Оқу мен оқытудағы жаңа әдіс-тәсілдер семинары

Юрий Гагарин атындағы орта мектебі

Тақырыбы:

«Оқу мен оқытудағы жаңа әдіс-тәсілдер»

Қазақ тілі мен әдебиеті пәні мұғалімі:

Танаева Дилдаим Алимжановна

Мұғалімдермен өткізілген семинар сабақ

Күні: 30.03.2018ж.

Семинар тақырыбы: «Оқу мен оқытудағы жаңа әдіс-тәсілдер»

Мақсаты: Мұғалімдердің кәсіби деңгейін көтеру, әдіс-тәсіл алмасу, ынтымақтастықта жұмыс істей білуге дағдыландыру.

Күтілетін нәтиже: түрлі іс-шаралар арқылы әдіс-тәсіл алмасады, ынтымақтастықта жұмыс істеуге талпынады.

Шебер сынып мақсаты: Мұғалімдерге топпен жұмыс істегенде , оқушылардың жеке басына түсетін қиындықты жеңуге мүмкіндік туғызатынын түсіндіру және жаңа әдістермен таныстыру, оқушылардың мектепке келуге деген қызығушылығын арттыру жолдарын көрсету.

Дереккөздер: МАН, ғаламтор, Ы.Алтынсарин «Қазақ хрестоматиясы»

Керекті құралдар: А4 қағаздары, стикерлер, бейнеролик;

І Қызығушылықты ояту: Семинарға қатысушыларды жартылай шеңберге тұрғызып, «Табиғат дыбысы» ойынын ойнату.(Әр дыбысқа мұқият назар салсаңыздар, табиғат құбылыстарына сәйкес дыбыстарды анықтай аласыздар.)

Жүргізуші: -Алай-дүлей қарлы боран соқпай ма, ең алғашқы көктемде?!- деп М.Мақатаев ағамыз айтқандай, келіп кірген көктемгі күндеріңіз көңілді көтерсін! Деп, іс шарамызды ары қарай жалғастырамыз. Тақтадағы түрлі-түсті гүлдерден қалаған түстеріңізді алуды өтінемін.

Қатысушылар 3 топқа бөлініп отырады.

Жүргізуші: - Бір Аллаға сыйынып, кел, балалар, оқылық!

Оқығанды көңілге ықыласпен тоқылық!- деген шумақ тармақтары кімдікі екені бәріңізге мәлім, ендеше, іс-шарамызды ары қарай өрбіту үшін осы кісінің, яғни, қазақ халқының ұлы педагогі, ақын-жазушысы Ыбырай Алтынсариннің шағын әңгімесін арқау етеміз.

Әр топқа мәтін таратылады. 5 минут уақыт ішінде мәтінді оқып, мазмұнын білуге мүмкіндік беріледі.

Негізгі бөлім: Мәтін мазмұны «Шеңбер» әдісі бойынша айтылады.

Мәтін оқылып біткен соң, қатысушыларды шеңбер жасап отыруға шақырады. Шеңбердегі әр қатысушы мәтін мазмұнын бір-бір сөйлемнен айтып шығуы керек.

Ескерту: Бірінің айтқан сөйлемін бірі қайталамауы керек.

Бекіту: (мультимедиялық тақта арқылы Ыбырай Алтынсариннің еңбектері жайлы бейнеролик көрсетіледі).

Қорыту: Қатысушылар бір-біріне қарама-қарсы екі қатарға тұрып, «Спираль» ойынын ойнайды.

Шарты: Оқыған мәтінінен, көрген бейнероликтен не түсінгендері жайлы кезекпен бір-біріне сұрақ қойып, жауап береді. Сұрақ қоя алмай немесе жауап бере алмай қалса, спираль үзілген болып саналады.