Өнегелі отбасы тақырыбына ашық сабақ 2 сынып

«Өзін-өзі тану» сабағының жоспары

Мектеп : № 7

Мерзiмі: 08.02.2018ж.

Мұғалiм: Бегжанова.Б.О

Сынып:4 «Ғ»

Оқушылар саны : 22

Тақырып:«Өнегелі отбасы»

Құндылық : Сүйіспеншілік

Қасиеттер: Кішіпейілділік,татулық,бауырмалдылық

Сабақтың мақсаты: Отбасының бір шаңырақта бірге өмір сүретін, бірін- бірі жақсы көріп, бір-біріне көмектесетін туыстардан тұратынын түсіндіру арқылы сүйіспеншілік құндылығынын мәнін ашу. Ата-анасына, туыстарына деген сүйіспеншілігі, бауырмалдылығы, мақтаныш сезімдеріне тәрбиелеу.

Міндеттері:

Білімділігі:Оқушыларға отбасындағы сүйіспеншілік, сыйластық туралы ұғымдарын түсіндіре отырып кішіпейілділік қасиеті туралы түсінік беру.

Дамытушылығы:Оқушыларды отбасында өзара сыйластық,татулық,бауырмалдылық қасиетіне баулу.

Тәрбиелілігі: Оқушыларды отбасында кішіпейіл,тату,бауырмалдылық қасиеттеріне тәрбиелеу.

Ресурстар: (құралдар, мәлiметтер)

Белсендіргіш тақта, түрлі түсті бояулар, маркерлер, ватман, ақ қағаз.

Сабақ барысы:

Ұйымдастыру кезеңі (2 мин.)

5Т ережесін еске түсіру

Тәртіп

Талап

Тыныштық

Тазалық

Татулық

Топқа бөлу ( 5 мин)

Гүлдер арқылы 4 топқа бөлінеді.

1-топ «Мейірімділік»

2-топ «Шынайылық»

3-топ «Бауырмалдық»

4-топ «Кішіпейілділік»

1.Тыныштық сәтi. «Нұрға бөлену» баяу әуен.(4 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.