Оқу үдерісіндегі тәжірибенің жаңа арнасы туралы эссе

Мажитова Айман Аймаганбетовна

Жетістіктің негізгі түйіні:

Оқу мен оқыту үдерісіндегі тәжірибемнің жаңа арнаға бұрылуы.

Білім беру мекемесі

Теміртау қаласы әкімдігінің «Теміртау қаласы № 8 жалпы білім беретін орта мектебі» коммуналдық мемлекеттік мекемесі

Қызметім

Қазақ тілі мен әдебиеті

Кәсіби кредом:

«Ескіден қол үзіп, жаңаға қол жеткізгендер ғана мұғалім бола алады» Конфуций

Тарих беттері

«Ескіден қол үзіп, жаңаға қол жеткізгендер ғана мұғалім бола алады» – деп Қытайдың дана ойшылы Конфуций айтқандай, мұғалім өткен тәжірибесін жаңамен ұштастыра алатын, кәсіби қызығушылығы жоғары, танымы биік, бастаған ісінің нәтижесін көре алатын, ғылыми зерттеу жұмыстарын таңдай білетін, педагогикалық үрдістің заңдылықтарымен таныс, оқытудың әдістемелік жаңалықтарынан хабардар, оқыту үрдісін ізденімпаздықпен арттыратын өз ісінің шебері болуы керек. Менің ойымша, қазіргі заман мұғалімі – рухани жағынан дамыған, педагогикалық құралдардың барлық түрлерін шебер меңгерген білікті маман болу керек.

ІІІ деңгейлі курсты аяқтап келгеннен бері оқу үдерісінде біршама өзгерістер байқалды. Сыныптағы психологиялық ахуалдың өзгеруі, «Алтын ереже», жаңа әдіс-тәсілдерді қолдану, сергіту сәттерін өткізу, топтық жұмыстар, рефлексия жасау және бағалау түрлері сабақ үдерісіне оң әсерін тигізді. Оқушылар өз ойларын шынайы түрде ортаға салуға, сыни тұрғыдан ой қорытуға үйренді. Сабақ үрдісіндегі өзгеріс дарынды, талантты балалардың да көшбасшылық танытуына септигін тигізді.

7 «А» сыныбында Қасым Аманжоловтың шығармашылығына арналған сабағымда Мұқағали мен Қасым шығармаларындағы үндестікті анықтау үшін топтық тапсырмалар бердім. Топтық жұмыс барысында оқушылар қос ақынның шығармаларын салыстыра отырып, шағын зерттеу жұмысын жүргізді.

2- топ басшысы Руслан:

«Қасым: Тірліктегі тыпыршыған

Бір күніңе не жетеді?

Аулақ,ауру ыңырсыған

Өмір күйі тербетеді.

Мұқағали: Аулақ,аулақ,

Аулақ менің жанымнан

Қара уайым қара шәлі жамылған.

Екі ақында да тарыққан, шаршаған, бәрінен жеріген көңіл-күйдің бір сәті. Қасым аурудан қашса, Мұқағали тірліктің қиын тауқыметінің бір мезетінен қашады. Қасымда «аулақ» бір рет қолданылса, ал Мұқағалида үш рет қайталанып өлеңнің экспрессиясын күшейтіп, қуатын арттыра түседі» десе,

4-топ мүшесі Зере : «Күніне жүз ойланып, мың толғанам.

Өзіммен бірге өлмесін өлеңім деп»-Қасым ақын жырға қосса,

«Өлсе өлер Мұқағали Мақатаев