Өнер тақырыбына арналған сабақ жоспары, 3-сынып

Мұғалімге әдістемелік нұсқау

Бөлім: Өнер

Сабақ тақырыбы: 81- сабақ. Нәтиже сабақ

Ресурстар: кесте, түрлі түсті қарындаштар, жұмыс парақтары, Imektep/kz . Шоқан туралы бейнежазба көрсету тақырыбындағы бейнематериал.

Қауіпсіздік және денсаулық сақтау

Оқушыларға өлең шумақтары жазылған, қағаз қиындылары таратылып, әннің бір шумағын айтып, 4 топқа бірігеді. Сонымен қатар оқушылардың сынып ішіндегі өмір қауіпсіздігін қамтамасыз ете отырып, сегіту сәтін жасату көзделеді. Денені шынықтыру мақсатында сабақта «Көңілді күн» әніне билетуге болады.

Сабаққа қажетті теориялық материалдар

3.4.2.2 Зат есімнің тәуелденуі туралы еске түсіремін. Заттың біреуге меншікті екенін білдіретін жалғауларды тәуелдік жалғаулар деп атайды. Тәуелділік жалғаулар үш жақта, жекеше, көпше түрде айтылады. Әже сөзін үш жақта тәуелдету. Мысалы: Әжем, әжең, әжеңіз, әжесі. Әжеміз, әжелерің, әжелеріңіз, әжелері.

Сабаққа қатысты ескертпелер

Сабақ басында топқа біріктіру үшін «Жалғасын тап» әдісі бойынша мұғалім оқушыларға өлең шумақтары жазылған, қағаз қиындыларын таратып, мұғалім әнді бастайды, қолындағы қиындыларға қарай әннің жалғасын тауып, бір шумағын айтып, 4 топқа бірігеді.

«Желпуіш» әдісі арқылы алдыңғы білімді пысықтау.

Әр топ қағаздың бүктелген жеріне өткен тақырыптан сұрақтарды жазып, келесі топқа береді. Әр топ өзіне түскен сұрақтарға жауап береді. Мұғалім осылайша оқушылардың зейінін бір ортаға шоғырландырып алады. Бұл әдіс оқушылардың өткенді қайталап, еске түсіруіне де мүмкіндік береді.

Көркем жазу

Кең жолды дәптерге К к әрпінің жазылу үлгісі көрсетіледі. Дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу үлгісі тақтада түсіндіріліп, көрсетіледі. Жазу каллиграфиясы нашар оқушылармен дәптеріне үлгі көрсету, әріп элементтерін бастырып жазуға арналған материалдар ұсыну арқылы үйретуге болады. Үлгі бойынша К әрпінен басталатын сөздерді табу, талапқа сай жазу. Мысалы: Кк, күн, күнбағыс, күміс, кереге, көз...

Бейнематериалмен жұмыс

Шоқан кім?

Қай жерде дүниеге келген?

Ол неше жасында хат таныды?

Ол қандай деректер жинады?

Ол туралы қандай кітап жазған? Шоқан Уалиханов тақырыбындағы бейнематериалды көріп, ол туралы тереңірек біледі. Шоқан туралы жазған кітаптарды біледі. Оның саяхаттары туралы хабардар болады.

(Ө, Қ) Мәтінде кім туралы айтылған?

Өзіндік жұмыс ұйымдастырылады. Мәтін мазмұнын айтады, сұраққа жауап береді.

Оқылым.

3.2.4.1 (Ө, Ұ, Қ) 1-тапсырма. Мәтінді тыңдап, мәтін мазмұнына сай келетін қысқаша атауды таңда.

Оқушылардың өзіндік жұмысы ұйымдастырылады. Олардың назары оқулықтағы жоспарға аудартылады. Жоспардың жалғасын болжайды. Болжау барысында дәлелдемелер келтіріп, ой тұжырым жасайды.

Мәтінге сай келетін атауды таңдай алады;

Себебін түсіндіріп, дәлелдейді.

Қ.Б. «Мадақтау» сөздер арқылы бағалау