Өнерлінің өрісі кең мектепалды даярлық мерекелік материалы

Лагердің ашылу салтанатына арналған

«Өнерлінің өрісі кең » атты мерекелік кеш.

1-жүргізуші:Құрметті ұстаздар, оқушылар лагердің ашылу салтанатына арналған «Өнерлінің өрісі кең» атты мерекелік кешімізді бастауға рұқсат етіңіздер.

2-жүргізуші: Бал-балалық,балдырған шақ сан арман,

Барлық бала армандауға жаралған.

Кел, достарым, әндетіңдер,билеңдер,

Гүлденсін деп атамекен қара орман.

1-жүргізуші:Болашақтың иесіміз бәріміз,

Туған жердің түрлендірер нәріміз.

Алтын бесік- ұлан байтақ елінде

Жарқын болсын шырқап айтар әніміз.

Би:

2-жүргізуші: «Бала-шырын,бала-гүл, бала-ізгілік,

О,адамдар,қойыңдар мұны біліп!

Баланы күт, аяла, баланы сүй,

Ол шығатын күнің ғой ертең күліп»,-демекші,бала-қуанышымыз,бақытымыз,болашағымыз, өміріміздің жалғасы. Олай болса, сөз кезегін мектеп директоры М.Молдпкуловаға береміз.

1-жүргізуші: Бала, бала, баламыз,

Балдай тәтті баламыз.

Бала болып, ән салып,

Би де билей аламыз.

Би.

2-жүргізуші:

Біз балдырған баламыз,

Шырқап әнге саламыз.

Туған жердің төрінде,

Алау болып жанамыз

Ән:

2-жүргізуші :Бал достыққа,

Жолдастыққа

Шақырады әніміз,

Тыныштықта,

Нұр құштық та,

Бақыттымыз бәріміз.

1-жүргізуші:

Желкілдеген баудай көк

Балдырғандар балдай көп-

Өсіп келе жатырмыз

Бір-бір асқар таудай боп.

Би:

2-жүргізуші: Жаттап ертек,мол аңыз,

Өсіп,өніп тола біз,

Алатаудай айбынды

Ел қорғаны боламыз.

1-жүргізуші: Жақсылықтан үйреніп,

Боламыз біз жақсы адам.

Жамандықтан жиреніп,

Үлгі аламыз жақсыда.

2-жүргізуші:

Лагердің ашылу салтанатына арналған «Өнерлінің өрісі кең» атты мерекелік кешімізді аяқтауға рұқсат етіңіздер.

№27 Дихан орта мектебі

Лагердің ашылу салтанатына арналған

«Өнерлінің өрісі кең » атты

мерекелік кеш.

Тәлімгер : Қ.Сұлтанмұратова