Өнерлінің қолы алтын тақырыбындағы ашық сабақ

Тақырыбы:«Өнерлінің қолы алтын» Білім беру саласы: Қатынас, Таным, Денсаулық, Әлеумет, ШығармашылықБілім бөлімі: Көркем әдебиет, Тіл дамыту, Математика, Жапсыру Мақсаты: Қазақ оюының көптүрлілігі туралы түсініктерін кеңейту. Ұлттық бұйымдар мен қазақтың ою-өрнек түрлерін танып, білу ұлттық өнерді бағалай білуге тәрбиелеу. Оюды ұштастырып, бір ізге келтіру үрдісімен оюды қиып алып жапсыру икемділдіктерін арттыру. Ертегіні әңгімелеу, тақпақ, мақал – мәтелдер арқылы тілдерін байытып, ұлттық өнерді бағалай білуге тәрбиелеу. Көрнекіліктер: Ертегі желісі бойынша суреттер, ою-өрнектер және оюы бар суреттер, құмыра. Түрлі – түсті қағаз, желім, қайшы, сулы сүлгі. Қолданылатын әдістер: Түсіндіру, әңгімелеу, сұрақ-жауап, көрсету Сөздік жұмысы: Құмыра, Ботакөз, Қошқар мүйіз, Жұлдыз, Тарақ, Тышқан із, Түйемойын, Қос мүйіз, Қармақ, Ирек су.

Іс – әрекет кезеңдері

Тәрбиешінің іс - әрекеті

Балалардың іс – әрекеті

Мотивациялық қозғаушылық

Жылулық шеңбері

Бақыт деген –

Осы шаттық шеңбері

Қол ұстасып

Тұрайықша кел бері,

Бақыт деген –

Көрмей қалса сағынып,

Мені іздейтін,

Адал жүрек сендегі

Қол ұстасып шеңберге тұрып, өлең жолдарын тәрбиеші мен бірге айтады

Ғажайып сәт:

Түлкі киімін киген бала кіреді, балалалрмен амандасады.

-Балалар, қараңдаршы, бүгін бізге түлкі қонаққа келіпті. Ол ертегі тыңдағанды жақсы көреді, бірақ бірде-бір ертегі білмейді екен. Түлкіге ертегілерді есіне түсіруге көмектесейік.

Балалар түлкімен сәлемдеседі, қуанып көмектесетіндерін айтады.

Ұйымдастыру үрдістері

Жаңа тақырып кіріспе. Балаларға сұрақтар қояды.

-Қандай ертегі білесіңдер?

-Балалар, ертегілердің барлығы қандай сөздермен басталады.

- Жарайсыңдар балалар. Сендер көп ертегілерді білесіңдер екен. Балалардың жауабынан кейін тәрбиеші түсіндіріп кетеді.

-Балалар қазақ халқының өз ертегілерде,өмірде кездесетін жаман әдептерден, жағымсыз мінез-құлықтардан балалары аулақ болып жақсы мен жаманды айыра білу үшін көп ертегілер ойлап тапқан. Сендер ертегі тыңдағанды жақсы көресіңдер ме?

Үгінгі жаңа оқу іс-әрекеті.

-Бүгін мен сендерге қазақ халқының

«Түлкі мен құмыра» ертегісін оқып беремін.

Бір әйел далаға егін ора келіп, құмырасын сүтімен шөптің арасына тығып қояды, бұны түлкі көреді де жасырынып келіп, құмыраның ішіне басын тығып, сүтті ішіп қояды.

Енді түлкі құмырадан басын шығара алмай әлек болады.

Түлкі: - Әу, құмыра! Біраз ойнадық жетер, жібер менің басымды? – дейді.

Қалай жұлқынса да басын шығара алмады. Түлкі ашуланып, қап бәлем, тұра тұр, жақсылықпен қаламысың, сені суға батырамын деп жүгіріп келіп өзенге құмырамен өзі де бірге батып кетіпті.

Сұрақтарға жауап береді.

Түлкі мен тырна

Түлкі мен қырғауыл

Түлкі мен тауық.

Ерте, ерте, ертеде,

Ешкі жүні бөртеде. Баяғы заман т.б.

Тәрбиешінің түсіндірмесін тыңдайды.

Ертегіні тыңдап. Мазмұны бойынша сұрақтарға жауап береді.

Балалар кейіпкерлердің суреті салынған бас киімдерді киіп ертегіні сахналайы.

Ертегі мәнерлеп оқып шығады. Мазмұны бойынша сұрақтар қояды. Жаңа сөздердің мағынасын түсіндіреді.

Ертегіні сахналау:

Балаларға рөлдерді бөліп береді, балаларға көмектесе отырып, айтқызып, сахналатады.

Сергіту сәті:

Ой-ой, түлкі, ой, түлкі,

Ұрлығыңды қой, күлкі,

Құмыраға тиіспе,

Таңқурай жеп той, түлкі.

Өлеңді тыңдап, саусақ жаттығуын жасайды.

-Енді «Кім жылдам?» ойынын ойнайық

Тәрбиеші ертегіден үзінді оқиды? Балалар ертегінің қалай аталатынын табады.

Түлкі: - «Мен саған жақын барар едім-ау. Бірақ саған кірген, із бар да шыққан із жоқ!»- деп.

Түлкі: - Кім біледі, бұйрықты ол естімеген шығар, - дейді.

«Біреуге ор қазба, өз басыңа келер»

Япырай, тауық, қандай түлкі қандай, түлкіні тауықпа еді алдағындай

Санамақ айту.

1 – таңертең тұр,

2 – шынығып бекі,

3 – тазала тіс,

4 – сабындап жу, бет

5 – сүртін тез,

6 – үйді жина,

7 – киін тез,

8 – тамағыңды жеп, іш,

9 – ыдысты жу тегіс,

10 – атқа қон.

Бұл санамақ жаңа,

Күнде осылай сана.

Жақсы рахмет.

«Кім көп біледі?» ойыны

1.Ертегіде қанша кейіпкер бар?

2. Әйел неше құмыраны сүтімен қойып кетті?

3. Ертегідегі түлкінің неше құлағы бар?

4.Үшбұрыштың неше бұрышы бар?

5. Құмырада неше бұрыш бар?

Балалар осы құмыраны әшекейлеу үшін бізге не керек? Ендеше балалар біз алдымыздағы құмыраны ою-өрнектіеске түсірейік.