Өнер мерекесін өткізудің жүргізу сценарийі

Д.А.Қонаев атындағы жалпы орта мектебі

«Туған жерге тағзым!»

тақырыбында аймақтық өнер фестивалі.

Орындағандар: К.Кадирова

Жіңішке ауылы

Д.А.Қонаев атындағы жалпы орта мектебінің мектепішілік «Болашаққа бағдар: Рухани жаңғыру» аясында «Туған жерге тағзым» атты оқушылардың өнер фестивалінің бағдарламасы (сценарий)

жүргізуші: Қайырлы күн, құрметті қонақтар! Өнер сүйер қауым! Қасиетті Оңтүстік өңірі Қазығұрт жерінде көзі барды емірентіп, жүрегі барды тебірентіп өтіп жатқан өнер мерекесіне қош келдіңіздер!

жүргізуші: Жамырасып табысып, жадырасып тарасар бір той болса, ол осы – бүгінгі Елбасымыздың «Болашаққа бағдар: Рухани жаңғыру» бағдарламасы аясында «Туған жерге тағзым» атты оқушылардың өнер фестивалі болмақ.

Ендеше, бүгінгі өнер мерекесі құтты болсын!

жүргізуші: Бұл фестиваль Д.А.Қонаев мектебіндегі өнерпаздардың атағын алысқа жеткізіп, халықтың ыстық ілтипатына іліккен өнер мерекесі. Фестиваль талай таланттың тұсауын кесті, бұлақтың көзін ашты, жаңа таланттарды елге танытты. Бұлақтың көзін ашып, таланттардың есімін әйгілейтін, Қазығұрт ауданында дүбірге бөлейтін, шабытты шалқытатын думанды кезең Жіңішке ауылына тағыда келіп жетті. Өнер өрісі өрбіп, ел түлеп, тілек түгенделе берсін.

жүргізуші: Ендеше бүгінгі Өнер фестиваліне келген қонақтармен, қазылар алқасымен таныс болыңыздар.

жүргізуші:

Құлпырған еліміздің ұл қызымыз

Әзірге үлпілдеген құндызымыз

Арасын жер мен көктің бағындырған

Ертеңгі жарқыраған жұлдызымыз –

Келесі кезекте

Хор: «Ахау керім », «Қазақ елі» Жетекшісі: Гүлнар Оспанова

жүргізуші: Бүгінгі күн-мерекелік той күні,

Жарқын тілек жан көркейтсін бұл күні.

Қазағымның бар қасиеті көрініп,

Күй төгіліп, болсын қызық жыр күні- дей келе келесі кезекте

Ән: «Қазақпын», орындайтын: Әбдібек Айжамал. Музыкалық жетекшісі: Бейсенова Гүлазия

жүргізуші:

Халқымның әні қандай, жыры қандай

Шешеннің нәрі тамған тілі балдай

Шымырлап өн бойыңа тарайтұғын

Ал биі нәзікжанды балқытқандай!-дей келе фестивалді ашып беретін

«Қарлығаш» би тобының биі «Ұлттық би» жетекшісі: Қарлығаш Кадирова

Қабыл алшы өнерлерін баланың

Тілектері орындалсын ананың

Кең даламда шарықтасын әуені

Әнші жұлдыз жас өнерпаз дананың – дей келе

Сахнада: Ән «Туған жер», орындайтындар:Пернебай Жанар және Бөрібай Мейіржан, Музыкалық жетекшісі: Бейсенова Гулазия.

жүргізуші: Туған жер – адам өмірінде киелі орын алады. Нақты осы жер оны елімен, өткенімен және болашақпен байланыстырады.Туған жер – әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмірбақи тұратын өлкесі. Осы орайда Алаш қайраткері Жүсіпбек Аймауытовтың: «Туған жердің қымбатын ғылым іздеп, кітап қарап сарылып, көзінің майын тауысқан, көшенің шаңын көп жұтқан шәкірт білмесе, кім біледі? Ыстық қой, шіркін туған же!» деген, келесі кезекте сахналық көрініс «Туған жерге тағзым» (пародия).

жүргізуші: Спорт сенің серігің –

Жанға дауа, қолға күш.

Сергітетін адамды-

Қимылменен қозғалыс,

Келесі өнер көрсететін спортшыларымыз

Акробатика, Жетекшілері: Қанат Ахметов, Нұрғазы Тілепов және Төлебай Көккөзов.