Оқу менің еңбегім тақырыбындағы ашық сабақ 3 сынып

«Бекітемін» Г.А. Шаймолдина

Өзін-өзі тану сабағының жоспары

Мектеп: Мамыт НМ

Мерзімі:

Мұғалім: Оразбаева С.О

Сыныбы: 3 Оқушы саны: 3 № 1 сабақ

Тақырыбы: Өзін-өзі тану белестері

Құндылық: ішкі тыныштық

Қасиеттер: жақсылық,жанашырлық,мейірімділік

Ресурстар

Мақсаты: Өзін-өзі тану белестері тақырыбын түсіндіре отырып,ішкі тыныштық құндылығының мәнін ашу

Міндеттері:

-жақсылық жасаудың маңыздылығын түсіндіру

-жанашырлық қасиеттерін дамыту

- оқушыларды жақсылыққа,жанашырлыққа,мейірімділікке тәрбиелеу

Оқулық ,дәптер

Сабақ барысы

Ұйымдастыру кезеңі

5 «Т» ережесін еске түсіру

Тыныштық сәті:

Тыныс алу.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз...,арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет)

немесе

Мәтінмен жұмыс:

6 беттегі, 1 сабақтағы « Алтын балық » мәтінін оқу.

*Кедейге қария не деп жөн сілтеді?

* Кедейдің мейірімі Алтын балыққа қалай түсті?

*Алтын балық кедейдің қандай тілегін орындады?

*Қария қандай адам?

*Кедейдің ішкі дүниесі қалай тыныштанды?

*Өздерің алтын балықтан қандай тілек едіңдер?

Дәйексөз

«Өзін-өзі тану-адамгершілік құндылықтардың негізі»

С.Алпысқызы

2 рет ұлдарға, 2 рет қыздарға қайталатамын.

Осы дәйексөзден қандай ой түйдіңіздер?

Мұғалім сыйы.Әңгімелеу

Таным тағылымы (аңыз әңгіме)

1.Данышпандардың өмірлік қағидалары қандай?

2.Қай таным жандарыңа жақын?

3.Сендер танымның қай жолын таңдап алар едіңдер?

1.Есті болу үшін адамға қандай қасиеттер керек?

2.Жан дүниемізде ішкі тыныштық қай кезде орнайды?

3.Өздеріңді өздерің қалай тәрбиелеп жүрсіңдер?

Шығармашылық жұмыс.

«Менің өмірлік ұстанымым» ой пікір айту

Топпен ән айту:

«Мен әдепті баламын» әні

С:А.Асылбеков Ә:И.Нүсіпбаев

Мені үлкендер әдепті деп мақтайды,

Мінезімнен теріс қылық таппайды.

Ал егер сен жалқау болсаң тілазар,

Ондай әдет жақсылыққа жатпайды.

Қ-сы: Айтқан тілді аламын,Айтқан жерге барамын,

Мен әдепті,мен әдепті баламын.

Қарсы алдынан кесіп өтпей көлденең,

Қашанда мен үлкендерге жол берем.

Абайсызда қалса біреу сүрініп.

Мен сүйеніш боп әрқашан қол берем.

Үй тапсырмасы. 2 сабақ,10 бет «Ата өсиеті» мәтінін оқу.

дәптермен жұмысты орындау

Сабақтың қорытынды минуты

Балалар бүгінгі сабақта айтылған жақсы қасиеттерді жүректеріңізге сақтаңыздар.Сау болыңыздар.

«Бекітемін» Г.А. Шаймолдина

Өзін-өзі тану сабағының жоспары

Мектеп: Мамыт НМ

Мерзімі:

Мұғалім: Оразбаева С.О

Сыныбы: 3 Оқушы саны: 3 № 2 сабақ

Тақырыбы: Өмірді танып білуге құштарлық

Құндылық: сүйіспеншілік

Қасиеттер: мейірімділік,сыйластық,шыдамдылық

Ресурстар

Мақсаты: Өмірді танып білуге құштарлық тақырыбын түсіндіре отырып, сүйіспеншілік құндылығының мәнін ашу.

