Оқушы қызығушылығын арттыратын заманауи платформалар мақаласы

Оқушылардың қызығушылығын арттыруда заманауи платформалардың тиімділігі

Мұғалімнің аты-жөні: Шатенов Оразбай Бердиханович

Заманауи плафтормалар мұғалімді алмастыра алмайды, бірақ мұғалімге қосымша материалдарды ұсынады, яғни сабақ мазмұнын ақпараттық-коммуникациялық технологиялардың жаңа мультимедиялық мүмкіндіктерімен толықтыруға, оқушылардың назарын аса маңызды оқу тақырыптарына аударуға, қажет болған жағдайда оқушылардың назарын зерделенген көріністердің ерекшеліктеріне шоғырландыруға, оны көрнекі түрде көрсетуге, сабақтың мазмұнын қоғамда болып жатқан өзгерістермен, өмірлік тәжірибелермен, оқушылардың пәнге деген қызығушылықтарымен және т.б. құбылыстармен байланыстыруын қамтамасыз етуге мүмкіндік береді.

Сабақтың белгілі бір кезеңінде цифрлық технологиялардың, цифрлық ресурстардың және интернет қызметтерінің құралдарын қолданудың педагогикалық маңыздылығы ерекше екенін атап өтуге болады, мысалы білім алушылар үшін оқыту үдерісінде цифрлық контентті құрайтын ең танымал білім беру платформаларын, олардың оқытуды ұйымдастыру үшін негізгі мүмкіндіктерін және білім алушылардың оқу жетістіктерін бағалауға арналған ең танымал білім беру платформаларының мүмкіндіктерін пайдалану сабақтың ұтымды өтуіне оң әсер етеді. Бүгінгі таңда білім беру жүйесінде ақпараттық-коммуникациялық технологияларды қолдану қажет.

Заманауи платформалардың пайдасы:

– тұрақты мотивацияны қалыптастырып, білім сапасын арттырады, білім алушылардың ойлау қабілеттерін белсендіреді;

оқу-тәрбие процесінің қарқындылығын арттырады;

– білім беру процесін заманауи материалдармен қамтамасыз етеді, білім алушыларды әртүрлі ақпарат көздерімен өз бетінше жұмыс істеуге дағдыландырады;

– жеке тұлғаға бағытталған және сараланған тәсілді жүзеге асырады;

– білім алушыларды зерттеу қызметіне тартып, оқу процесінің икемділігін қамтамасыз етуге мүмкіндік береді.

Сабақ барысында мынандай платформаларды қолдануға кеңес беремін:

1. Fyrebox – сабақтың соңында кері байланыс алуға керемет платформа. Бұл сайтта тек викторина құрмаймыз, сабақтың соңында кері байланыс алуға қолдануға болады.Бұл сайттын артықшылығы қазақ тілінде кез келген сөзді оқи береді.

Аталған ресурстарды пайдалануға негізделген оқыту үдерісі оқу іс-әрекетіне ынталандыру деңгейін, білім беру нәтижелеріне қол жеткізудің жоғары нәтижелілігін, білім беру үдерісіне қатысу деңгейін арттырады. Оқытуға жаңашыл көзқарасты қолдану, тәжірибеге бағытталған оқытудың үлкен жетістігі болып табылады , сондай- ақ оның сапасы алынған білімнің нақты жағдайда мақсатқа жетумен қатар өмірдің сапасын көтеруде үлкен сұранысты қанағаттандыруды қамтамасыз етеді.

2. Padlet тақтасы – бұл әр оқушыға өз жұмысын тақтаға шығаруға, ал мұғалімге-оған көп уақыт жұмсамай және ауыр дәптерлерді жинамай-ақ, әр мұғалімге түсініктеме беруге және бағалауға мүмкіндік беретін қызмет.

Белгілі бір тақырып бойынша материалдарды ортақ жинау үшін тақтаны пайдалануға болады. Бұл ретте оқушылар барлық сыныпта да, топта да жұмыс істей алады. Барлық ресурстар бір жерде жиналады және ешқашан жоғалмайды. Жұмысты бастау үшін оқытушы Google немесе Facebook-те тіркелу немесе бар аккаунттарды пайдалану қажет. Тақтаны өз сайтыңызға немесе блогыңызға орналастыруға болады, балаларға сілтеме беруге немесе оларды email арқылы қатысуға шақыруға болады.

Padlet тақтасын кері байланыс беру кезінде қолданған өте тиімді деген ұсыныс айтқым келеді.

3. Baamboozle платформасы – оқыту үшін ойындарды пайдаланатын онлайн оқыту платформасы. Ол сіздің оқушыларыңыз бірден жұмысқа кірісуі үшін әртүрлі ойындарды ұсынады, бірақ сіз өз ойындарыңызды да қоса аласыз. Нәтижесінде мұғалімдер ресурстар пулына өз тапсырмаларын қосқан сайын мазмұн кітапханасы күн сайын толықтырылып отырады.

Мұнда әлемнің түкпір-түкпірінен келген мұғалімдерден миллионнан астам ойын жиналды. Барлық интерактивті тапсырмалар флэш-карталар принципі бойынша жасалады, онда сіз сұрақ, сөз немесе сөйлем жазасыз, ал оқушылар дұрыс жауап береді.

Сізге Baamboozle ұнауының төрт себебі:

1. Ойындар оқытудың барлық түрлеріне сәйкес келеді ― онлайн, офлайн, сыныпта және жеке оқушының өзімен.

2. Жарқын дизайн оқушылардың назарын аударады, сондықтан олар міндетті түрде қатысып, тапсырмаларды орындағысы келеді. Ұпай үшін командалық жарыстар балалардың ерекше қызығушылығын тудырады.

3. Қызмет уақытты үнемдейді. Сіз студенттерге Quizlet-тен үйренуге мүмкіндік беретін карталар жинағын тез жүктеп алып, ойынды 10 минуттан аз уақыт ішінде жасай аласыз.