Өнерлі қыз өнегелі жеңге аудандық сайыс материалы

Шолақсай орта мектебі

«Өнерлі қыз, өнегелі жеңге»

атты аудандық сайыс

2018 жыл.

ФАНФАР

Қыз туралы видеоролик

Жүргізуші:

Армысыздар ағайын! Қайырлы күн, қымбатты жиналған қауым! Құрметті ақ жаулықты аналар мен әжелер, кер маралдай керілген әпкелер, қарындас, құрдастар, ұстаздар! Елбасымыздың ұсынған «Рухани жаңғыру» бағдарламасы аясында ұйымдастырылып отырған «Өнерлі қыз, өнегелі жеңге» сайысына қош келдіңіздер!

Тәрбиелік мәні зор бүгінгі «Өнерлі қыз, өнегелі жеңге» сайысын бастамас бұрын алғашқы құттықтау сөз кезегі мектеп директоры Нурсеитова Жумабике Сеилгазымқызына береміз.

Жүргізуші:

Қыз бала ата - ананың, ауылдың сүйікті баласы, мақтанышы, сәні, көркі. Қыз – ел, ауыл еркесі, үлпілдеткен үкісі, алақандағы аяулысы басқа елдің болашақ келіні анасы. Қыз бала кішкентайынан жеңгесімен сырласып, еркелеп өскен аруларымыз бен жеңгелерінің сайысын ашық деп жариялаймыз.

Номер: Би «САРЫЖАЙЛАУ»Жүргізуші:

Бүгінгі сайысымыз 5 бөлімнен тұрады

«Мен қазақтың қызымын» таныстыру рәсімі (музыкалық номермен)

Тапқыр болсаң, тауып көр ( ситуациялық жағдайдан шығу)

«Халқын сүйген –салтын сүйер» (қайын сіңілісі мен жеңгесі қазақтың салт дәстүрінен көрініс көрсету)

«Сырымыз бір жеңгелер» (Сұрақ жауап), Бұл сұраққа көрініс түрінде де жауап беруге болады.

«Қыз жасауы». (көрініс немесе музыкалық түрде болуы керек)

Жүргізуші:

Қайынсіңлі сөзін жерге тастамай,

Келіп тұр ортамызға жеңгелер ай.

Бүгінгі күн сіздер бізге қонақсыздар,

Олай болса, төр сіздікі, төрлетіңдер, - дей отыра ортаға сайысқа қатысып, бағын

сынауға келіп отырған қыздарымызды жеңгелерімен шақырамыз.

ФОНДА «Үкілі кәмшат» әні қосылады

Жүргізуші:

Құрметті сайысқа қатысушылар, сайысты бастамас бұрын сіздерді сайыстың әділ бағасын беретін қазылар алқасымен таныстырып өтейік.

Аудандық оқу бөлімінен: Мукатова Мейіз Бериковна және Бекенова Әсель Хамитбековна.

Ауылымыздың өнерді сүйіп құрметтейтін апа әжелеріміз: Гүлжамал және Сапыгүл апаларымыз.

Жүргізуші:

Бүгінгі сайыс жеңімпаздарына арнайы дипломдар мен демеушілер ұсынған сыйлықтар табысталады.

Құрметті сайыскерлер. Сіздерге тек сәттілік тілей отырып, сахна сыртына шығарып салайык.

ФОНДА : Сен келін болсаң инабатты олеңі

Жүргізуші:

Мен қазақ қыздарына қайран қалам,Жанары, жаны жаздай жайраңдаған.«Қыз өссе – елдің көркі» деген сөзді,Қапысыз қалай айтқан қайран бабам. Сонымен 1 - бөлім «Мен қазақтың қызымын» таныстыру бөліміне кезек берейік.

Жүргізуші:

Келесі кезең «Тапқыр болсаң, тауып көр» деп аталады. Бөлімнің шарты бойынша жеңгелер ситуациялық жағдайдан қалай шығатынын көрсетеді. Олай болса жеңгелерге мынадай тапсырма: Сіздердің қайын сіңілілеріңіз кешкі отырысқа бармақшы. Бұл отырысқа күтпеген жерден шақырылғандықтан киіміне сай сөмке табылмай тұр. Тығырықтан шығу үшін қандай сөмке үлгісін және шаш үлгісін ойлап табар едіңіз? Барлық қажетті заттар орамал, моншақ,гүл, түйреуіш мына үстел үстінде берілген. Ендеше біздің ару қыздарымыз бен жеңгелері дайын болғанша мектебімізде биыл оқу жылында ашылған «Көзі мерген шеберлер» үйірме жұмысының нәтижесін тамашалайық. Көрсетілетін бұйымдарды қыздарымыз үйірме жетекшісі: Бақытгүлім Бахытбекқызының жетекшілігімен, үйретуімен мата мен войлокты түрлі тастар мен моншақтарды пайдалана отырып, сонымен қатар осы қыз балалардың үстіндегі киімдері де…