Міндеттері:

-шыдамдылыққа үйрету

-мейірімділік қасиеттерін дамыту

-оқушыны мейірімділікке,сыйластыққа,шыдамдылыққа тәрбиелеу

Оқулық ,дәптер

Сабақ барысы

Ұйымдастыру кезеңі

5 «Т» ережесін еске түсіру

Тыныштық сәті:

Су асты патшалығына ойша саяхат.

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Үй тапсырмасын тексеру:

2 сабақ,10 бет «Ата өсиеті» мәтінін оқу.

*Нұртас неге өзіне өкпелі?

*Нұртастың ойының өзгеруіне не себеп болды?

*Нұртастың ойы неге өзгерді?

*Қария «өмірді сүю» керек дегенді не үшін айтты?

*Адамдардың бойында қандай сүйіспеншілік қасиеттер болуы керек?

*Өздеріңнің көңілдерің өздеріңе тола ма?

Дәйексөз

«Өзіңді танығың келсе,адамдарға сүйіспеншілікпен қара»

Ф.Шиллер

2 рет ұлдарға, 2 рет қыздарға қайталатамын.

Осы дәйексөзден қандай ой түйдіңіздер?

Мұғалім сыйы.Әңгімелеу

Адам болғым келеді

С.Дәуітов

Ойы терең мұхиттай дана болғым келеді,

Көңілі аппақ сүттен де бала болғым келеді.

Адалдықты сүйетін жүрегімен,жанымен,

Бал-бұлақтай мөп-мөлдір таза болғым келеді.

Отты,ойлы жыры бар ақын болғым келеді,

Қиындықтан қайтпайтын асыл болғым келеді.

Адамдардың бәрінен кіші болғым келеді,

Ең бастысы өмірде-кісі болғым келеді,

1.Адамның өзін-өзі тануы үшін не қажет?

2.Адамға өмірде не қымбат?

3.Жақсы қасиеттерді қалай үйренеміз?

1.Адамдарды жақсы көру не үшін қажет?

2.Сүйіспеншіліктің өмірдегі маңызы қандай?

3.Өзің достарыңмен қандай қарым-қатынастасың?

Шығармашылық жұмыс.

«Өмірді танып білгім келеді» тақырыбына әңгіме құрастырыңдар

Топпен ән айту:

«Біз өмірдің гүліміз» әні

С: Ә.Дүйсенбиев, Ә:Б.Ғизатов

Зеңгір көктен

Нұрын төккен

Ортақ біздің күніміз.

Жайнап өскен,

Жайдары өскен

Біз өмірдің гүліміз

Бал достыққа,

Жолдастыққа

Шақырады әніміз

Тыныштықта

Нұр құшақта

Бақыттымыз бәріміз

Үй тапсырмасы. 3 сабақ, 15 бет «Білім мен байлық» мәтінін оқу.

-сабақ, бет дәптермен тапсырмадағы жұмысты орындау

Сабақтың қорытынды минуты

Балалар бүгінгі сабақта айтылған жақсы қасиеттерді жүректеріңізге сақтаңыздар.Сау болыңыздар.

«Бекітемін» Г.А. Шаймолдина

Өзін-өзі тану сабағының жоспары

Мектеп: Мамыт НМ

Мерзімі:

Мұғалім: Оразбаева С.О

Сыныбы: 3 Оқушы саны: 3 №3 сабақ

Тақырыбы: Білім ақиқат бастауы

Құндылық: дұрыс әрекет

Қасиеттер: сабырлылық,ұстамдылық,білімділік

Ресурстар

Мақсаты:

Міндеттері:

-сабырлылыққа үйрету

-ұстамдылық қасиеттерін дамыту

-оқушыларды сабырлылыққа,ұстамдылыққа,білімділікке тәрбиелеу

Оқулық ,дәптер

Сабақ барысы

Ұйымдастыру кезеңі

5 «Т» ережесін еске түсіру

Тыныштық сәті:

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Үй тапсырмасын тексеру:

3 сабақ, 15 бет «Білім мен байлық» мәтінін оқу.

