Менің арманым тақырыбындағы ашық сабақ, 4-сынып

Өзін-өзі тану сабағының жоспары

Мектеп: №59 Мерзімі 01.10.2018 Мұғалім: Алдыбергенова Г.Е

Сынып: 4 «Г» Оқушылар саны: 27

Сабақ: № 5 сабақ Тақырыбы: Менің арманым

Құндылық: Ақиқат Қасиеттер: дарындылық, іскерлік, жауапкершілік

Сабақтың мақсаты: Оқушыларға өмірде адам арманмен өмір сүру керек екенін түсіндіру арқылы ақиқат құндылығының мәнін ашу.

Сабақтың міндеттері:

1) оқушыларға адамның армандарының бірі жақсы маман болу туралы түсінік беру;

2) жауапкершілік қасиетін дамыту

3) дарындылыққа, іскерлікке, жауапкершілікке

тәрбиелеу.

Ресурстар:

Сабақты бастамас бұрын оқушылармен

5 Т ережесін қайталау

-тәртіп

-талап

-тыныштық

-тазалық

-татулық

Сабақ барысы:

1.Ұйымдастыру кезеңі.

Тыныштық сәті«Нұрға бөлену»

Балалар, еркін отырайық. Көзімізді жұмып, бәріміз терең демалып, таңның атуын елестетейікші.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседе. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналады. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шагады. Осы нұрды туысқандарыңызға, мұғалім

Тыныштық сәтінен қандай әсер алдыңыздар?

Баяу ән орындалып тұрады.

2.Үй тапсырмасын тексеру.

«Менің арманым» тақырыбында эссе жазып келу.

3.Дәйексөз:

«Арманы жоқ жас – қанатсыз қарлығаш»

Халық мақалы

Ұлдар 2рет Қыздар 2 рет

Барлығы 2 рет қайталайды

Осы мақалды қалай түсінесіздер?

Неге армансыз жасты қанатсыз қарлығашқа теңейміз?

Арман алға жетелейтін жарық жұлдыз, адам адал еңбек етіп, қиындыққа мойымай, қажырлылық танытқанда ғана өз мұратына жетеді, яғни арманы жүзеге асады.

4. Әңгімелеу

Мұғалім сыйы

Құмға салған сурет

К.Сегізбай

Әке-шешеден ерте айрылған Әбілхан тіршіліктің тауқыметін көп тартты. Қой соңында күндер өтті. Жұрттың баласы хат танып, сабақ оқығанда, мұның қолынан бар келгені – күйемен тас бетіне немесе сұқ саусағымен құмға сурет салу. Болмаса қашау, пышағын ала жүріп, тас пен ағаштан мүсін жасау.

«Бала, әкең Қастей марқұм үндемей қой соңынан ергенді ғана білетін момын кісі еді. Мынауың біз білмеген өнер екен», - деді, бір күні Әбілханның ағаштан жсаған мүсіндерін көргенде Түргенбай дейтін қарт ұста.

Жетім бала өзі машықтанып жүрген ісіне тұңғыш рет қолдау естіді.

- Өнерді өрге бастыру үшін өмірді тану керек. Білімсіз адамның өмірі – тар, құлашы қысқа, сурет салуға талабың бар екен. Оқуың керек шығар, балам,…