Онлайн сабақ кезіндегі оқу жоспары мұғалімдерге арналған

Қашықтықтан оқыту

Қашықтықтан оқыту – білім алушы мен педагог қызметкерінің жанама (алыстан) немесе толық емес жанама өзара іс-қимылы кезінде ақпараттық-коммуникациялық технологияларды және телекоммуникациялық құралдарды қолдана отырып жүзеге асырылатын оқыту;

Қашықтықтан білім беру технологиялары қашықтықтан оқу сабақтарын «оnline», «offline» режимінде өткізуге негізделген. «Оnline» режимінде оқу сабақтары нақты уақыт режимінде оқудың өзара іс-әрекет ету үдерісін қарастырады (бейнеконференция, Интернет желісімен хабар алмасу, телефон аппараты арқылы келіссөздер). «Оnline» режиміндегі оқу сабақтары оқытушы мен білім алушы арасындағы асинхронды тілдесудің (электрондық пошта, кейіннен қорытынды бақылау тапсырумен оқытушының тапсырмасы бойынша білім алушының оқулықпен жұмысы) оқу іс-әрекеті процесін қарастырды.

Жаңа оқу жылының қашықтан оқыту форматында басталуына байланысты, оқушылар мен ұстаздар пандемияға байланысты біраз уақыт онлайн платформаларды пайдаланды.Бүгін оқырман назарына көпшілік жиі пайдаланатын Zoom қосымшасы жайлы маңызды ақпараттарды ұсынбақпыз.

Алдымен бұл онлайн-платформа туралы ақпарат бере кетейік. Zoom негізінен видеоконференция өткізуге арналған сервис. Конференцияны есептік жазба құра алған кез-келген адам ұйымдастыра алады. Мұнда тегін видеоконференция ұзақтығы – 40 минут. Уақытты әрі қарай соза түсу үшін төлем жасауға тура келеді. Алайда 40 минут біткеннен кейін, қайтадан жаңа конференция ашып жалғастыруға да болады.

Сервис қай жағынан да өте ыңғайлы. Оны жекелеген адамдар да қолдана береді, топпен сабақ та өткізіледі. Қосымшаға компьютер, ноутбук, планшет және смартфоннан да кіруге мүмкіндік бар. Видеоконференцияға сілтеме алған немесе конференцияға идентификатор болған кез-келген адам қосыла алады. Мұнда іс-шараны алдын ала жоспарлап қоюға болады және белгілі бір уақытта әдеттегі сабақты бастау үшін қайталанбалы сілтеме орнатуға мүмкіндік қарастырылған.

Сервис артықшылықтары:

• Байланыс сапасы жақсы.

• Кез-келген қатысушымен видео және аудио байланыс орнатуға болады. Қатысушы өз бейнесін көрсетпей де отыра алады. Микрофонды да қосып қою, өшіріп қою режимі бар.

• Платформада интерактивті тақта бар. Яғни, экраннан жылдам тақтаға айналдыруға болады.

• Белгілі бір оқушыға немесе арнайы топқа файл, хабарлама жіберуге арналған чат та бар.