*Ғұлама жасөспірімге қандай бағыт бағдар берді?

*Білім мен байлық туралы қандай ой түйдіңдер?

*Таразының қай басы ауыр тартты?

*Білімнің өмірдегі маңызы қандай?

*Білім қандай дұрыс әрекетке бастайды?

*Өзің қандай білім сайыстарына қатысқанды жөн көресің?

Дәйексөз

«Өнер білім – бәрі де оқуменен табылған»

Ы.Алтынсарин

2 рет ұлдарға, 2 рет қыздарға қайталатамын.

Осы дәйексөзден қандай ой түйдіңіздер?

Мұғалім сыйы.Әңгімелеу

Білім шыңы (аңыз)

Ертеде бір кедейдің баласы болыпты.Ол мектеп жасына жеткенде оқиын десе кітабы жоқ,барайын десе мектепке киімі,оған төлейтін ақшасы жоқ болыпты.Содан бала байға жалданып үй шаруасын істеуге рұқсат алыпты, ақысына үйіндегі кітаптарды оқуға рұқсат алыпты.Бір жыл байдың балаларын оқытқан ұстаздың есігінен сығалаған бала әріптерді танып,басын қосып оқитын болады.Келесі бір жыл тағы жалдануға рұқсат алыпты.Бала осы жылы жазуды,сызуды,оқуды толық игеріп,байдың кітаптарын сұрап оқитын дәрежеге жетіпті.Сол жылы үйіндегі жалғыз өгізін сатып орынбор қаласына оқуға аттаныпты.Сол білім баланың өміріне азық болып,бала орыстың атақты жазушысы болыпты.

1.Бала неге білімге құштар?

2. Баланың бойында қандай қасиеттер бар?

3.Баланың білім жолындағы қадамы қалай аяқталды?

1.Білім инемен құдық қазғандай деген сөзді қалай түсінесің?

2.Білім алушының бойында қандай қасиеттер болуы керек?

3.Өздерің достарыңның арасында қандай дұрыс әрекет жасап жүрсіңдер?

Шығармашылық жұмыс.

Сүйікті журналыңнан алынған материалдардан «Білім әлемі» тақырыбында коллаж жасаңдар.

Топпен ән айту:

«Мектебім» әні

Үй тапсырмасы. 4 сабақ, 19 бет «Өнерлі балалар» мәтінін оқу.

дәптермен жұмысты орындау

Сабақтың қорытынды минуты

Балалар бүгінгі сабақта айтылған жақсы қасиеттерді жүректеріңізге сақтаңыздар.Сау болыңыздар.

«Бекітемін» Г.А. Шаймолдина

Өзін-өзі тану сабағының жоспары

Мектеп: Мамыт НМ

Мерзімі:

Мұғалім: Оразбаева С.О

Сыныбы: 3 Оқушы саны: 3 № 4 сабақ

Тақырыбы: Менің сүйікті ісім

Құндылық: ішкі тыныштық

Қасиеттер: табандылық, зейінділік ептілік,

Ресурстар

Мақсаты: Менің сүйікті ісім тақырыбын түсіндіре отырып,ішкі тыныштық құндылығының мәнін ашу

Міндеттері:

-табандылыққа үйрету

-зейінділікке баулу

- оқушыларды табандылыққа, зейінділікке, ептілікке тәрбиелеу

Оқулық ,дәптер

Сабақ барысы

Ұйымдастыру кезеңі

5 «Т» ережесін еске түсіру

Тыныштық сәті:

Су асты патшалығына ойша саяхат.

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында…