыл

( кеш)

Өрнек ауылы

2019жыл

Бейсенбек Тайшапұлының туылғанына 105 жыл Мақсаты: Осы мектебіміздің атына берілген Бейсенбек Тайшапұлының өмірі мен еңбегін жүріп өткен жолын, ордендерін ,марапаттарын насихаттау және оқушыларға таныстыру.

Көрнекілігі: Суреттері, нақыл сөздері, өмірі және өлеңдері.

1-жүргізуші: Қош келдіңіздер, құрметті ата-аналар, ұстаздар, қымбатты мектеп білім алушылары, қадірлі қонақтар! Бүгінгі кездесу кешіміз алтын ұя мектебімізге есімі берілген Байсенбек Тайшапұлы атамыздың туылғанына 105 жыл толуына орай «Халық данасы-халық мұрасы» атты кешімізге қош келдіңіздер!

2-жүргізуші: Өрнек ауылы бұрынғы Крупская колхозында 1937 жылы Ликбез бастауыш мектеп болып құрылып, 1939 жылы 7 жылдық мектепке ауысты.1941 жылы ауданымызда бірінші болып орта мектепке айналды. Мектебіміз қазіргі ғимараты 1967 жылы пайдалануға берілген. 1995 жылы Бейсенбек Тайшапұлы ауданымызда бірінші болып орта мектептің аты берілді.

1-жүргізуші: Армысың сен алтын ұя мектебім, Саған айтар жыр алғысым көп менің. Жүректерге жаққан білім шырағын, Мақтан етем сені мәңгі мектебім. – дей отырып бүгінгі кездесу кешімізді ашу үшін сөз кезегі мектебіміздің директоры Жумадилова Рина Қамбарқызы на беріледі. Ән

2 жүргізуші: Біздің ата-бабамыздың артында қалған ғибратқа толы тамаша тәлім – тәрбие беретін өсиет сөздері өте көп. Бүгінгі жас ұрпақты осы қасиетті сөздермен таныстырып, оның мән мағынасын жете ұғындыру үлкендердің парызы. Алғыс, тілек айту – адамзаттың сыйластық қарым-қатынасының қалыптасқан тәртібі. –демекші Бейсенбек атамыздың ұлы Ратхан ағайға және келіні Нүрпейісова Гүлмира акпиге сөз кезегі беріледі. Би 1-жүргізуші:

Мектебім – білім берер алтын ұям, Ер жетіп сенде сөзім, артты санам. Баулыған жылдар бойы ата –анамдай, Әрқашан қасиетті атың маған. Арада өтсе дағы дүркіреп жыл, Әр күні балалықтай бір жүрек бұл, Өзіңе борыштармын өмір бойы Есейген шәкіртіңнің серті деп біл.-

2-жүргізуші Бейсенбек атамыз осындай қиыншылықтарды жас кезінен өткізіп, еңбек етіп келген кісі. Осыдан үш жыл бітіріп кеткен кеткен немере қызы Ұлжан атасына былай шығарған өлеңінде: 2- оқушы Менің Атам Атам менің әдемі Бір-ақ оны көрмедім, Тұрады оның суреті, Залдың үлкен төрінде. Аты шыққан әлемге, Берілді оның есімі, Алтын ұя мектепке, Сол мектепте оқимын. Мектепке кірсем алдымнан, Шығады оның музейі, Бар еді жалғыз арманым, Атаның үлкен мерейі. Мақтанамын атаммен Осы өлеңді арнадым.

1 жүргізуші: Армысың сен , алтын ұя мектебім Саған айтар жыр- алғысым көп менің Жүректерге жаққан білім шырағын , Мектебіме арналады бұл әнім!

Ән 8 «Ә» білім алушылар

2-жүргізуші: Адам баласы өмір көшінде қандай кезең, қандай заман, қандай кез келсе де, ұрпақ қамын, оның тәрбиесін бір сәтте де ұмыт қалдырған емес. Өйткені әркім өзі өмірге әкелген ұрпағына ғұмырының

жалғасы, болашағы ретінде қарайды. Тәрбие – адам тағдырын шешетін ұлы іс. Халқымыз ежелден салт - дәстүрін, әдет - ғұрпын, тілін, дінін, өнеге - өсиетін ұрпақтан - ұрпаққа жеткізіп отырған.

Қарт атам айтқан екен:

Е, балам! Қол бастау қиын емес, Көк найзалы ерің болса. Жол бастау қиын емес, Соңыңнан ерген елің болса. Бәрінен де сөз бастау қиын. Тауып айтсаң,мереке қылады. Таппай айтсаң,келеке қылады. Е, балам! Таза мінсізасыл сөз Ой түбінде жатады. Таза мінсіз асыл тас Су түбінде жатады. Су түбінде жатқан тас Жел толқытса шығады. Ой түбінде жатқан сөз Шер толқытса шығады. 1-жүргізуші: Арада өтсе дағы дүркіреп жыл, Әр күні балалықтай бір жүрек бұл, Өзіңе борыштармын өмір бойы Есейген шәкіртіңнің серті деп біл.-дей отырып Бейсенбек Атамыздың өмірбаянымен танысып өтсек: Өмірбаяны 1- оқушы Ия міне балалар Бейсенбек атамыз да 14 наурыз 105 ке толып отыр. Кешегі кеңес дәуіріндегі қабырғасы катаймай жатып колхоз ісіне араласқан жас бала арқа еті арша боп еңбек етті.Осы еңбек жолының арқасында талай қиын кезеңдерді басынан кешірді. Атамызды көрген , білетін кісілер оның адамгершілік қасиеттері мол болғанын айтады. 2-оқушы Бейсенбек Тайшапұлы 1914 жылы 14 наурызда «Әулиеата» уезі Ерназар ауылында кедей шаруа отбасында дүниеге келді .Жетім бала , жалаң аяқ, жалаң бас, табынынан шөңге тесіп, тас тілгеніне қарамай өгіз мінген балалар соңынан қалмай ,Ерназар ауылындағы сауат ашу мектебіне барып, 7 сыныпт

3- оқушы 40 үй кедей кепшіктен біріктірілген «Көктөбе » колхозы 1929 жылдан бастап колхаздағы құрылыс жұмыстарына араласты. 1930 жылдан 1939 жылға дейін колхозда есепші болып қызмет атқарады.1939 жылдан 1942 жылға дейін Ерназар ауылдық кеңесінде хатшы, 1942-1943 жылдар арасында Ерназар ауылдық Кеңесінің төрағасы қызметі атқарған.

4- оқушы 1943жылдан 1950 жылдар аралығында «Майтөбе» колхазында басқарма бастығы болып қызмет істеген.Сондай- ақ ,1950 жылдан 1970 жылға дейін Н.К.Крупская атындағы колхоздың қазіргі Өрнек ауылындағы басқарма бастығы қызметін абыроймен атқарды. Асындай ерен еңбектері жоғары бағаланып, Бейсенбек Тайшапұлы 1948 жылы және 1957 жылы екі рет Еңбек Қызыл ту орденімен , бірнеше медалдарымен марапатталды.

5- оқушы

1963 жылы Қазақ ССР Жоғарғы Кеңесінің Мақтау граматасымен және бірнеше рет облыстық Кеңестің Мақтау граматасымен марапатталды. Бейсенбек Тайшапұлы бірнеше жыл аудандық партия комитеті пленумның мүшесі болып аудандық Кеңестік бірнеше шақырылымының депутаты болып сайланған. 1967 жылы Крупская атындағы орта мектептің алғашқы ірге тасын өз қолымен қалап , ертеңгі жастарымыз жақсы білім алсын деп күш-жігерін жұмсаған Бейсенбек Тайшапұлы болатын. Міне осындай еліне деген,келешек ұрпақ жасаған еңбектерін ескере отырып, 1995 жылы Н.К.Крупская атындағы орта мектептің аты өзгертіліп, Бейсенбек Тайшапұлының есімі берілді.

6- оқушы Осы кезде қуанбаған ауыл тұрғындары қалмады.Бұл кездегі мектеп директоры Қ.Мырзамұратов ағай болатын.Әке есімі берілгеннен кейін артындағы ұрпақтары мектепті қөрікті ұстауға өз үлестерін қосып келеді. Міне биыл Бейсенбек Тайшапұлының туылғанына 105 жыл толып отыр. Отбасында 3 ұл 2 қыз бар. Бейсенбек атамыз 1987 жылы 25 қаңтар күні дүниеден озды.

2-жүргізуші:

Олай болса бізде өз үлесімізді қоса отырып, бабалар қалдырған өсиеттердің мағыналарына терең бойлап, сөз маржандарының